Habilidades sociais
OBXECTIVO
Coñecer a estrutura dun programa exemplarizado de adestramento en asertividade e habilidades sociais, de modo que lle axude ao alumno/a no desenvolvemento das súas tarefas persoais e sociais, dentro do seu marco laboral.
CONDICIÓNS DE ACCESO AO CURSO
Para o acceso ao curso de habilidades sociais, o alumnado deberá ter o certificado de mariscador/a ou percebeiro/a ou certificado de mariscador/a a mergullo.
DOCUMENTACIÓN NECESARIA PARA A MATRÍCULA
As persoas candidatas interesadas no curso de habilidades sociais achegarán a seguinte documentación para realizar a matrícula:
- Modelo de solicitude. Descargue a solicitude AQUÍ.
- Fotocopia do DNI/NIE polas dúas caras.
**Terán preferencia os/as candidatos/as que teñan certificado de mariscador/a ou percebeiro/a ou certificado de mariscador/a a mergullo.
As solicitudes deberán presentarse:
- nos centros oficiais de ensino pesqueiro onde se examinen os/as aspirantes, ou
- por calquera dos medios establecidos no artigo 16.4 da Lei 39/2015, do 1 de outubro, do procedemento administrativo común.
IMPORTANTE: Con anterioridade á formalización da matrícula, as persoas interesadas informaranse nas secretarías dos centros para coñecer as datas dispoñibles de realización do curso.
ASISTENCIA AO CURSO
A asistencia ás clases é obrigatoria. Nas actividades formativas levarase un control de asistencia.
CRITERIOS DE AVALIACIÓN
Nesta valoración terase moi presente a capacidade de incorporación do/a alumno/a ás dinámicas de traballo, de comunicación e de pautas de interrelación.
PROGRAMA: MÓDULOS FORMATIVOS E TEMPORALIZACIÓN SOBRE OS COÑECEMENTOS TEÓRICO-PRÁCTICOS
Módulo I. A comunicación asertiva.
Módulo II. Traballo en grupo. Dinámica en grupos.
Módulo III. O proceso de toma de decisións e resolución de conflitos.
Módulo IV. Xestión do tempo e organización de reunións de traballo.
Módulo V. O liderazgo.
Módulo VI. O proceso de comunicación.
O curso terá unha duración de trinta horas lectivas.