Para os efectos do Real Decreto 36/2014, do 24 de xaneiro, polo que se regulan os títulos profesionais do sector pesqueiro, e disposicións de desenvolvemento, enténdese por capitán/á a persoa que, estando en posesión do correspondente título, exerce o mando e a dirección do buque, ostenta a representación do armador, así como as demais funcións públicas e privadas que lle atribúa a normativa vixente.

Para exercer profesionalmente a bordo dos buques pesqueiros españois como capitán/á deberase posuír un título en vigor.

Os/as capitáns/ás e pilotos da mariña mercante poderán exercer funcións en buques pesqueiros dentro das condicións e atribucións recollidas na Orde APM/243/2018, do 7 de marzo, pola que se desenrrola o Real Decreto 36/2014, do 24 de xaneiro, pola que se regulan os títulos profesionais do sector pesqueiro. Segundo a citada Orde, para poder exercer o mando de busques de pesca, os capitáns e pilotos da mariña mercante deberán obter o título de capitán de pesca. Os requisitos para a obtención do citado título serán os seguintes: a) Ter superado o exame previsto no artigo 2. De dito exame terán convalidadas todalas asignaturas excepto as seguintes: "Bioloxía Pesqueira e Conservación dos Productos Pesqueiros", "Pesca Marítima", "Xestión da Empresa Pesqueira e dos Recursos Humanos a Bordo" e os temas 1,3,9,12,15,16 e 18 da asignatura de "Dereito Martítimo", b) Ter cumpridos 300 días de embarque como primeiro oficial ou oficial de ponte en busques de pesca de eslora superior a 18 metros; polo menos 100 de eses días deben terse realizado, trala superación do exame previsto no apartado a), a bordo de buques de pesca de calquera país membro do Espazo Económico Europeo, ou dos cales a propiedade corresponda, en polo menos un 34%, a persoas físicas ou xurídicas de nacionalidade española.

A obtención do título de capitán/á de pesca, por parte de capitáns/ás e pilotos da mariña mercante, levarase a cabo conforme ao disposto na citada Orde APM/243/2018.

COMPETENCIAS

- Mando de buques de pesca de calquera clase, sen limitación de eslora nin de distancia á costa.

- Enrolarse como primeiro oficial ou oficial de ponte, en buques de pesca de calquera clase.

REQUISITOS PARA A OBTENCIÓN DA TITULACIÓN PROFESIONAL

a) Estar en posesión do título de patrón/oa de altura ou do título de patrón/oa de pesca de altura.

b) Dispoñer dun impreso oficial, expedido por un Centro de Recoñecemento de Condutores (CRC), no que se certifique a aptitude psicofísica de acordo cos requisitos esixidos para a expedición do permiso ordinario de conducir. O anterior impreso non será necesario se o interesado dispón do certificado médico contemplado no artigo 13 do presente real decreto.

c) Cumprir 600 días de embarque como capitán ou oficial de ponte en buques de pesca de eslora superior a trinta metros; 300 destes días deben realizarse, tras a obtención do título de Patrón de Altura ou Patrón de Pesca de Altura, a bordo de buques de pesca nacionais ou a bordo de buques de pesca pertencentes a sociedades que figuren no Rexistro regulado mediante o Real Decreto 601/1999, do 16 de abril, polo que se regula o Rexistro Oficial de Empresas Pesqueiras en Países Terceiros.

d) Aprobar o exame correspondente.

CONTIDOS MÍNIMOS DO EXAME DE CAPITÁN/Á DE PESCA

I.	Bioloxía pesqueira e conservación dos produtos pesqueiros
II.	Meteoroloxía e oceanografía
III.	Navegación
IV.	Inglés marítimo
V.	Estabilidade do buque
VI.	Dereito marítimo
VII.	Pesca marítima
VIII.	Xestión de empresa pesqueira e dos recursos humanos a bordo
	Descargue o programa completo aquí
	Consulte a bibliografía recomendada para cada módulo aquí
	Enlace scribd para bibliografía do módulo de pesca marítima

DOCUMENTACIÓN NECESARIA PARA A MATRÍCULA

As persoas candidatas interesadas no curso de capitán/á de pesca achegarán a seguinte documentación para realizar a matrícula:

- Modelo de solicitude. Descargue a solicitude AQUÍ.

- Copia do DNI/NIE polas dúas caras.

- Copia compulsada da tarxeta de patrón/oa de pesca de altura.

- Certificado de materias aprobadas, de ser o caso.

- Xustificante do aboamento das taxas que outorgan o dereito ao exame.

As solicitudes deberán presentarse:

- nos centros oficiais de ensino pesqueiro onde se examinen os/as aspirantes, ou

- por calquera dos medios establecidos no artigo 16.4 da Lei 39/2015, do 1 de outubro, do procedemento administrativo común.

IMPORTANTE: Con anterioridade á formalización da matrícula, as persoas interesadas informaranse nas secretarías dos centros para coñecer as datas dispoñibles de realización do curso.

TAXAS

Pode obter o Modelo AI. Autoliquidación de Taxas premendo na imaxe.

INSTRUCCIÓNS

1. Prema en Cidadáns, Pago de taxas e prezos, Iniciar taxa, Acceso libre ó servizo (Candado aberto) e Iniciar taxa.

2. Na pantalla "Datos da taxa" deberá cubrir o seguinte:

3. Prema en Continuar.

4. Na pantalla "Datos identificativos" deberá indicar os seus datos persoais. Prema en Continuar.

5. Por último, na pantalla "Modo de pago" poderá escoller entre a opción de Pago telemático (Se desexa efectuar o pago telemático con tarxeta ou cargo en conta) e a opción de Descargar modelo presencial (Permite a descarga do modelo de autoliquidación cuberto cos datos recén capturados para imprimir e efectuar o pago presencial nunha entidade financeira colaboradora).

NORMATIVA

* Real Decreto 36/2014, do 24 de xaneiro, polo que se regulan os título profesionais do sector pesqueiro.

* Orde  APM/243/2018, do 7 de marzo, pola que se desenvolve o Real Decreto 36/2014, do 24 de xaneiro, polo que se regulan os títulos profesionais do sector pesqueiro.