Bibliotecas escolares

Na liña de traballo de elaboración de materiais para o profesorado, en apoio do seu labor na dinamización das bibliotecas escolares, a Consellería de Cultura, Educación e Ordenación Universitaria vén de publicar un material que chegará aos centros na primeira quincena de setembro. Trátase dunha versión ILUSTRADA da adaptación da Clasificación Decimal Universal para bibliotecas escoalares que se realizara a comezos deste programa, no ano 2004. 

Óscar Villán, debuxante que xa elaborara outros materiais para a sinalización das bibliotecas escolares, foi o encargado da realización desta CDU ILUSTRADA, que agardamos poida servir de motivación nas actividades de formación de persoas usuarias das bibliotecas escolares. 

A Clasificación Decimal Universal (CDU) é un sistema estandarizado polo que se distribúen todos os documentos relacionados co coñecemento humano en 10 categorías que, á súa vez, se van subdividindo noutras 10 categorías (e así sucesivamente), na medida en que se precisa maior concreción. Para os centros de infantil e primaria non se recomenda pasar dos dous díxitos, aínda que algunhas categorías, das que pode haber moito material na biblioteca, podería chegar aos tres díxitos. + información AQUÍ

Xa a comezos de curso este cartel completarase con outro material divulgativo sobre esta CDU Ilustrada. 

• Táboa simplificada da CDU para bibliotecas escolares
• CDU ILUSTRADA
• Miniaturas CDU Ilustrada
  

Están dispoñibles en RedeBE os materiais audiovisuais das diferentes intervencións nos pasados Encontros do Plan de mellora de bibliotecas escolares 2017/2018, ampliando o conxunto de informacións, recursos, presentacións e ligazóns de interese que xa se podían ver nesta aula virtual desde o día seguinte aos encontros, celebrados en Compostela os días 12 e 13 de abril de 2018. Recursos de interese para a formación dos equipos de biblioteca e para todo o profesorado interesado nestas temáticas. 

O pasado 20 de febreiro reuníronse en Compostela profesorado procedente de 53 centros integrados incialmente no programa "Bibliotecas Escolares Inclusivas" (centros públicos de educación especial e centros ordinarios que contan con unidades creadas ou habilitadas de educación especial). Foi unha xornada intensa, baixo o lomea BIBLIOTECA INCLUSIVA. LECTURA E DIVERSIDADE, no que se traballou sobre a lectura en contextos de diversidade e, así mesmo, se coñeceron experiencias ben interesantes de centros galegos, de centros ordinarios, e de centros de educación especial, no tratamento da diversidade desde a biblioteca escolar. 

TODOS os materiais (presentacións) desta xornada están xa dispoñibles desde ese  día 20 de febreiro a disposición de todo o profesorado interesado no espazo virtual RedeBE, pero agora xa se pode acceder a TODO O MATERIAL AUDIOVISUAL xenerado nesa xornada. Tamén os recursos seleccionados desde a Asesoría de biblotecas escolares, con diferentes colaboracións.

• ACCESO AOS MATERIAIS EN REDEBE

María Victoria Moreno é unha das figuras da literatura galega homenaxeada no Día das Letras que máis posibilidades de tratamento, de xogo, de achegamento á literatura e de vínculo coa lingua proporciona no contexto de lectores máis novos. Foi así que este ano, unha vez máis, as bibliotecas escolares galegas aproveitaron estas datas para organizar actividades relacionadas con esta autora e destinadas a valorar a lingua. Algúns exemplos podémolos atopar nas seguintes ligazóns: 

• CEE Terra de Ferrol: Vídeo sobre MVM
• CEIP Cabada Vázquez (A Estrada, Pontevedra): Recitado de poemas
• CEIP Camiño Inglés (Oroso, A Coruña): Maratón de lectura
• CEIP de Celeiro (Viveiro, Lugo): Actividades das Letras
• CEIP de Cespón (Boiro, A Coruña): Feirón das Letras
• CEIP Coirón-Dena (Meaño): Manifesto MVM e outras actividades
• CEIP O Coto (Negreira, A Coruña): Videoconto E haberá tirón de orellas?
• CEIP de Covas (Viveiro): Muiñeira global
• CEIP Couceiro Freijomil (Pontedeume, A Coruña): Selección de recursos; Certame de poesía
• CEIP A Cristina (Carballo, A Coruña): Exposición e lectura de libros
• CEIP Curros Enríquez (Celanova, Ourense): Videopresentación sobre MVM
• CEIP Eduardo Pondal (Vigo, Pontevedra): Photocall e Lecturas compartidas
• CEIP Juan Fernández Latorre (A Coruña): Vídeo
• CEIP de Leirado (Salvaterra de Miño, Pontevedra): Lectura de textos de Mª Victoria Moreno
• CEIP P. Manuel Murguía (A Coruña): Os de 5º falan de MVM
• CEIP Milladoiro (Malpica, A Coruña): Mural Mar adiante
• CEIP Nosa Señora de Xuvencos (Boborás, Ourense): Recomendacións lectoras e outras actividades
• CEIP A Pedra (Bueu, Pontevedra): Recitado d´Un cachiño de bica e outras actividades.
• CEIP de Ponte Sampaio (Pontevedra): Díptico das Letras
• CEIP Ramón Falcón (Castro de Rei, Lugo): Kamishibai A festa no faiado e outras actividades
• CEIP Rogelio García Yáñez (Ramirás, Ourense): Reseña bio-bibliográfica e lectura de textos de MVM
• CEIP O Salvador (A Pastoriza, Lugo): Actividades das Letras
• CEIP Sagrado Corazón (Lugo): Recital das Letras Galegas
• CEIP Torre-Cela (Bueu, Pontevedra): Procura do tesouro
• CEIP Vicente Otero Valcárcel (Carral, A Coruña): Muro de recursos
• CEIP Víctor López Seoane (A Coruña): Reto do galego
• CEIP Vistahermosa (Ourense): Trivial Mª Victoria Moreno
• CEIP Xulio Camba (Vilanova de Arousa, Pontevedra): Unha escritora no camiño
• CEP Lois Tobío (Viveiro, Lugo): Actividades
• CPI da Cañiza (A Cañiza, Pontevedra): Selección de recursos
• CPI Fonte-Díaz (Touro, A Coruña): Actividades e recursos
• CPI Manuel Suárez Marquier (O Rosal, Pontevedra): Exposición bibliográfica de MVM 
• CPI de San Sadurniño (San Sadurniño, A Coruña): Recompilación de recursos sobre MVM
• EEI Barrionovo (Arteixo, A Coruña): C(r)oma Galeg@s III; Presentación Tinytap; Feirón; As familias contan; EncontXo; Díptico informativo
• EEI de Vilarrodís (Arteixo, A Coruña): Actividades en torno a MVM
• EOI de Lugo (Lugo): Música e poesía
• IES Agra de Orzán (A Coruña): Actividades das Letras
• IES Carlos Casares (Viana do Bolo, Ourense): Exposición MVM
• IES Fontexería (Muros, A Coruña): Presentación sobre MVM
• IES Illa de Arousa: Actividades da Semana das Letras
• IES Laxeiro (Lalín, Pontevedra): Actividades do mes das Letras
• IES Lucus Augusti (Lugo): Exposición, folleto e pancarta con códigos QR
• IES Nº 1 (Ribeira, A Coruña): Exposición de libros
• IES Pazo da Mercé (As Neves, Pontevedra): Recitado de poemas e outras actividades
• IES San Paio (Tui, Pontevedra): Liña do tempo
• IES de Valadares: Semana das Letras e das Ciencias
• IES Xograr Afonso Gómez de Sarria (Sarria, Lugo): Diferentes actividades

Biblioteca Inclusiva é o nome dun novo programa da CCEOU, no contexto do Plan LÍA 2016-2020 de Bibliotecas Escolares, que desenvolve algunhas das liñas contempladas no desafío número tres deste Plan. Este programa pretende sensibilizar sobre a necesidade de avanzar cara unha biblioteca que responda, realmente, ás necesidades de todo o alumnado do centro e que enfronte os retos, dunha forma decidida, que presenta a diversidade. Ademáis das axudas que xa recibiron un total de 53 centros (CEE e centros ordinarios con unidades creadas ou habilitadas de educación especial), e logo da xornada formativa especialmente deseñada para o profesorado responsable das bibliotecas destes centros, celebrada o pasado 20 de febreiro, cómpre dar difusión a outras iniciativas destinadas ao conxunto dos centros do sistema educativo galego. 

Así, vén de distribuírse aos centros unha mostra dun folleto denominado así, "Biblioteca Inclusiva" e que pretende ampliar a mirada sobre o modelo de biblioteca escolar, potenciando todas as súas posibilidades como un espazo máis de inclusión dentro do centro educativo. Ofrécese tamén a posibilidade de descargar este material informativo nun tamaño DIN A3, que se pode pregar en 4 e obter así un pequeno folleto dispoñible para as actividades que o equipo de biblioteca considere oportunas.

Cecais, de todos os ámbitos nos que se pode traballar para que a biblioteca avance como biblioteca inclusiva, un dos máis difíciles é o das actitudes; máis aló dos recursos (imprescindibles), unha actitude inclusiva, non paternalista, igualitaria, normalizadora, rexpectuosa e visibilizadora da diversidade pode ser, acaso, un dos grandes activos da biblioteca escolar como espazo educativo e de encontro da comunidade na que está inmersa. 

Cómpre agradecer a  Charo Pita a súa xenerosidade ao responder de forma altruísta ao reto de escribir un conto para este material: "O Palacio das Sete Xanelas". 

• Folleto para DESCARGAR (DIN A3)
• ACCESO AOS MATERIAIS DA XORNADA "BIBLIOTECA INCLUSIVA. LECTURA E DIVERSIDADE" (importante selección de recursos)

O DOG Publica hoxe a Orde de 23 de abril de 2018 pola que se convoca o Plan de mellora de bibliotecas escolares para centros de titularidade da Consellería de Cultura, Educación e Ordenación Universitaria, para o curso 2018/2019. 

Ao igual que en anos anteriores,  seleccionaranse un mínimo de 25 centros novos para a súa incorporación ao PLAMBE, podendo ampliarse este número no caso de baixas ou renuncias dos centros xa integrados neste programa en convocatorias anteriores. Os centros que se incorporaron nas convocatorias de 2008, 2009 e 2010 poderán recibir, ademais da asignación para fondos, unha asignación complementaria para a renovación de mobiliario e outros equipamentos imprescindibles para o funcionamento da biblioteca escolar. A continuidade no PLAMBE esixe a solicitude correspondente a través desta convocatoria, coa entrega da documentación que se solicita en cada caso, así como acadar unha valoración positiva na memoria de actividades do presente curso 2017/2018. 

O prazo de presentación de SOLICITUDES remata o 9 de xuño (o que por ser sábado día inhábil, pasa  a ser o luns 11 de xuño). 

• Publicación da Orde de 23 de abril de 2018- Convocatoria Plambe para o curso 2018/2019 (centros públicos)
• Texto da convocatoria  no DOG
• ANEXOS
  

Os días 12 e 13 de abril de 2018 celebraranse no Palacio de Congresos de Santiago de Compostela os ENCONTROS DO PLAN DE MELLORA DE BIBLIOTECAS ESCOLARES 2017/208, a cita anual do profesorado responsable das bibliotecas de centros non universitarios integradas neste programa da Consellería de Cultura, Educación e Ordenación Universitaria.

Estes encontros, configurados como espazo de traballo, aprendizaxe e intercambio de experiencias e propostas, reunirá a 646 docentes, ademais de persoas expertas en distintos ámbitos: bibliotecas públicas e escolares, lectura, didáctica da lingua e da literatura, competencias informacionais e mediáticas, narración oral, gamificación, radio, lectura en contextos de diversidade, literatura infantil e xuvenil, educación audiovisual, poesía, robótica ou impresión 3D e literatura de tradición oral. Así, acompañarán ao profesorado Rosa Piquín, Villar Arellano, Carme Fenoll, Pep Bruno, Charo Pita, Guadalupe Jover, Antonio García Teijeiro, Pilar Sampedro, Montse Pena, Pedro Iturburúa,  Luís Aldegunde, Miguel Horta, Ana Ordás, Ricardo Feijoo, Xerardo Feijoo (Ponte nas Ondas) e Antonio Reigosa.

Un apartado esencial dos encontros o constitúen as 21 experiencias concretas de centros arredor de diversas temáticas: funcionamento dunha biblioteca escolar actualizada, voluntariado de lectura, traballo por proxectos e prácticas de investigación, promoción da lectura e da escritura, biblioteca inclusiva...(dúas destas experiencias proceden de fóra da nosa comunidade). Haberá ocasión para coñecer os avances no modelo de biblioteca como "centro creativo das aprendizaxes" no que xa están traballando varios centros dentro do Proxecto CENTROS LÍA.2, así como a evolución que supón nas prácticas da biblioteca escolar a incorporación dos robots, a impresión 3D e outros materiais e recursos dos novos espazos creativos e manipulativos, que vinculan as nosas bibliotecas á cultura maker. Os responsables das bibliotecas dos centros incluídos no programa Radio na biblio terán tamén ocasión para reunirse, no contexto destes encontros, e intercambiar experiencias. Está prevista a presentación de posters sobre actividades concretas daqueles centros que aceptaron o reto, o  que completará a panorámica actual das bibliotecas escolares galegas. 

En definitiva, un programa extenso para unha actividade formativa que responde á colaboración entre o Servizo de Formación do Profesorado e a D.X. de Centros e Recursos Humanos, da que depende o programa de bibliotecas escolares da CCEOU e que ano tras ano contribúe á formación específica do colectivo docente vinculado ás bibliotecas escolares da nosa comunidade. 

• PROGRAMA  

O programa RADIO NA BIBLIO está dando xa os primeiros pasos nos 20 centros seleccionados nesta primeira convocatoria. Chéganos noticia de inauguración de espazos xa preparados, de emisoras xa en marcha e de obradoiros nos propios centros (tal e como estaba previsto) para formarse alumnado e profesorado nos rudimentos para botar a andar cadanseu laboratorio de radio vinculado á biblioteca escolar.

Así, na páxina web do CEIP P. de Carballedo (Cotobade, Pontevedra) podemos ver a preparación dun recuncho do centro como emisora de radio, cun resultado fantástico. Imaxinamos á rapazada desexosa de traballar nese laboratorio de radio.

Tamén neste centro celebraron xa un obradoiro formativo con membros do colectivo PONTE NAS ONDAS, destinado ao alumnado e que podemos ver en detalle na información que subiron ao seu blogue de biblioteca.

Outro centro que está preparando xa o seu laboratorio de radio é o CRA de Meis (Meis, Pontevedra), tal e como anuncian no seu blogue. 

Realizaron tamén un primeiro obradoiro de formación foi o CEIP Agolada (Agolada, Pontevedra), desta vez co grupo Laboratorio de Radio, do que se poden ver imaxes nesta ligazón do seu blogue: Agolaín Radio. Pódese escoitar xa unha primeira emisión elaborada polo alumnado. 

Outros centros comezaron tamén a formación, desta vez con membros do colectivo Rede Espora, foron o CEIP Virxe do Carme, de Sober (Lugo), o CEIP Víctor Sáenz, de Mazaricos (A Coruña), o IES de Porto do Son, o CEIP Milladoiro, de Malpica (A Coruña)ou o CPI Manuel Suárez Marquier, de O Rosal (Pontevedra).

Este último  centro vén de convocar un concurso de ideas entre o seu alumnado para a elección dun nome e un logo específico para o seu laboratorio de radio. Pola súa parte, nenas e nenos do CEIP da Pobra de Brollón (A Pobra de Brollón, Lugo), visitaron como iniciación ao mundo da radio a emisora local da cadena Ser en Monforte, como podemos ver no seu blogue. E tamén irán de visita a unha radio local, neste caso a emisora Cope de Pontevedra, alumnos e alumnas de 5º curso do CEIP Valle-Inclán, de O Grove (Pontevedra), que xa teñen tamén os materiais para montar o seu laboratorio de radio, segundo informan no seu blogue. 

O Portal Educativo publica as listaxes de centros inscritos en dúas accións integradas no programa "Bibliotecas Escolares Solidarias" para o curso 2017/2018:

• Voluntariado de lectura-A (alumnado de 5º e 6º de primaria)
• Voluntariado na biblioteca escolar (secundaria)

Este programa foi convocado segundo Resolución da Dirección Xeral de Centros e Recursos Humanos do pasado 27 de novembro de 2017, froito da colaboración entre a CCEOU e a Consellería de Política Social, a través da Dirección Xeral de Xuventude, Participación e Voluntariado.

Aumenta o número de centros adheridos a estes programas que xa acolleron un bo número de participantes no curso anterior. En Voluntariado de lectura-A (primaria) participaron no curso 2016/2017 un total de 1.919 alumnos e alumnas; no mesmo curso, realizaron actividades de voluntariado na súa biblioteca escolar un total de 803 alumnnos e alumnas de centros de ensino secundario. 

• LISTAXE DE CENTROS INSCRITOS EN VOLUNTARIADO DE LECTURA-A
• LISTAXE DE CENTROS INSCRITOS EN VOLUNTARIADO NA BIBLIOTECA ESCOLAR
  
• Publicación no Portal Educativo

O Portal Educativo publicou onte a Resolución do 4 de decembro de 2017 pola que se dan a coñecer os traballos seleccionados no IV Concurso de Traballos por Proxectos, convocado pola Dirección Xeral de Centros e Recursos Humanos para o pasado curso 2016/2017. A este concurso candidatáronse un total de 102 traballos e foron seleccionados un total de 21 proxectos.

O IV Concurso de Traballos por Proxectos, coordinados ou realizados co apoio da biblioteca escolar, é unha iniciativa integrada no Plan LÍA 2016/2020 de bibliotecas escolares. No desafío nº 11 deste Plan, denominado"Aprendizaxes por proxectos e outras metodoloxías activas" recollese o interese por "propiciar o emprego dos recursos e servizos da biblioteca escolar no desenvolvemento das prácticas cotiás, con apoio preferentes ás metodoloxías activas e colaborativas". Este certame é unha das iniciativas contempladas para traballar neste ámbito. Búscase estimular, mediante o recoñecemento de boas experiencias de traballos por proxectos, o deseño e desenvolvemento de proxectos de carácter interdisciplinario ou de proxectos de investigación, baixo a coordinación do equipo de biblioteca escolar ou co apoio desta, na liña da metodoloxía de aprendizaxe baseada en proxectos (ABP), realizados en centros públicos non universitarios.

• Texto da convocatoria
• Texto da resolución con detalle dos centros seleccionados.

No seguinte cadro pódese acceder ás memorias presentadas polos centros que finalmente foron galardoados neste certame:

O Portal Educativo publica hoxe a Resolución de 27 de novembro de 2017, da Dirección Xeral de Centros e Recursos Humanos pola que se convocan as distintas iniciativas integradas no programa BIBLIOTECAS ESCOLARES SOLIDARIAS, correspondentes ao curso 2017/2018, e que aparecen recollidas no seguinte cadro:

"Bibliotecas escolares solidarias" é froito da colaboración coa Dirección Xeral de Xuventude, Participación e Voluntariado (Consellería de Política Social) e contempla o recoñecemento dos labores realizados por grupos de nenas e nenos como voluntarios e voluntarias de lectura na bibliotecas escolar nos centros de primaria, así como os labores que levan a cabo mozos e mozas como voluntarios nas bibliotecas de institutos e outros centros de ensino postobrigatorio, mediante a emisión dos correspondentes diplomas acreditativos e o rexistro de horas de voluntariado, para o caso do alumnado de secundaria. A iniciativa denominada "Voluntariado de lectura-A" supón a posibilidade de optar a unha formación no propio centro en materia de lectura expresiva, narración oral, escrita, elaboración de audiovisuais, radio ou outras aínda por definir, destinados ao grupo de voluntarios e voluntarias,  unha formación que facilitaría ao alumnado dos centros que resultasen seleccionados o seu labor  nos anos seguintes.

• PUBLICACIÓN DA RESOLUCIÓN NO PORTAL EDUCATIVO
• TEXTO DA CONVOCATORIA: BIBLIOTECAS ESCOLARES SOLIDARIAS
  

Achéganse as datas para a celebración das VIII Xornadas de bibliotecas escolares de Galicia, os vindeiros 1 e 2 de decembro, en Santiago de Compostela (Palacio de Congresos). Están inscritas máis dun milleiro de persoas e toda a maquinaria en funcionamento para que esta cita anual do colectivo de profesores e profesoras vinculados a este importante recurso educativo sexa unha experiencia grata de encontro, de participación e de aprendizaxe.

Bibliotecas escolares, filosofía, lectura, bibliotecas, pensamento crítico, comunicación, escritura, imaxe, literatura, aprendizaxe, proxectos, robótica, alfabetizacións múltiples, igualdade, voluntariado cultural, competencias informacionais e mediáticas, audiovisuais, medios de comunicación, ALFIN, AMI, aprendizaxes participativas, información, metodoloxías activas, realidade aumentada, ficción, narrativas transmedia, investigación, compensación das desigualdades, comunicación, intervención no medio, impresión 3D, laboratorio de radio, "centro creativo das aprendizaxes", traballo colaborativo, atención á diversidade, inclusión, mantemento da colección, lingua, proxecto lector de centro, competencias clave, sociedade, ética, emoción, curiosidade, coñecemento, lectura, "aprender a pensar", exploracións, humanidades, ciencia, lectura, comunicación... EDUCACIÓN!. 

• + Información AQUÍ
• PROGRAMA

O Portal Educativo publica hoxe a Resolución do 17 de novembro de 2017, da D.X. de Centros e Recursos Humanos, pola que se fai pública a relación de centros que se integran nesta primeira convocatoria do Proxecto "Radio na biblio", durante o curso 2017/2018, unha iniciativa destinada a introducir un laboratorio de radio vinculado á biblioteca escolar en centros que forman parte do Plan de mellora de bibliotecas escolares. 

"Radio na biblio" pretende contribuír ao desenvolvemento do modelo de biblioteca cara a "centros creativos de aprendizaxes" e promover a creación de emisoras/laboratorios de radio no contexto destas bibliotecas. Pode axudar, así mesmo, a ampliar as linguaxes presentes na biblioteca, promover a expresión oral, a alfabetización múltipel e o traballo colaborativo de profesorado e alumnado. Cando a biblioteca incorpora un laboratorio de radio pode impulsar novos proxectos de carácter interdisciplinario, vinculados á educación para as competencias en información e medios. O laboratorio de radio, na biblioteca escolar, poderá estár asociado a un programa de voluntariado na biblioteca.

• PUBLICACIÓN NO PORTAL EDUCATIVO
• TEXTO DA RESOLUCIÓN. RELACIÓN DE CENTROS SELECCIONADOS

• RECURSOS

"Construír ciencia é poñer a lupa sobre o que xa se coñece, identificar o aplicable ao noso soño e intentar completar as pezas que faltan do crebacabezas con novas ideas que, como non, deben ser verificadas; trátase dun proceso creativo que require paixón antes o desafíos e moito traballo". Peregrina Quintela Estévez.

Dende o 2014, a Consellería de Cultura, Educación e Ordenación Universitaria vén propoñendo a celebración do mes de novembro como Mes da Ciencia en Galego nas Bibliotecas, tamén nas bibliotecas escolares. Cada ano pídese a un científico ou a unha científica do país a redaccióndun "manifesto" que se edita e distribúe a través dos medios web das bibliotecas. A matermática Pregrina Quintela Estévez, Premio "María Joséfa Wonenburger Planells" 2016, foi a encargada de escribir o manifesto deste anon 2017. Paralelamente, edítase un documento coa programación prevista nas bibliotecas públicas dependentes da consellería. En relación coas bibliotecas escolares, este documento recolle as principais liñas de actuación en materia de ciencia impulsadas desde o programa de bibliotecas escolares. 

Son moitas as bibliotecas dos centros educativos que aproveitan este mes de novembro para difundir os seus recursos no ámbito científico, para dar a coñecer figuras galegas importantes no mundo da ciencia, ou para propor actividades de ciencia ao alumnado. Desde aquel LER CIENCIA NA BIBLIOTECA ESCOLAR, de 2013, obsérvase unha maior presenza de actividades de ciencia nas bibliotecas escolares, unha maior integración das ciencias e das humanidades, que é un dos obxectivos principais do programa de bibliotecas escolares. Para apoiar que esas propostas e actividades se realicen en galego, desde a Asesoría de bibliotecas escolares mantense unha páxina en PINTEREST, adicada aos libros informativos de ciencia en galego. Mantense, así mesmo, unha páxina de recursos relacionados coa ciencia en galego. 

• Mes da Ciencia en Galego nas Bibliotecas.  MANIFESTO 2017. Peregrina Quintela Estevez
• DOCUMENTO INFORMATIVO: Mes da ciencia en Galego nas Bibliotecas.
  
• PÁXINA DO MES DA CIENCIA EN GALEGO NAS BIBLIOTECAS. RECOMPILACIÓN DE RECURSOS DE CIENCIA EN GALEGO
• CIENCIA EN GALEGO NAS BIBLIOTECAS ESCOLARES: LIBROS INFORMATIVOS (PINTEREST)

• CEIP de Cervo (Cervo, Lugo): Domingo Fontán e as xeorreferencias e  Darwin e a viaxe do Beagle
• CEIP P. Curros Enríquez (Celanova , Ourense):Obradoiros do voluntariado sobre ciencia e traballos de investigación sobre científica
• CEIP Eduardo Pondal (Vigo, Pontevedra); Caixa da ciencia
• CEIP Igrexa-Candeán (Vigo, Pontevedra): Obradoiro de ciencia
• CEIP Nicolás del Río (Cedeira, A Coruña): Exposicións, charlas e creación de tecnoloxía asequible
• CEIP P. A Pedra (Bueu, Pontevedra): Proxectos, experimentos e recomendacións lectoras
• CEIP Pobra de Brollón (A Pobra de Brollón, Lugo): Ciencia e magosto
• CEIP Ponte dos Brozos (Arteixo, A Coruña): Semana da robótica
• CEIP P. da Pontenova (A Pontenova, Lugo): Realización e presentación de experimentos científicos
• CEIP Saco e Arce (Toén, Ourense): A ciencia no cine ; Inventos de cine
• CEIP P. Sobreira-Valadares (Vigo, Pontevedra): Retos científicos
• CEIP Vicente Otero Valcárcel (Carral, A Coruña): Recursos para facer experimentos
• CEIP Víctor López Seoane (A Coruña): Maletas científicas; Feira científica
• CEIP Virxe do Carme (Burela, Lugo):Difusión da páxina GCIENCIA
• CEIP Vistahermosa (Ourense): Actividades do mes da Ciencia
• CEP Lois Tobío (Viveiro, Lugo):Achegamento á figura de Baltasar Merino
• CPI Manuel Suárez Marquier (O Rosal, Pontevedra):Experiencias científicas na biblioteca
• CPI de Pecalama (Tordoia, A Coruña): Biografías de científicos
• CPI As Revoltas (Cabana de Bergantiños, A Coruña): Exposición con materiais científicos en galego; trípticos turísticos; Turismo sustentábel
• CPI San Sadurniño ( San Sadurniño, A Coruña): Novembro de ciencia
• EEI Barrionovo (Arteixo, A Coruña):Carta xeométrica de Fontán; Visita dun topógrafo; Video- resumo
• EOI de Lugo (Lugo): Exposición e Club de lectura d'Os nenos da varíola
• IES David Buján (Cambre, A Coruña):Semana da Astronomía
• IES Fontexería (Muros, A coruña): Táboa periódica dos elementos
• IES Johan Carballeira (Bueu, Pontevedra): Información sobre Baltasar Merino e exposicións
• IES Miguel Ángel González Garcés (Vilagarcía de Arousa, Pontevedra): Homenaxe a Marie Curie
• IES Nº 1 (Ribeira, A Coruña): Semana da Ciencia en galego
• IES A Pinguela (Monforte de Lemos, Lugo): Xornadas ferraxeiras
• IES Porto do Son (Porto do Son, A Coruña). Revista matemática Lambda
• IES Punta Candieira (Cedeira, A Coruña):Exposición sobre o papel da muller na ciencia; Charla de divulgación científica
• IES A Xunqueira II (Pontevedra): Concurso de enxeño

No DOG do 24 de outubro aparece publicada a Orde de 13 de outubro de 2017 pola que se resolve a convocatoria do Plan de mellora de bibliotecas escolares en centros non universitarios sostidos con fondos públicos, para o curso 2017/2018. Seleccionáronse trinta novos centros  públicos e seis centros concertados, polo que o número total de centros integrados neste programa é de 646 (630 públicos e 16 concertados). Todos os centros reciben asignacións para a renovación e actualización dos fondos da colección (en formato impreso, audiovisual, informático e outros). Segundo o tempo que leven os centros no programa poden ter asignacións tamén para renovar mobiliario e outros equipamentos imprescindibles para que a biblioteca ofreza os servizos propios dunha biblioteca do século XXI, entendida como un "centro creativo das aprendizaxes" onde a lectura, a escrita, a información, a investigación, os multialfabetismos e as expresións culturais máis diversas teñen oportunidades de desenvolvemento.

Os centros que se integran neste programa reciben, ademais dos recursos económicos, formación, asesoramento continuado e acompañamento por parte da D.X. de Centros e Recursos Humanos, responsable do programa, a través da Asesoría de bibliotecas escolares; por outra parte, o profesorado responsable e coordinador dos equipos de biblioteca destes centros participa dun foro profesional no que se comparten informacións, experiencias e propostas de traballo ao longo do curso escolar. Na primavera, en datas aínda por decidir, serán convocados aos "encontros do Plan de mellora", unha actividade formativa específica para este colectivo de profesores e profesoras. 

Nos seguintes gráficos pode verse a composición actual do Plan de mellora de bibliotecas escolares, así como a procentaxe do alumnado da rede pública de centros beneficiada por este programa

: 

Os vindeiros 1 e 2 de decembro celebraranse en Compostela (Palacio de Congresos) as VIII Xornadas de bibliotecas escolares de Galicia, a cita anual do grande colectivo de profesorado que pon en pé as bibliotecas nos centros educativos, vinculado a temas de lectura e de educación para as competencias en medios e información, atento á complexidade social na que medra o alumnado, sensible á necesidade de acadar maiores cotas de igualdade... preocupado e ocupado, en definitiva, nalgúns dos grandes retos do mundo educativo actual.

Fiadas co lema das bibliotecas escolares para este curso 2017/2018, Aprender a pensar coa biblioteca escolar, as xornadas ofrecen oportunidade para o encontro entre profesionais de distintos niveis educativos, de distintas disciplinas, con experiencia variada pero co interés sempre vivo. Serán ocasión para coñecer en profundidade programas relacionados co tratamento da filosofía cos máis pequenos, analizar os cambios que se están a producir no amplo mundo das bibliotecas, coñecer os rudimentos do pensamento crítico, as posibilidades da educación mediática ou analizar as potencialidades da literatura infantil e xuvenil (da literatura en xeral), para espertar o gusto polo coñecemento e manter viva a capacidade de asombro. As xornadas serán plataforma para difundir experiencias de interese que se están a dar no contexto das bibliotecas escolares galegas relacionadas coa lectura, o voluntariado na biblioteca, o desenvolvemento do Proxecto Lector de Centro, a introdución da robótica, as alfabetizacións múltiples, a evolución do modelo de biblioteca ou o desenvolvemento de proxectos a través de metodoloxías activas, con moi distintas temáticas.

O prazo de inscrición remata o 31 de outubro e deberá facerse a través da aplicación FPROFE buscando a actividade co código G1702011

•  PRE-PROGRAMA

O Día 24 de outubro celébrase o Día da Biblioteca. Van xa máis de dúas décadas desde que a Asociación Amigos del Libro Infantil y Juvenil propuxera esta data para facer fincapé nos beneficios destas institucións ao servizo da lectura, da cultura e da cidadanía. Posteriormente, o Ministerio de Cultura apoiou esta celebración e todos os anos edítase un cartel cun texto conmemorativo e realízase un acto de celebración oficial. O cartel e"pregón" deste ano 2017 pódese consultar AQUÍ. 

O departamento de Educación da Consellería de Cultura, Educación e O.U, pola súa parte, vén publicando desde 2008 uns carteis que pretenden facer visibles as distintas oportunidades e posibilidades da biblioteca escolar, porque o Día 24 de outubro é tamén o DÍA DA BIBLIOTECA ESCOLAR, por ser esta unha biblioteca esencial xa que por ela pasa toda a poboación escolar dun país. Cada ano proponse un lema e encárgase a súa interpretación a un creador ou a unha creadora do fértil mundo da ilustración en Galicia. Xosé Tomás é o ilustrador que este ano achega a súa creación a todas as bibliotecas escolares do territorio galego. Aprender a pensar coa biblioteca escolar, o lema elixido nesta ocasión, convida ao aproveitamento dos recursos, dos espazos, dos tempos e das actividades que a biblioteca facilita a toda a comunidade educativa. 

As bibliotecas dos centros galegos acostuman celebrar este día cunha variedade de actividades. Iniciamos así a difusión dalgúns exemplos: 

• CEE Terra de Ferrol (Ferrol, A Coruña): Galería de fotos
• CEIP Alfonso D. Rodríguez Castelao (Vigo, Pontevedra):Mochilas viaxeiras;Presentación PDI Palabras que trae o mar; Día da biblioteca
• CEIP Andrade (Pontedeume, A Coruña): Programación do Día da Biblioteca
• CEIP Cabada Vázquez (A Estrada, Pontevedra): Homenaxe a García Teijeiro
• CEIP Cabanas- Salcedo (Pontevedra): Caixiñas lectoras
• CEIP Canosa- Rus (Coristanco, A Coruña): A biblioteca está de festa
• CEIP de Carballedo (Cotobade, Pontevedra): Certame de ambientación de portas
• CEIP de Celeiro (Viveiro, Lugo): Exposicións e posta en marcha de  actividades como apadriñamentos ou mochilas.
• CEIP de Cervo (Cervo, Lugo): Presentación do PDI e Sesión de contacontos
• CEIP de Cespón (Boiro, A Coruña): Actividades do proxecto sobre os animais e saída de mochilas
• CEIP Chano Piñeiro (Gondomar, Pontevedra): Programa de actividades
• CEIP Coirón- Dena (Meaño, Pontevedra): Bibliotecas Escolares e Mulleres Escritoras 
• CEIP Couceiro Freijomil (Pontedeume, A Coruña): Entrega de caixas de lectura para as aulas
• CEIP P. de Covas (Viveiro, Lugo):Presentación da mascota
• CEIP P. Curros Enríquez (Celanova, Ourense): Programa de actividades
• CEIP Eduardo Pondal (Vigo, Pontevedra):Programación de actividades
• CEIP Eladia Mariño (Cabanas, A Coruña): Palabras do dereiro e do revés
• CEIP de Foz Nº 1 (Foz, Lugo) : Dramatización do conto Pequeno azul e pequeno amarelo
• CEIP P. de Frións (Ribeira, A Coruña): Elaboración de marcapáxinas
• CEIP do Hío (Cangas, Pontevedra): Entrega de caderno de Campo e apadriñamentos lectores
• CEIP Igrexa-Candeán (Vigo, Pontevedra): Xincana Misión Platurno; blog
• CEIP Juan Fernández Latorre (A Coruña): Elaboración de marcapáxinas; mochilas viaxeiras
• CEIP Lamas de Abade (Santiago de Compostela, A Coruña): Elaboración de lemas
• CEIP de Leirado (Salvaterra de Miño, Pontevedra):Programación de actividades ; Xornada escornabótica e artística
• CEIP López Ferreiro (Santiago de Compostela, A Coruña): Xornada de portas abertas; Semana da AMI
• CEIP A Maía (Ames, A Coruña): Selección de libros
• CEIP P. Manuel Bermúdez Couso (Pobra de Trives, Ourense): Programa de actividades
• CEIP Manuel Murguía (A Coruña): Inicio do proxecto anual
• CEIP Nicolás del Río (Cedeira, A Coruña): Actividades do Día da Bibliioteca
• CEIP Parada- Campañó (Pontevedra): Rap da biblioteca
• CEIP A Paz-Tintureira (Vigo, Pontevedra): Presentación do traballo anual
• CEIP de Pazos (Ferrol, A Coruña): Programa de actividades
• CEIP P. A Pedra (Bueu, Pontevedra): Presentación do proxecto anual
• CEIP Pena de Francia (Mos, Pontevedra): Mochilas viaxeiras
• CEIP Pintor Laxeiro (Vigo, Pontevedra): Programa de actividades; Guía de lecturas; blog
• CEIP da Pobra do Brollón (A Pobra de Brollón, Lugo): Actividades
• CEIP Ponte dos Brozos (Arteixo, A Coruña): Pensando desde a biblioteca; Galería de imaxes; Revolución robótica
• CEIP da Pontenova ( A Pontenova, Lugo): Actividades do Día da Biblioteca
• CEIP de Ponte Sampaio (Pontevedra): Marcapáxinas e mochilas viaxeiras
• CEIP de Présaras (Vilasantar, A Coruña): Recomendación de libros
• CEIP P. Profesor Albino Núñez (Ourense): Presentación e traballo de investigación sobre as bibliotecas
• CEIP Ramón de Valenzuela (Silleda, Pontevedra): Vídeo "Aprender a Pensar"
• CEIP Ramón Falcón (Castro de Rei, Lugo): Presentación do proxecto, dos voluntarios e reparto de mochilas viaxeiras
• CEIP de Randufe (Tui, Pontevedra):Contacontos, mochilas viaxeiras e outras actividades
• CEIP Ría de Vigo (Vigo, Pontevedra): Actividades no blog
• CEIP Rogelio García Yañez (Ramirás, Ourense): Contacontos
• CEIP Saco e Arce (Toén, Ourense): Cartel
• CEIP A Sangriña (A Guarda, Pontevedra): Programación da Semana das Bibliotecas; Visita de Xosé Tomás
• CEIP Santa Baia (Boiro, A Coruña): Programa de actividades
• CEIP Santiago Apóstolo (Mugardos, A Coruña): A hora do conto
• CEIP de Seixo (Marín, Pontevedra): Celebración especial da Hora de ler
• CEIP de Sobrada (Tomiño, Pontevedra): Bibliotecas peculiares
• CEIP Sobreira - Valadares (Vigo, Pontevedra): Programación do Día da Biblioteca
• CEIP Torre - Cela (Bueu, Pontevedra): Programación do Día das Bibliotecas
• CEIP Vales Villamarín (Betanzos, A Coruña): Exposición sobre a Idade Media
• CEIP Vicente Otero (Carral, A Coruña): Que é unha biblioteca para ti?
• CEIP P. Víctor López Seoane (A Coruña): Programa de actividades
• CEIP Virxe do Carme (Burela, Lugo): Programa de actividades
• CEIP Virxe do Carme (Sober, Lugo): Programación do Día da Biblioteca
• CEIP Vistahermosa (Ourense): Actividade con robots
• CEP Lois Tobío (Viveiro, Lugo): Concurso de deseño da mascota; Imaxes
• CEP P. Riomaior (Vilaboa, Pontevedra): Programa de actividades; O pracer de ler
• CEP Xosé María Brea Segade (Rianxo, A Coruña): Presentación do PDI
• CPI Antonio Faílde (Coles, Ourense): Entrega de mochilas viaxeiras
• CPI da Cañiza (A Cañiza, Pontevedra): Formación de usuarios; 15 retos para outubro ;Como nos ves?
• CPI Manuel Suárez Marquier: Programa do Día da Biblioteca; Resumo da xornada; recomendacións lectoras
• CPI As Revoltas (Cabana de Bergantiños, A Coruña): Agasalla un empréstimo
• CPI Viaño Pequeno (Trazo, A Coruña): Programación de actividades
• CPI de San Sadurniño (San Sadurniño, A Coruña): Onde o mundo se chama biblioteca
• CRA Amencer (Ribadavia, Ourense): Actividade do Día da Biblioteca
• CRA de Oroso (Oroso, A Coruña): Visita á biblioteca central do CRA
• CRA de Rianxo (Ranxo, A Coruña): Recompilación de xogos populares e bibliopatio
• EEI Barrionovo (Arteixo, A Coruña): Programa de actividades ; Faladoiro sobre bibliotecas
• EEI Fina Casalderrey (Pontevedra): Mochilas viaxeiras e contacontos
• EEI San Roque (Viveiro, Lugo):Elaboración de pisapapeis
• EEI de Vilarrodís-Oseiro (Arteixo, A Coruña): Formación de usuarios
• IES Castro Alobre (Vilagarcía de Arousa, Pontevedra): Aprendendo con libros
• IES Celanova Celso Emilio Ferreiro (Celanova, Ourense): Ilustración d´A morte en Samarcanda
• IES Concepción Arenal (Ferrol, A Coruña): Escolma de libros
• IES Chano Piñeiro (Forcarei, Pontevedra): Vídeo-presentación da biblioteca e recursos do centro
• IES de Fene (Fene, A Coruña): Actividades para o Día da Biblioteca
• IES Fernando Esquío (Fene, A Coruña): No 24 de outubro falamos de... ;No día das Bibliotecas Escolares, Sir Walter Scott
• IES Gregorio Fernández (Sarria, Lugo): Concurso de booktubers
• IES Johan Carballeira (Bueu, Pontevedra): Programación e cartel "Libros ás rúas"
• IES Lamas do Castelo (Carnota, A Coruña): Mergullándonos na Biblioteca
• IES de Melide (Melide, A Coruña):Bibliotecas na Segunda República
• IES do Milladoiro (Ames, A Coruña): Programa de actividades
• IES de Monelos (A Coruña): Actividades de fomento da lectura
• IES Monte das Moas (A Coruña): Formación de usuarios
• IES Nosa Sra. dos Ollos Grandes (Lugo): Concurso de escritura rápida e outros.
• IES Pazo da Mercé (As Neves, Pontevedra): Vídeo Que é para ti a biblioteca?
• IES A Pinguela (Monforte de Lemos, Lugo): Vídeo do Día da Biblioteca
• IES Pino Manso (O Porriño, Pontevedra):Programa de actividades
• IES Punta Candieira (Cedeira, A Coruña) : Sesión de formación de usuarios
• IES de Quiroga (Quiroga, Lugo): Visita de Xurxo Souto
• IES Rafael Dieste (A Coruña): Exposición e formación de persoas usuarias
• IES Ribeira do Louro (O Porriño, Pontevedra): Lectura de manifesto e selección de libros
• IES San Paio (Tui, Pontevedra): Pregón de Alejandro Palomas, vídeo sobre bibliotecas, Biblioxornal
• IES Terra do Xallas (Santa Comba, A Coruña): Proxección e roteiro literario por Santiago
• IES Urbano Lugrís (A Coruña): Voluntariado na biblioteca

• ACCESO Á INFORMACIÓN SOBRE O DÍA DA BIBLIOTECA. MECD

• CAMPAÑA #ESTOYENLABIBLIO (Observatorio del Libro y la Lectura. MECD)
  

Iranse subindo algúns exemplos máis, porén, unha visita aos blogues de PRIMARIA ou SECUNDARIA permitirá coñecer a actividade que se desenvolve en moitas bibliotecas escolares neste comezo de curso. Convidámos á facer esta exploración nestes días finais de outubro, mes da Biblioteca Escolar segundo propón a IASL

O Portal Educativo publica a convocatoria da Dirección Xeral de Centros e RRHH, de 17 de outubro de 2017, pola que se elixirán 20 centros integrados que teñan interese en introducir a radio na súa biblioteca escolar. Poden participar centros que acollen alumnado de infantil, primaria, secundaria, bacharelato ou formación profesional e que estean integrados no Plan de mellora de bibliotecas escolares no presente curso 2017/2018. 

Es proxecto piloto "RADIO NA BIBLIO" pretende estimular o desenvolvemento do modelo de biblioteca cara a "centros creativos de aprendizaxes" e promover a creación de emisoras/laboratorios de radio nas bibliotecas escolares, co fin de favorecer e apoiar proxectos de educación das competencias informacionais e mediáticas do alumnado. Búscase, así mesmo, ampliar as linguaxes presentes na biblioteca, promover a expresión oral, a alfabetización múltiple e o traballo colaborativo de profesorado e alumnado. O laboratorio de radio na biblioteca escolar poderá estar asociado a un programa de voluntariado na biblioteca. 

Para a selección dos centros terase en conta a actividade da biblioteca escolar no curso precedente, así como a prioridade dos centros localizados en concellos de ámbito rural, procurando unha distribución equilibrada polo territorio galego. Estes centros recibirán contías destinadas á posta en marcha do proxecto e das actuacións que supoña, incluída a realización dun obradoiro de formación para o alumnado que se considere. O prazo de presentación de solicitudes remata o 31 de outubro. 

• Publicación no portal educativo
  
• Texto da convocatoria
• URL de acceso para solicitudes
  

Imaxe que ilustra esta entrada está tomada do blogue do CEIP A Lama (A Lama, Pontevedra), un centro pioneiro na inclusión dun "Laboratorio de comunicación" para a formación do seu alumnado en competencia mediática e informacional.

"Aprender a pensar coa biblioteca escolar" é o lema escollido para os materiais que a Consellería de Cultura, Educación e Ordenación Universitaria edita a comezos do curso 2017/2018 con destino ás bibliotecas escolares dos centros educativos galegos. O ilustrador Xosé Tomás foi o encargado, nesta ocasión, de realizar a  interpretación gráfica do lema anual. 

A experiencia de Xosé Tomás como profesor de inglés no CPI Manuel Suárez Marquier (O Rosal), centro que conta cunha biblioteca moi activa, sen dúbida está detrás da amplitude de posibilidades que imaxina na súa recreación  gráfica.

Atender a biblioteca escolar do centro supón, para comezar, o reto de deseñar un espazo no que poidan pasar cousas. Un espazo que acolla a todos e todas e que mesmo (como na ilustración de Xosé Tomás), teña a capacidade de "abducir" as persoas usuarias, de trasladalas a situacións gratas de aprendizaxe. Seleccionar os materiais, organizar os recursos, facilitar o seu uso e organizar as actividades para a biblioteca escolar son tamén actuacións que, segundo o enfoque e o criterio co que se realice, poden facilitar ou dificultar esas aprendizaxes posibles.

Unha biblioteca  escolar actualizada no seu modelo, nos seus recursos e equipamentos, nas súas propostas; atendida con profesionalidade e integrada no día a día do centro educativo, supón unha oportunidade única para axudar a nenas e nenos a desenvolver o seu pensamento crítico, a "aprender a pensar".

Aprender a pensar a través dos contos, da tradición oral, das lecturas de ficción, da poesía, do teatro; a través das lecturas de materiais de divulgación científica, a través das investigacións. Aprender a pensar co cine e coa música. Aprender a pensar a través do diálogo, nos clubs de lectura, nas actividades compartidas. Aprender a pensar baixo a guía e orientación dun profesorado consciente da importancia da curiosidade como motor vital e, tamén, da importancia de activar no alumnado os mecanismos  para desenvolver o pensamento complexo. Aprender a pensar nas clases de filosofía, pero tamén fóra das aulas regladas, onde a vida flúe en todo o seu misterio. A biblioteca escolar é un espazo privilexiado para que o alumnado non perda a súa capacidade de asombro; para que aprenda a formularse preguntas diante dos distintos fenómenos naturais ou sociais e, tamén, a procurar algunhas respostas á complexidade que lle toca vivir. 

O Portal Educativo publica as INSTRUCCIÓNS de 1 de setembro de 2017, da Dirección Xeral de Centros e ecursos Humanos en relación coa organización e o funcionamento das bibliotecas escolares, durante o curso 2017/2018, e que serán de apliación en todos os centros públicos de titularidade da consellería de Cultura, Educación e O.U. que imparten ensinanzas de nivel non universitario, coa adaptación pertinente ás diferentes tipoloxías de centros. Acompañan ás Instrucións propiamente ditas, un Anexo I de Anotacións, e un Anexo XI de Orientacións (este último correspondente á última convocatoria PLAMBE). 

• INSTRUCIÓNS no Portal Educativo 
• TEXTO das INSTRUCIÓNS da D.X. de Centros e Recursos Humanos e Anexo I de Anotacións en relación coas Instrucións
• Anexo XI (Orientacións)