Desde a Biblioteca Escolar do CEIP Mestre Martínez Alonso (Mos, Pontevedra) achégannos unha proposta excelente para avanzar na educación documental do alumnado. Esta webquest: xaneiro, mes da paz, está pensada, segundo o equipo da biblioteca, para 2º/3º ciclo de primaria, pero nalgúns centros tamén a van empregar para 1º ciclo de ESO. Agradecemos a xenerosidade do profesorado que comparte este recurso co resto das bibliotecas escolares, nunha dinámica de traballo absolutamente contextualizada no tempo e na realidade máis brutal.
ALFIN
ALFIN para a Paz. Biblioteca do CEIP Mestre Martínez Alonso
Recursos electrónicos na Rede
En datas recentes déronse a coñecer na Rede dous novos recursos electrónicos de grande interese para as bibliotecas escolares:
- A Biblioteca Escolar Digital, posta en marcha pola Fundación Germán Sánchez Ruiperez
- Europeana, a biblioteca multimedia en liña da Unión Europea.
Por outra parte, as bibliotecas escolares que estean integradas no Proxecto Meiga teñen ao seu alcance, grazas aos acordos entre as Consellerías de Educación e Cultura da Xunta de Galicia, diversos recursos electrónicos de acceso restrinxido. Para acceder a eles, só é necesario ingresar a través da páxina da Rede de Bibliotecas de Galicia, co número de lector da biblioteca escolar correspondente e nome ou apelidos do lector ou lectora como contraseña.
Neste mesmo portal do sistema bibliotecario galego existe un apartado de recursos electrónicos dispoñibles na Rede seleccionados, en función do seu interese informativo e pedagóxico, por un grupo formado por bibliotecari@s da rede de bibliotecas públicas e da rede de bibliotecas escolares de Galicia.
Formación de usuari@s en JCLIC
Desde o IES As Mariñas, de Betanzos (A Coruña), achégannos este material destinado á educación documental do alumnado, en JCLIC.
Agradecemos a difusión deste traballo que, sen dúbida, pode ser útil para o resto das bibliotecas escolares galegas.
Novos materiais para educación documental. Actualización da páxina de Glória Durban
A profesora catalana Glòria Durban comunícanos que vén de actualizar a súa páxina persoal, bibliotecaescolar.info, referencia imprescindible para o traballo na biblioteca escolar e moi especialmente no ámbito da educación documental/ALFIN. Reproducimos a súa explicación:
La web bibliotecaescolar.info ha actualidado sus contenidos en referencia a tres aspectos concretos:
- Materiales didácticos para el desarrollo de la competencia informacional con una selección de recursos disponibles en la Red correspondientes a los tres ámbitos de la comtepencia: acceso, tratamiento y comunicación de la información.
- Formulación y concreción de la vinculación necesaria y posible de la biblioteca escolar con la cultura digital.
- Aproximación a los recursos digitales diponibles en Internet: tipologías de recursos, nuevos servicios digitales y una propuesta concreta de biblioteca digital para la biblioteca escolar pensando especialmente en la educación secundaria.
Tambien hay un material nuevo que he elaborado en mi centro con una profesora para un proyecto que hemos llamado "Aprender a investigar" son unas guias didàcticas de cada uno de los tres ambitos de la competencia. Son muy utiles para guiar los trabajos de investigación de 4t de la ESO. El problema es que estan en catalan y ahora no tengo tiempo de traducirlos. Mas adelante. Pero estan disponibles en la web.
Agradecemos, unha vez máis, a xenerosidade de Glòria Durban ao poñer os seus materiais a disposición de todo o profesorado.
- APIs de Blogue
Materiais para a educación documental - Ensino Secundario
Desde a biblioteca do IES Poeta Añón de Outes (A coruña) remítennos uns materiais para educacióndocumental de gran interese. Atendendo a un dos contidos do Alfabetización Informacional, o uso ético da información, sendo como son na súa meirande parte tradución e adaptación de materiais preexistentes, dispoñibles a través de internet, recoñécese a autoría orixinal cunha mención explícita. En calquera caso, son excelentes instrumentos para a formación do alumnado de ESO, bacharelato e ciclos formativos no uso e tratamento da información, e debe recoñecerse o traballo realizado e agradecer a posibilidade de difundilo e poñelo a disposición do resto de bibliotecas escolares a través desta páxina:
Educación documental
A educación documental comeza dende ben pequenos. No seguinte documento, elaborado pola Asesoría de bibliotecas escolares, recóllense algunhas cuestións para iniciar ao alumnado no uso de fontes documentais diversas.
- Educación documental (revisión abril 08)
Leo quere saber: educación documental para o ensino primario
Olga Rodríguez, responsable da biblioteca do CEIP Milladoiro de Malpica, achéganos uns materiais para a educación documental:
"Este ano comezamos a deseñar un programa de actividades novo para educación documental no 2º ciclo de Primaria. Trátase da serie de cadernos Leo quere saber...
De momento contamos con 11 caderniños das series Animais e Preguntas Temáticas. Temos no forno unha serie sobre plantas e árbores, e sobre o papel: o universo e os planetas, o corpo humano, inventos e inventores e medios de comunicación. Sempre adaptados a ese ciclo. Veredes que hai un orde de dificultade: comezamos con consultas nunha única fonte, seguimos con dúas e ó final incluímos 3: dúas en papel e a wikipedia.
Inclúo un par de cadernos como mostra. O resto podedes velos (collelos, cambialos, usalos......) no blog: materiais. educacion documental. Leo quere saber".
Formación de usuarios - IES Río Cabe
Mª Luz Paramio, da biblioteca escolar do IES Río Cabe, de Monforte de Lemos, pon a disposición de todos esta excelente ferramenta para iniciar a educación documental.
Alfabetización na era dixital
O blog TISCAR da profesora de xornalismo da Universidade Carlos III de Madrid, Tíscar Lara, é un exemplo de xenerosidade na difusión de información. Nesta ocasión, unha achega interesante sobre alfabetización na era dixital, que ben merece unha visita.
Declaración de Toledo sobre alfabetización informacional (ALFIN)
Profesionais da información e da educación do Estado español reuníronse en Toledo, en febreiro de 2006, convidados polo Ministerio de Cultura e a Consejería de Cultura de Castilla-La Mancha, nun seminario de traballo - Biblioteca, aprendizaxe e cidadanía: a alfabetización informacional -, co fin de analizar a aplicación do concepto e a situación dos programas de alfabetización informacional en España, así como para propoñer as liñas de actuac
