Bibliotecas escolares

O Portal Educativo publica hoxe a Resolución de 4 de novembro de 2019, da Dirección Xeral de Centros e Recursos Humanos, pola que se convoca o programa "Bibliotecas Escolares Solidarias" para o curso 2019/2020.

TEXTO DA CONVOCATORIA

No curso pasado realizaron voluntariado na biblioteca escolar un total de 1.245 alumnos e alumnas de secundaria, así como 2.245 alumnos e alumnas de primaria (5º e 6º). O seguinte cadro resume o contido do programa e as datas clave para cada unha das modalidades: 

Gravación realizada no CEIP Plurilingüe A PEDRA, de Bueu (Pontevedra) en xuño de 2019. Este centro de educación infantil e primaria está integrado no Plan de mellora de bibliotecas escolares e foi seleccionado pola D. X. De Centros e Recursos Humanos, da Consellería de Educación, Universidade e Formación Profesional como “Centro LÍA.2”, un programa no que se está explorando as posibilidades da biblioteca escolar como “Centro Creativo das Aprendizaxes”.

Guiados polo alumnado voluntario da biblioteca escolar, podemos coñecer os diferentes espazos desta bibliotecaque, como centro LÍA.2, incorpora recunchos para a investigación, a manipulación, a creación, a expresión, o traballo colaborativo e o xogo. Os libros e a lectura vehiculizan toda a actividade da biblioteca, gañan presenza e conseguen involucrar a toda a comunidade educativa. Os equipamentos están ao servizo das prácticas que se pretenden incentivar, coa vista posta sempre no reforzo das competencias clave contempladas no currículo e, especialmente, no desenvolvemento persoal do alumnado e a creación de vínculos coa lectura, a escrita, a comunicación, o coñecemento e a cultura en xeral. Finalmente, estas bibliotecas son espazos que atenden á dimensión social, constituíndo un factor de igualdade no acceso aos bens culturais dispoñibles.

O Portal Educativo publica a Resolución de 7 de outubro de 2019, da Dirección Xeral de Centros e Recursos Humanos pola que se relacionan os centros de nova incorporación ao programa RADIO NA BIBLIO para o curso 2019/2020, unha ver resolta a convocatoria publicada con data de 3 de setembro de 2019. Tamén se detallan os centros  integrados en convocatorias anteriores  e que solicitaron continuidade. Desta forma, aparecen incluídos neste programa un total de 80 centros con alumnado de ensino infantil, primaria, ESO, bacharelato ou formación profesional e pertencentes ao Plan de mellora de bibliotecas escolares no actual curso 2019/2020 . 

• PUBLICACIÓN NO PORTAL EDUCATIVO
  
• TEXTO DA RESOLUCIÓN

O Portal Educativo publica a Resolución de 3 de outubro de 2019, da Dirección Xeral de Centros e Recursos Humanos pola que se relacionan os centros de nova incorporación ao programa BIBLIOTECA CREATIVA para o curso 2019/2020, unha ver resolta a convocatoria publicada con data de 3 de setembro de 2019. Tamén se detallan os centros  integrados en convocatorias anteriores  e que solicitaron continuidade. Desta forma, aparecen incluídos neste programa un total de 79 centros con alumnado de ensino infantil e primaria e pertencentes ao Plan de mellora de bibliotecas escolares no actual curso 2019/2020 . 

• PUBLICACIÓN NO PORTAL EDUCATIVO 
• TEXTO DA RESOLUCIÓN

A Dirección Xeral de Centros e Recursos Humanos, seguindo a súa dinámica de difusión das posibilidades que ofrece a biblioteca escolar ao conxunto da comunidade educativa, dá a coñecer o lema que propón ás bibliotecas escolares galegas para o presente curso 2019/2020: "Biblioteca escolar, viveiro de cidadanía". Nesta ocasión é o ilustrador Óscar Villán quen interpreta o lema e nos ofrece unha imaxe múltiple e evocadora de diversas situacións que unha biblioteca escolar pode facilitar. 

Intervir na biblioteca escolar (nos seus espazos, nos seus tempos, nos seus recursos e actividades) ten consecuencias para o alumnado e para a comunidade educativa. Das características e dos enfoques desa intervención dependen os usos e as oportunidades que a biblioteca pode ofrecer. Cómpre unha reflexión sobre a distribución dos espazos, a organización dos tempos, a selección dos recursos e, moi especialmente, sobre o enfoque das actividades, co fin de que a biblioteca escolar poida facilitar o diálogo, a lectura crítica, a reflexión, o acceso ao coñecemento, o pensamento, a investigación, a experimentación, a creación, a comunicación, a adquisición de competencias útiles para a vida e para a convivencia, para o desenvolvemento académico e persoal, para unha participación activa nunha sociedade máis xusta e igualitaria.

Nada disto é doado nin se consegue nun curso escolar. Cómpre sementar, crear ese hábitat axeitado para que os pequenos e as pequenas, os mozos e mozas vaian desenvolvendo a estima por si mesmos e polos recursos naturais e culturais á súa disposición, aprendan a convivir cos outros, adquiran paulatinamente os valores democráticos, o respecto polos Dereitos Humanos e a Cultura de Paz imprescindible para unha convivencia xusta, pacífica e enriquecedora para todos e todas. 

A biblioteca escolar pode chegar a ser ese "viveiro de cidadanía" no que medren en confianza as xeracións novas e poidamos forxar esperanza fronte aos retos que o mundo actual nos presenta. 

O DOG do 24 de setembro publica a Orde de 10 de setembro de 2019 pola que se resolve a convocatoria do Plan de mellora de bibliotecas escolares en centros públicos non universitarios, de titularidade desta consellería, para o curso 2019/20.  

O documento conta de catro anexos, segundo os diversos apartados contemplados na convocatoria inicial:

Vén de publicarse no Portal educativo a convocatoria de 5 de setembro de 2019, da Dirección Xeral de Centros e Recursos Humanos, no contexto das actuacións para o fomento da lectura no ámbito educativo, pola que se incentiva o funcionamento de CLUBS DE LECTURA en centros públicos de titularidade da Consellería de Educación, Universidade e Formación Profesional, que acollan ensinanzas de educación secundaria, bacharelato, formación profesional (tanto en réxime ordinario como de persoas adultas) ou ensinanzas de réxime especial, para o curso 2019/2020.

O prazo de presentación de solicitudes remata o 15 de outubro de 2019.

TEXTO DA CONVOCATORIA

FORMULARIO DE SOLICITUDE 

O Portal Educativo vén de publicar, con data de 2 de setembro de 2019, as Instrucións da Dirección Xeral de Centros e Recursos Humanos en relación coa organización e o funcionamento das bibliotecas escolares, durante o curso 2019/2020, nos centros de niveis non universitarios, de titularidade da Consellería de Educación, Universidade e Formación Profesional, coas adaptacións necesarias a cada tipoloxía de centro. Estas instrucións constan de tres documentos: as Instrucións propiamente ditas, e unhas Anotacións, incluídas como Anexo I , que aclaran e amplian cada unha das cláusulas. Engádese un Anexo II, ao que se fai referencia no texto do documento, unhas orientacións extraídas da orde de convocatoria do Plambe para o presente curso (Disposición adicional primeira, publicada no DOG de 16 de abril de 2019).

• TEXTO DAS INSTRUCIÓNS
  
• ANEXO I
  
• ANEXO II (ORIENTACIÓNS)
  

O Portal Educativo vén de publicar a Resolución provisional de Plan de mellora de bibliotecas escolares en centros públicos de niveis non universitarios e de titularidade da Consellería de Educación, Universidade e Formación Profesional, coa relación dos 25 centros que se integran, inicialmente, neste programa para o curso 2019/2020. Segundo as baixas ou renuncias ocasionadas entre os centros que xa forman parte do Plambe, este número poderá incrementarse na resolución definitiva da convocatoria, que se publicará no DOG, previsiblemente, en setembro de 2019. Así mesmo, nesa resolución definitiva recollerase a relación dos centros que continúan no programa, con detalle das asignacións para o curso 2019/2020. 

• Publicación no Portal Educativo da Resolución Provisional PLAMBE (Centros públicos) 2019/2020
• Texto da resolución provisional

Transcorridos dez anos desde a primeira convocatoria de axudas para o funcionamento de Clubs de lectura destinadas a centros que matriculan alumnado de ensino secundario, bacharelato, formación profesional e outros de nivel post-obrigatorio, a Consellería de Educación, Universidade e Formación Profesional, a través da Dirección Xeral de Centros e Recursos Humanos /Asesoría de bibliotecas escolares, abordou a realización dun estudo cualitativo sobre a lectura e os clubs de lectura, os impactos desta iniciativa na cualidade da lectura e nas competencias comunicativas (e outras) do alumnado participante, así como o seu impacto nas comunidades educativas dos centros que contan con club de lectura. José Antonio Millán dirixiu este estudo (Clubs y lectores en la enseñanza secundaria de Galicia), do que se realizou a fase de "grupos de discusión" durante a primavera de 2018 e do que se presentaron as primeiras conclusións nas IX Xornadas de bibliotecas escolares de Galicia, celebradas en novembro de 2018. Velaquí agora o borrador ou pre-publicación do estudo nas dúas versións: galego e castelán, que se pon a disposición do profesorado e de todas as persoas interesadas.

• ESTUDO: CLUBS, LECTORAS E LECTORES NO ENSINO SECUNDARIO DE GALICIA (introdución, estudo de José A. Millán e informe dos clubs de lectura do curso 2017/2018). [Versión en galego]
• ESTUDIO: CLUBS, LECTORAS Y LECTORES EN LA ENSEÑANZA SECUNDARIA DE GALICIA (introducción, estudio de José Antonio Millán e informe de los clubs de lectura en el cuso 2017/2018) [Versión en castellano)

 Estos son os dous podcasts seleccionados na Modalidade I, alumnado de Educación Infantil e 1º e 2º de Educación Primaria, entre os quince presentados, pola súa orixinalidade e calidade sonnora e de contido. Traballos  de investigacón arredor dunha lenda local e da orixe do nome do concello:

 CEIP DE CARBALLEDO (Cerdedo-Cotobade/Pontevedra)

- Biblio Carballedo 

- Cast@_Radio

- Memoria da actividade

- Podcast: "A lenda de Florentina, a rapaza que morreu de amor"

                                                                                                                       CEIP VÍCTOR SÁENZ  (Mazaricos-A Coruña)

                                                                                                                        - Biblioteca Escolar Víctor Sáenz

                                                                                                                        -  Radio Rosiña

                                                                                                                        -  Escaleta " O mazarico"

                                                                                                                        -  Podcast "O Mazarico"

                                                                                                                        -  Entrevista no Diario Cultural

Os centros incluídos no programa de Biblioteca Creativa amosan coas súas actividades o porque dunha Impresora 3d na biblioteca escolar.

• EEI de Barrionovo (Arteixo-A Coruña): Teatro de sombras 3D no Samaín, Día da Música, Agasallo 25N

• CEIP Canosa-Rus (coristanco-A Coruña): Samaín na biblioteca
• CEIP P. Vilar de Barrio (Vilar de Barrio-Ourense): Entroido

Os centros integrados no programa de Biblioteca Creativa elaboran os seus titoriais para montar os escornabots co alumnado:

• CEIP de A Pobra de Brollón (A Pobra de Brollón-Lugo): Construíndo o escornabot
• CEIP de Seixo (Marín-Pontevedra)
• CEIP de Quintela (Moaña-Pontevedra)
• CEIP Apóstolo Santiago (Mugardos-A Coruña): Como montar un escornabot Brivoi
• CEIP da Torre-Cela (Bueu-Pontevedra): Montaxe de escornabots
• EEI de Barrionovo (Arteixo-A Coruña)




Fichas instruccións escorna def from mariapousa

O Portal Educativo publica a resolución do I Concurso de Podcasts - Radio na Biblio. Dos 107 podcasts presentados, de 64 centros públicos, prémianse 8 traballos pola súa boa práctica. Os podcasts galardoados serán difundidos pola Radio Galega a través das súas páxinas http://www.diariocultural.gal/ e http://www.crtvg.es/rg , incluíndo información sobre estes traballo na súa programación especial co gallo do Día das Letras Galegas.

• PUBLICACIÓN NO PORTAL
• TEXTO DA RESOLUCIÓN
• DIFUSIÓN NO DIARIO CULTURAL
  

O sábado 23 de marzo celebrouse en  Santiago de Compostela  unha  xornada técnica organizada pola Consellería de Educación, Universidade e Formación Profesional (Dirección Xeral de Centros e Recursos Humanos), para pensar a biblioteca escolar do 2020. Esta xornada de traballo reuniu a persoas expertas no ámbito das bibliotecas en xeral, das bibliotecas escolares en particular xunto a representantes das CCAA presentes na Comisión Técnica de Bibliotecas Escolares e do Ministerio, un dos organismos integrantes do Consejo de Cooperación Bibliotecaria a nivel estatal.

Organizáronse grupos de traballo e análise entre profesionais e persoas expertas que debateron e profundizaron sobre diferentes aspectos da situación actual das bibliotecas escolares. Extraéronse 4 retos concretos para a biblioteca escolar 2020:

Reto 1: Dotar de estabilidade ás bibliotecas escolares.

Reto 2: Promover un modelo de biblioteca escolar como espazo educativo á medida do proxecto de centro.

Reto 3: Concebir a biblioteca escolar como mediadora das lecturas no centro e situala no centro neurálxico das políticas públicas centradas na lectura, en todos os formatos, para todas as finalidades.

Reto 4: Promover unha visión da biblioteca escolar como o contexto privilexiado para o desenvolvemento das competencias mediáticas e informacionais, a alfabetización mediática (AMI) e como requisito para a construción do pensamento crítico.

Como resultado de todo isto, elaborouse un documento de urxencia para seguir a traballar pola Biblioteca Escolar.

• DOCUMENTO 4 RETOS PARA A BIBLIOTECA ESCOLAR 2020

O mes de abril ferve nas bibliotecas escolares cunha gran variedade de actividades arredor do libro e a lectura. Velaquí algúns exemplos:

• Asesoría de Bibliotecas Escolares de Galicia
• CEIP P. Albino Núñez (Ourense): Semana do libro
  
• CEIP P. Alexandre Rodríguez Cadarso (Noia-A Coruña): Lecturas compartidas
• CEIP P. Anxo da Garda (A Coruña): Mes do Libro
  
• CEIP P. do Camiño Inglés (Oroso-A Coruña): Día do libro
  
• CEIP Canosa-Rus (Coristanco-A Coruña): Semana do Libro
• CEIP de Celeiro (Viveiro-Lugo): Día do libro 2019
  
• CEIP de Cespón (Boiro-A Coruña)
• CEIP Couceiro Freijomil (Pontedeume-A Coruña): Petiscos Literarios
• CEIP P. A Cristina (Carballo-A Coruña): Apadriñamento lector, Semana do libro
  
• CEIP de Chans-Bembrive (Vigo-Pontevedra): Leo porque sí, por que non?
  
• CEIP Eduardo Pondal (Vigo-Pontevedra): Suxerencias lectoras
• CEIP de Foz nº1 (Foz-Lugo): Apadriñamentos lectores
• CEIP P. Graxal (Cambre-A Coruña): Bookcrossing, Lecturas compartidas
• CEIP da Igrexa-Candeán (Vigo-Pontevedra): Poéticas Diversas, Recomendacións, Apadriñamentos
  
• CEIP de Leirado (Salvaterra do Miño-Pontevedra): Lecturas de Abril, Contapatio 2019
  
• CEIP Lois Tobío (Viveiro-Lugo): Semana do Libro
• CEIP A Lomba (Vilagarcía de Arousa-Pontevedra): Semana do Libro
• CEIP MIlladoiro (Malpica-A Couña): Asalto literario á vila de Malpica
  
• CEIP Nicolás del Río (Cedeira-A Coruña): Exposición fotográfica
• CEIO A Paz-Tintureira (Vigo-Pontevedra): Bibliopatio, Comeza a Bibliopatio
  
• CEIP de Pazos (Ferrol-A Coruña): Feliz Día do Libro con Xoán Farias!
• CEIP Pena de Francia (Mos-A Coruña): Festexando o Día do Libro
• CEIP da Pobra de Brollón (A Pobra de Brollón-Lugoa: Semana do Libro
• CEIP A Ponte: Día do Libro 2019
  
• CEIP Santa María do Valadouro (O Valadouro-Lugo): Semana do libro
  
• CEIP de Seixo (Marín-Pontevedra): Semana do Libro
  
• CEIP da Torre-Cela (Bueu-Pontevedra): Apadriñamento lector 2019
• CEIP Veleiro-Docampo (Castro de Rei-Lugo): Se ti les, nós lemos
• CEIP Vicente Otero Valcarcel (Carral-A Coruña): Día do Libro
• CEIP Vistahermosa (Ourense): Semana do libro, Exposición de libros do alumnado
  
• CPI Antonio Faílde (Coles-Ourense): Día do Libro
  
• CPI P. de Castroverde (Castroverde-Lugo): Nós tamén lemos!
  
• CPI P. Fonte-Díaz (Touro-A Coruña):Día do libro 2019,  Boletín Literario "Con nome de muller"
  
• CPI Manuel Suárez Marquier (O Rosal-Pontevedra): Día do Libro na Quinta
• CRA de Culleredo (Culleredo-A Coruña): Día do Libro 2019
  
• EEI de Vilarrodís (Arteixo-A Coruña): Festa do Libro
• IES Agra do Orzán (A Coruña): Boletín Día do libro 2019
• IES Concepción Arenal (Ferrol): Día do Libro
• IES Fernando Esquío (Neda-A Coruña): Boletín,  Encontros con autores, Obradoiro de poesía, Obradoiro de teatro, Xornadas literarias, Selfie Literario

• IES Johan Carballeira (Bueu-Pontevedra): Día do Libro
• IES Lamas de Castelo (Carnota-A Coruña):Cita a cegas cun libro, Boletín especial Día do Libro, Apadriñamentos lectores
  
• IES Lamas de Quendas (Chantada-Lugo): Día do Libro
• IES Lucus Augusti (Lugo): Día Mundial do Libro 2019, Concurso
  
• IES Marqués de Sargadelos (Cervo-Lugo): Arte e Poesía
  
• IES Monelos (A Coruña): Celebración do Día do Libro
• IES Pazo da Mercé (As Neves-Pontevedra): Preparación Día do libro, Día do Libro
• IES de Quiroga (Quiroga-Lugo): 23 de abril "Día Mundial do Libro"
  
• IES San Paio (Tui-Pontevedra): 23 libros para o 23, Que son os libros?, Photocall "Emocións de libro"
• IES Terra de Soneira (Vimianzo-A Coruña): Boletín "Libros para sermos Libres"
• IES Urbano Lugrís (A Coruña): Homenaxe a William Shakespeare
  
• IES Xograr Afonso Gómez (Sarria-Lugo): Día do libro no Xograr
  

O Portal Educativo publica  a Resolución da Dirección Xeral de Centros e Recursos Humanos, do 15 de abril de 2019, pola que se convoca o VI CONCURSO DE TRABALLO POR PROXECTOS, vinculados ou apoiados pola biblioteca escolar, para traballos realizados durante o curso 2018/2019.

As modalidades nas que se pode participar son as seguintes: 

1.    Proxectos de carácter interdisciplinario, ou Proxectos Documentais Integrados , coordinados desde a biblioteca escolar, e que conten coa participación dun mínimo do 40% dos grupos-aula existentes no centro (e un 40% dos departamentos, no caso dos centros de ensinanza secundaria).  
2.    Proxectos de investigación dirixidos por profesorado dun grupo, nivel, ciclo ou departamento, nas seguintes sub-modalidades:
a.    Traballos de grupo/nivel
b.    Traballos de ciclo/departamento
c.   Proxectos realizados na materia de libre configuración de 1º/2º de ESO “Investigación e Tratamento da Información”, ou noutras materias equivalentes en ESO ou primaria. 
Todos estes traballos teñen que realizarse co apoio e colaboración da biblioteca escolar e contando cos seus recursos e posibilidades.
A temática do proxecto escollida pode ser de calquera ámbito do coñecemento, pero se contemplará un apartado especial de traballos do ámbito científico.
3.    Proxectos de investigación intercentros, promovidos desde as bibliotecas de ata un máximo de tres centros de ensino co fin de desenvolver un proxecto común, de temática xeral ou científica.

O prazo de presentación das memorias correspondentes segundo o guión contemplado na convocatoria remata o 10 de xullo de 2019.

• TEXTO DA CONVOCATORIA

Na imaxe, alumnado do CPI Cruz do Sar (Bergondo-A Coruña)

O DOG publica hoxe a Orde de 2 de abril de 2019 pola que se convoca o Plan de mellora de bibliotecas escolares para centros de titularidade da Consellería de Educación, Universidade e Formación Profesional, para o curso 2019/2020.

Ao igual que en anos anteriores, seleccionaranse un mínimo de 25 centros novos para a súa incorporación ao PLAMBE, podendo ampliarse este número no caso de baixas ou renuncias de centros xa integrados neste programa en convocatorias anteriores. Os centros que se incorporaron nas convocatorias 2011, 2012 e 2013 poderán recibir, ademais da asignación para fondos, unha asignación complementaria para a renovación de mobiliario e outros equipamentos imprescindibles para o funcionamento da biblioteca escolar. A continuidade no PLAMBE esixe a solicitude correspondente a través desta convocatoria, coa entrega da documentación que se solicita en cada caso, así como acadar unha valoración positiva na memoria de actividades do presente curso 2018/2019.

O prazo de presentación de solicitudes remata o 16 de maio.

• Publicación da Orde de 2 de abril de 2019 - Convocatoria PLAMBE para o curso 2019/2020 (centros públicos)
• Texto da convocatoria no DOG
• Anexos
  

Dentro do contexto actual de alfabetizacións múltiples e de modelo evolucionado de biblioteca, no ano 2016 deséñase o proxecto piloto "Escornabots na biblioteca escolar". No ano 2018, o proxecto muda de nome para responder á nova realidade das bibliotecas implicadas, pasando a chamarse "Biblioteca Creativa". Falamos de espazos cooperativos que contemplan todo tipo de linguaxes e posibilitan ao alumnado múltiples oportunidades de aprendizaxe, de expresión e de creación.

Achégase un documento de apoio cunha selección de materiais e recursos para conformar este espazo. Cada biblioteca debe escoller os máis axeitados ao espazo dispoñible, á idade do alumnado e ás prácticas que interesa incentivar. Os materiais deben ir acompañados da bibliografía que apoie e optimice o seu uso.

O vídeo  presenta unha selección de imaxes de materias e espazos de bibliotecas escolares de Galicia.

• MATERIAS PARA O ESPAZO CREATIVO 

• As bibliotecas escolares: lugares para a exploración e a experimentación (Cristina Novoa-Eduga) 
• Pinterest Biblioteca Creativa
• Actividades Biblioteca Creativa

O Portal Educativo publica a convocatoria do I Concurso de Podcasts - Radio na Biblio. A Dirección Xeral de Centros e Recursos Humanos convoca con data 2 de abril de 2019, o I Concurso de Podcasts - Radio na Biblio, destinado a centros públicos non universitarios de titularidade da Consellería de Educación, Universidade e Formación Profesional, en colaboración coa Radio Galega (CRTVG), no contexto do Plan LIA de Bibliotecas Escolares (Lectura, Información e Aprendizaxe).

• PUBLICACIÓN NO PORTAL 
• TEXTO DA CONVOCATORIA

Coma en anos anteriores, o Ibby (International board on books for young people) chama á conmemoración do Día Internacional do Libro Infantil o día 2 de abril,  data  de nacemento  de Hans Christian Andersen. A responsabilidade do cartel e o díptico deste ano 2019 correspondeulle a Lituania.A autoría do texto e a ilustración son de Kestius Kasparavicius, quen titula a súa mensaxe: Os libros fannos acougar.

Galix, Asociación do Libro Infantil e Xuvenil, facilítanos a mensaxe, con tradución ao galego.

• MENSAXE  en galego e información sobre o autor.
• CARTEL
• CONCURSO "Sefie LIX" (OEPLI) (Remata o prazo o 10 de abril)
• DÍA DO LIBRO INFANTIL - OEPLI