Comunícase ao alumnado e ás familias que, seguindo instrucións da Consellería con competencias en materia de educación, con data 3 de abril pecharase a segunda avaliación do presente curso, coa correspondente comunicación de cualificacións.

Isto farase con garantías nos seguintes termos:

• A avaliación só terá en conta os aspectos curriculares e o traballo desenvolvido ata o 13 de marzo de 2020, último día antes da declaración do estado de alarma.
• A avaliación desenvolverase telemáticamente.
• A avaliación terá que estar pechada a data 3 de abril de 2020.

O centro complementou estas ordes coas seguintes instrucións dadas ao/á/s titores/as e ao profesorado:

• A dirección do centro estableceu un procedemento de avaliación telémática con garantías para o alumnado, tentando normalizar o máis posible o proceso avaliador.
• O profesorado terá en conta, cada un/ha na medida das súas posibilidades, só os exames, probas, tarefas, traballo/s, anotacións e rexistros feitos ata o 13 de marzo de 2020.
• Cada departamento didáctico recollerá esta incidencia nas súas actas de departamento.
• O 3 de abril as cualificacións estarán en Abalar Móbil a partires das 10:00 horas (no arquivo adxunto hai instrucións para descargar a aplicación).
  

(consulta)

http://www.edu.xunta.gal/portal/node/30634

(clica 1 adxunto)