Complementarias

VolunTIC Galicia Rural é unha actividade que se centra na formación e divulgación de voluntariado tecnolóxico para chegar ás zonas rurais de Galicia, para por en valor o voluntariado tecnolóxico, e o intercambio de experiencias e boas prácticas. Será desenvolvido pola Fundación Cibervoluntarios, desde a que  levan 20 anos promovendo o uso e coñecemento da tecnoloxía como medio para paliar as fendas sociais.

Lugar: Aula de referencia
Destinatarios/as: Alumnado de 1º CB Informática de Oficina.
Organiza: Departamento de Orientaciónen colaboración coa Fundación Cibervoluntarios.

A través dun obradoiro práctico e participativo, impartido por Luisa Astray García, Educadora social da UAD do Concello de Monfort, desenvolveremos unha actividade de sensibilización para recordar ao alumnado a epidemia global da SIDA causada pola infección do VIH, dando a coñecer o estado actual da epidemia, tratando de derrubar prexuízos e incidindo nas vías de prevención do contaxio. No seguinte horario:

11.45 h - 1º CB Mantemento de Vehículos
12.35 h - 4º ESO
13.25 h - 1º CB Informática de Oficina

Lugar: Aula de referencia
Destinatarios/as: Alumnado de 1º FP básica e 4º ESO
Organiza: Departamento de Orientaciónen colaboración coa Unidade Asistencial de Drogodependencias do Concello de Monforte

A Cruz Vermella impartirá un taller práctico de Primeiros Auxilios e dirixido ao alumnado de Formación Profesional que cursa o módulo de FOL.

Lugar: Salón de actos do IES Val do Asma
Destinatarios/as: Alumnado dos 1º cursos do CM Electromecánica do automóbil e do CS Administración e finanzas
Organiza: Departamento de Formación e Orientación Laboral (FOL)

Este ano a BiblioAsma elaborará un collage de fotos nunha gran pancarta do NON É NON para conmemorar o 25N. Neste collage participará todo o alumnado, profesorado e o persoal de administración e servizos. Ademáis toda a comunidade educativa gardaremos 1 minuto de silencio no salón de actos o vindeiro venres ás 11:00h.

Lugar: IES Val do Asma
Destinatarios/as: Toda a comunidade educativa
Organiza: BiblioAsma

Todo o alumnado da familia de Automoción visitará EXPOFRAIN que se celebrará no Pazo de Feiras de Lugo.

Lugar: Lugo
Destinatarios/as: CB Mantemento de vehículos (1º e 2º) e CM Electromecánica de vehículos (1º e 2º)
Organiza: Departamento de Automoción