Os alumnos de 2º de bacharelato A,B visitaron Reganosa e Forestal do Atlántico, onde foron atendidos por personal desas empresas.

    En Forestal  coñeceron as actividades da empresa para evitar a polución mariña dos vertidos dos barcos, e para evitar accidentes por gases cando os barcos son reparados en Navantia.
    Viron a planta de coxeneración. Viron temén a planta de producción de formol e resinas de urea-formol así como a planta de impregnación do papel  empregado no acabado dos taboleiros de madeira.
    Coñeceron tamén as medidas que aplica a empresa para evitar a polución que poderían ocasinar as súas actividades.

    En Reganosa coñeceron as actividades da empresa relacionadas coa regasificación do gas natural. Explicáronlles a orixe e aplicacións dese gas, como chegan os barcos á planta, como se amarran e descargan. Viron os puntos de amarre dos barcos, as tuberias que levan o gas, os depósitos e as instalacións para regasificar o gas licuado antes de ser distribuído. Coñeceron tamén as medidas de seguridade para previr posibles accidentes.

    O Diario de Ferrol publica un artigo sobre o proxecto europeo no que participa o noso centro, Robot dance.
    Un dos obxectivos deste proxecto é intercambiar experiencias educativas con centros de Finlandia e Gales, para elo terán lugar reunións e eventos nos países participantes para os responsables da administración educativa, o profesorado e o alumnado.
    O proxecto rematará no ano 2020 co deseño e elaboración dun baile realizado por un robot Lego. Os robots deberán facer o mesmo baile, á vez nos diferentes países.

                   Podes visitar o artigo aquí.

    Na última sesión do Club de Lectura amenizamos a presentación da novela "El chico de la Flecha" de Espido Freire cunha celebración dunha festa romana.

    Decoramos a biblioteca con ambientación da época. Tivemos unha mesa adicada a Roma e outra ao mundo castrexo. Os rapaces disfrazáronse de personaxes. Houbo un lexionario, un mozo romano, varias damas patricias e outras castrexas.

    A continuación, xa tivo lugar a sesión da forma ordinaria. Ademáis de fomentar o gusto pola lectura queremos axudar a profundizar nos coñecementos da forma de vida de cada unha das etapas da historia

    Os alumnos do club de ciencia, visitaron a Estación de Tratamento de Auga Potable, situada en Catabois.
    Alí, Socorro Lueiro González, responsable do Laboratorio de Control de Calidade, amosounos os procesos de tratamento da auga dende a súa orixe na Natureza ata o seu consumo. Tamén visitamos o laboratorio onde se fan as análises físico-químicas da auga e a sala de control do proceso.
    Queremos agradecerlle a Socorro as súas explicacións e amabilidade. E grazas tamén a Emafesa por invitarnos a visitar as súas instalacións.