XORNADA DE ACOLLIDA DO ALUMNADO DE 6º DE EDUCACIÓN PRIMARIA DOS CENTROS ADCRITOS
O catorce de abril recibimos ao alumnado de 6º de Educación Primaria dos CEIP Humberto Juanes e CEIP da Cruz-Camos. Nesta xornada aparte de visitar as instalacións e de participar en varias actividades nos laboratorios, na biblioteca, no ximnasio... realizamos distintos xogos cooperativos que queremos repetir no mes de setembro.
LETRAS GALEGAS 2016
Este ano, adicado á figura de Manuel María, no IES Val Miñor, leváronse a cabo diversas actividades.
En primeiro lugar Serafín Marcos, actor do Barbanza, trouxo o seu espectáculo didáctico titulado: "Que Manuel María"? que representou para os alumnos da ESO.
Os rapaces, a continuación, leron algúns poemas acompañados pola música da guitarra de Serafín Marcos e da alumna Irene Táboas.
CLASES PRÁCTICAS DE EDUCACIÓN VIAL NO PAVILLÓN DE PANXÓN PARA O ALUMNADO DE 1º DE ESO
Hoxe, día 19 de maio, tivo lugar a segunda parte da educación vial impartida pola policía local de Nigrán: as clases prácticas. Por mor do tempo tivémonos que trasladar ata o pavillón de Panxón. A pesar deste imprevisto pasámalo ben e aprendimos moitos cousas cos policías e tamén cos bombeiros.
EDUCACIÓN VIAL PARA O ALUMNADO DE 1º DE ESO
Os alumnos e alumnas de 1º de ESO reciben educación vial teórico-práctica. Esta formación é impartida pola POLICIA LOCAL do Concello de Nigrán.
LISBOA 2016
Os alumnos de 1º Bacharelato viaxaron en marzo, un ano máis, a Lisboa, para coñecer de cerca a cultura lusa: a historia, lingua, literatura, gastronomía, arte...
O primeiro que visitamos foi o Pazo da Ajuda; entramos na súa biblioteca onde se garda o Cancioneiro de Ajuda, único que se conserva do século XIII, con cantigas de amor galego-portuguesas.
O castelo de San Jorge, a Torre de Belem, o mosteiro dos Jerónimos, o museo dos coches, o museo do azulexo...foron outras visitas.
Os alumnos, por grupos, recolleron información de diferentes aspectos da capital lisboeta; con ela, deron forma a un traballo. Entregaráselle un premio ao de maior calidade.
LUGO 2016
Os alumnos de 2º ESO, o luns 13 de maio, visitaron a cidade de Lugo: participaron nun xogo de pistas polo
Museo provincial, coñeceron a catedral e pasearon pola súa muralla romana, unha das mellor conservadas da
península.
Na foto, á saída do Museo provinciial de Lugo.
No Museo, comprobando os resultados do xogo de pistas.
Pola tarde visitamos o Castro de Viladonga.
Programa re-creo o recreo
O obxectivo deste programa é fomentar o nivel de actividade física no tempo de recreo, e crear un espazo social de convivencia positiva.
Algunhas das actividades que se levaron e levan a cabo son as seguintes:
Organización de responsables de patio, que permitan un sistema de empréstito de material nos recreos e que axuden a organizar os distintos torneos.
Fixéronse torneos de baloncesto, tenis de mesa, fútbol...
Entregáronse premios
Foto dos gañadores
O campo de Bolos celtas do IES VAL MIÑOR moi preto de ser unha realidade
Grazas á colaboración do concello, e a Isidro o presidente da federación de Bolos Celtas, estamos moi próximos a poder facer realidade este proxecto, incardinado no contrato programa, aprobado pola Xunta de Galicia.
Segunda semana da Froita
A última semana de abril, fíxose a segunda semana da froita, no centro, e novamente cunha gran aceptación.
Se queres ver as fotos da actividade CLICA AQUÍ
No instituto, tamén temos pequenos tesouros agachados, coma estes amorotes, ou mirillotes que lle chama o meu pai. Esta froita de orixe euroasiático, xa se recolectaba na prehistoria.
A novidade nesta semana, foron os nísperos, que moitos dos alumnos/as descoñecían, pero dos que deron boa conta, e os froitos do bosque, coma os arándanos e as frambuesas.
- « primeira
- ‹ anterior
- …
- 51
- 52
- 53
- 54
- 55
- 56
- 57
- 58
- 59
- …
- seguinte ›
- última »
![IES Val Miñor RSS Distribuir contido](/centros/iesvalminor/misc/feed.png)