IES Val do Asma |

Data das votacións Consello Escolar

Xov, 21/11/2024 - 09:51

Comezo: 22/11/2024

Horario das votacións do 22/11/24 acordado pola Xunta Electoral:

11:15 horas - 11:45 horas: Constitución mesa electoral, votación e escrutinio alumnado.
14:15 horas - 15:15 horas: Constitución mesa electoral, votación e escrutinio persoal de administración e servizos.
16:30 horas - 19:00 horas: Constitución mesa electoral, votación e escrutinio pais/nais e titores/as legais.
20:35 horas - 21:00 horas: Claustro extraordinario de profesores/as. Constitución mesa electoral, votación e escrutinio profesorado.

Calendario

Día dos Dereitos da Infancia

Xov, 21/11/2024 - 09:48

Comezo: 20/11/2024

Para conmemorar o Día dos Dereitos da Infancia o alumnado na hora de titoría preparará uns móbiles onde representarán os dereitos que consideran fundamentais. Ao mesmo tempo, dende a Biblioteca, prepararán unha mesa temática con obras e xogos infantís e o alumnado de 1° CB de Informática de Oficina encargarase da elaboración do cartel. Para ver as imaxes da actividade preme aquí.

Lugar: IES
Grupos: Todo o alumnado
Organiza: Biblioteca do IES Val do Asma

Calendario

Punto de información xuvenil

Mar, 19/11/2024 - 12:45

Comezo: 20/11/2024 10:30

Fin: 20/11/2024 13:30

O Espazo Xove de Chantada virá ao centro a informar e facer o carné xove do alumnado.

Lugar: IES
Grupos: Todo o alumnado
Organiza: Departamento de Orientación

Calendario

Scape Room Pola Igualdade

Lun, 18/11/2024 - 18:15

Comezo: 19/11/2024 10:25

Fin: 19/11/2024 14:15

Trátase dun Escape Room en Igualdade de Xénero, un xogo cooperativo, unha ginkana de interior que se recrea nunha sala especial, na que un grupo de persoas teñen que superar probas, descifrar códigos e enigmas para abrir candados e maletas, e poder saír deste espazo interior”.

Lugar: Biblioteca
Grupos: 2ª hora: FP básicas (todos), 3ª hora: 2º ESO, 4ª hora: 3º ESO, 5ª hora: 1º ESO e 6ª hora: 4º ESO
Organiza: Departamento de Orientación e DACE

Calendario

Segunda convocatoria anual cursos preparatorios CELGA

Xov, 14/11/2024 - 10:10

Convocados, con carácter gratuíto, cursos de linguaxe administrativa galega de nivel medio e superior en liña, e cursos preparatorios para a consecución dos certificados de lingua galega (Celga), para o curso 2024/25, nas Escolas Oficiais de Idiomas de Galicia. Os cursos preparatorios para os certificados de lingua galega, Celga, impartiranse, os do primeiro cuadrimestre entre setembro e decembro, e os do segundo cuadrimestre, entre febreiro e maio.
O prazo para a presentación das solicitudes será desde o 11 ata o 22 de novembro de 2024, para os cursos do segundo cuadrimestre
Para máis información preme aquí.

Club de lectura De Mentes 24/25

Xov, 14/11/2024 - 09:49

O IES Val do Asma, neste curso escolar, continua co club de lectura De Mentes. Como novidade ademais de ter club de lectura para alumnado e profesorado en horario de mañá, tamén hai club de lectura para toda a comunidade educativa (alumnos/as, profesorado e familias) en horario de tarde. Preme no cartaz deseñado por Brayan de 2º BAC. En horario de mañá, as reunións son os martes e venres durante os recreos para poñer en común as lecturas. Lectura inicial: "Muerte en el Nilo", de Agatha Christie.
Para calquer dúbida que teñades, ou se vos queredes unir ao club de lectura, preguntade polas profesoras Verónica (matemáticas) ou Isabel (inglés).

Eleccións Consello Escolar 2024 - Sorteo mesas electorais pais/nais/titores e alumnado

Mar, 12/11/2024 - 12:54

A Xunta Electoral reunida o 11 de novembro de 2024 realizou o sorteo dos/as integrantes das mesas electorais de pais, nais e/ou titores/as e de alumnado. Para acceder á información preme aquí.

Recollida para afectados/as pola Dana en colaboración co CB Chantada

Xov, 07/11/2024 - 09:58

No IES Val do Asma temos un punto de recollida de produtos para afectados/as pola Dana en colaboración co CB Chantada. Mira na imaxe os produtos que podes traer. Último día venres 15 de novembro!!!

Magosto 2024

Mar, 05/11/2024 - 12:58

Comezo: 08/11/2024 11:45

Fin: 08/11/2024 14:15

Como xa é tradición no IES Val do Asma, o vindeiro venres 8 de novembro celebrarase un magosto para toda a comunidade educativa. Despois do recreo haberá xincana para o alumnado da ESO e CB (haberá premios para o tres primeiros clasificados) e dende as 13.25h poderemos degustar castañas e outros manxares.

Lugar: IES Val do Asma
Grupos: ESO, BAC e FP
Organiza: Departamento de Actividades Complementarias e Extraescolares e Equipo de Dinamización da Lingua Galega (EDLG).