Visitounos Soledad da asociación Chrysallis que reune a familias de menores trans e con ela aprendimos como a diversidade nos enriquece e como toda persoa ten dereito a ser respectada e non sofrir discriminación algunha baseada na súa orientación sexual e identidade de xénero.

Sorte no acto de celebración dos premios Stephen Hawking no IES Rosalía de Castro en Santiago de Compostela.

O noso alumno Martín Rey Álvarez representando ao consello de participación da infancia e a adolescencia de Nigrán, participou na mesa redonda de UNICEF, presentando o informe do impacto da tecnoloxía na adolescencia. Este evento tivo lugar o 8 de febreiro en Santiago de Compostela na facultade de psicoloxía. 

O día 8 de febreiro visitamos as instalacións do noso Concello guiadsa pola Concelleira Marina Vidal e o seu equipo.

Moitisimas grazas pola atención e cariño co que foron recibidos os nosos alumnos!

Unha boa mostra da cercanía das institucións coa cidadanía!

O correo Cupido chegou ao Val Miñor!! Achégate á biblioteca e deixa a túa mensaxe de amor. Escribe só o nome e apelido da persoa que amas e o venres 18 a túa mensaxe chegará ao seu destino

Exposición sobre mulleres cientificas no IES Val Miñor cedida polo CIM ( Centro  Municipal de Información á Muller). Permanecerá no centro desde o venres 11 de febreiro. 

Despois dunha intensa semana e media durante a cal os nosos alumnos e alumnas participantes no concurso se tiveron que enfrontar a preguntas nalgúns casos realmente complicadas, probas contrarreloxo e un desempate autonómico, os dous equipos demostraron que son máis veloces que Aquiles de pés lixeiros e foron quen de contestar correctamente case todas as preguntas en tempo récord, situándose entre o top vinte dun total de 197 equipos.

Parabéns, ὦ ἥρωες!

Dúas psicólogas especialistas no tratamento dos trastornos da conduta alimentaria estiveron impartindo unha charla ao alumnado de 3º ESO. Falouse de anorexia, de bulimia, entre outros asuntos, e das graves consecuencias que estes trastornos poden ter para a saúde física e psicolóxica de quen o padece e para as súas familias.

Dous membros da Sociedade Española de Farmacia Familiar e comunitaria (SEFAC) estiveron no instituto impartindo unha charla, dirixida ao alumnado de 4ºESO, en relación co proxecto "Conóceme" Os obxectivos deste proxecto son inculcar bos hábitos no auto coidado desde a adolescencia, conseguir un uso racional do medicamento a medio e longo prazo e promover a figura do farmacéutico comunitario como experto en medicamentos. O alumnado realizou uns cuestionarios para coñecer o seu grao de información sobre os medicamentos e trouxo da casa un envase baleiro co prospecto dun medicamento co que fose tratado nalgunha ocasión para analizalo como práctica de aprendizaxe.