LISBOA 2016
Os alumnos de 1º Bacharelato viaxaron en marzo, un ano máis, a Lisboa, para coñecer de cerca a cultura lusa: a historia, lingua, literatura, gastronomía, arte...
O primeiro que visitamos foi o Pazo da Ajuda; entramos na súa biblioteca onde se garda o Cancioneiro de Ajuda, único que se conserva do século XIII, con cantigas de amor galego-portuguesas.
O castelo de San Jorge, a Torre de Belem, o mosteiro dos Jerónimos, o museo dos coches, o museo do azulexo...foron outras visitas.
Os alumnos, por grupos, recolleron información de diferentes aspectos da capital lisboeta; con ela, deron forma a un traballo. Entregaráselle un premio ao de maior calidade.
LUGO 2016
Os alumnos de 2º ESO, o luns 13 de maio, visitaron a cidade de Lugo: participaron nun xogo de pistas polo
Museo provincial, coñeceron a catedral e pasearon pola súa muralla romana, unha das mellor conservadas da
península.
Na foto, á saída do Museo provinciial de Lugo.
No Museo, comprobando os resultados do xogo de pistas.
Pola tarde visitamos o Castro de Viladonga.
Programa re-creo o recreo
O obxectivo deste programa é fomentar o nivel de actividade física no tempo de recreo, e crear un espazo social de convivencia positiva.
Algunhas das actividades que se levaron e levan a cabo son as seguintes:
Organización de responsables de patio, que permitan un sistema de empréstito de material nos recreos e que axuden a organizar os distintos torneos.
Fixéronse torneos de baloncesto, tenis de mesa, fútbol...
Entregáronse premios
Foto dos gañadores
O campo de Bolos celtas do IES VAL MIÑOR moi preto de ser unha realidade
Grazas á colaboración do concello, e a Isidro o presidente da federación de Bolos Celtas, estamos moi próximos a poder facer realidade este proxecto, incardinado no contrato programa, aprobado pola Xunta de Galicia.
Segunda semana da Froita
A última semana de abril, fíxose a segunda semana da froita, no centro, e novamente cunha gran aceptación.
Se queres ver as fotos da actividade CLICA AQUÍ
No instituto, tamén temos pequenos tesouros agachados, coma estes amorotes, ou mirillotes que lle chama o meu pai. Esta froita de orixe euroasiático, xa se recolectaba na prehistoria.
A novidade nesta semana, foron os nísperos, que moitos dos alumnos/as descoñecían, pero dos que deron boa conta, e os froitos do bosque, coma os arándanos e as frambuesas.
CELANOVA 2016
Os alumnos de 3º ESO visitaron un ano máis a vila de Celanova e a de Vilanova dos Infantes.
Este ano foi especial porque cumprimos dez anos da nosa visita e agasalláronnos cunha tarta e unhas palabras do alcalde da vila.
Os alumnos visitaron o mosteiro de San Rosendo, a zona que corresponde ao IES Celso Emilio Ferreiro e a Casa dos Poetas. Leron poemas de Curros Enríquez e de Celso Emilio Ferreiro. Na imaxe, diante da escultura do autor de "Longa noite de pedra".
A tarta coa que nos agasallaron polo 10º aniversario da nosa visita.
DÍA MULTIDEPORTIVO. SENDEIRISMO, TENIS, BALONCESTO, BÉISBOL ADEREZADO CON AMIGOS, RISAS, CHAPUZÓN...
O obxectivo fundamental desta actividade complementaria é ofrecer ao alumnado as posibilidades de ocio activo que ofrece o propio entorno, neste caso dentro do propio concello de Nigrán, ao que agradecemos a cesión das pistas para esta actividade.
CLICA AQUÍ , para ver as imaxes desta xornada.
Pecha a unidade didáctica de tenis, que se empezou a traballar no centro e que se puido impartir grazas ao empréstito das raquetas por parte da federación galega deste deporte, un ano máis. E a que o ceo nos permitiu traballar, aínda que algúns días nos chovera e tiveramos que suspender a realización deste contido.
NON OS OES PIAR?
Con fotos de Alvaro Martínez Leiro do movemento Arte K podemos disfrutar dunha exposición de corenta fotos onde os protagonistas son os paxaros que nos espertan todas as mañás.
Alumnos e alumnas de 1º de bacharelato visitan a Universidade de Vigo
Máis de 50 alumnos e alumnas matriculados en 1º de bacharelato visitaron este mércores, vinte de abril, distintas facultades da Universidade de Vigo.
- « primeira
- ‹ anterior
- …
- 52
- 53
- 54
- 55
- 56
- 57
- 58
- 59
- 60
- …
- seguinte ›
- última »