Unha alimentación correcta e equilibrada é a elección máis importante que podemos facer para influír positivamente a medio e longo prazo na nosa saúde. A Xornada de “Almorzos Saudables” pretende promover, nun dos grupos máis vulnerables, o hábito de realizar un almorzo equilibrado e suficiente, empregando os menos aditivos prexudiciais posibles. A xornada englóbase no itinerario de “Hábitos de vida Saudable” no que está inmerso o IES Sofía Casanova dentro dos Contratos Programa, en concreto na actuación “Mellora da convivencia e promoción da igualdade nos centros”.

              A xornada consta dunha degustación de tipo buffet con 3 estacións:

    1. Batidos de froita natural elaborados no momento e/ou froita natural.

    2. Tostas variadas, combinando pan do día de diferentes clases, queixos, marmeladas e froitos secos.

    3. Iogur combinado con diferentes tipos de cereais sen aditivos.

          A actividade foi organizada polos deptos. de EF, CCNN e ACE, coa colaboración da ANPA   

                                                  Ver fotografías

    Rematado o prazo de entrega de solicitudes para a escolarización do ano académico 2018-19, informámos que aquelas persoas que solicitaron praza para o 1º curso de Bacharelato deberán entregar na Secretaría a documentación dos criterios alegados na solicitude para proceder á baremación, xa que se presentaron mais solicitudes que prazas se ofertan.

   -Todos deberán traer un certificado do padrón municipal actual, con todos os membros da unidade familiar, e de ser o caso, outra documentación alegada (certificado traballo,etc).

     Os días para entregar a documentación requerida abranguen dende o día 3 ao 10 de abril incluído.

     Nos restante cursos non será necesario entregar ningunha outra documentación, xa que quedaron prazas vacantes.

   O venres, 9 de marzo, ás 16.00 h, o grupo de Voluntariado da Biblioteca recibiu a visita dos maiores da residencia Geriatros de Ferrol.
    Viñeron para coñecer o centro e dar unha charla sobre igualdade, baseada nas experiencias que a elas lles tocou vivir. Asistiron despois ao ensaio do grupo de teatro, e quedaron en volver á estrea, o día 29 de maio. Con este suman tres os encontros entre o grupo de voluntarios e os maiores de Geriatros.
    Para máis información, vid. esta entrada do blog da Biblioteca e as fotos do encontro.

    La Voz de Galicia, na sua edición para Ferrol, recolle a iniciativa.

    Os alumnos de 1º e 2º de bacharelato do IES Sofía Casanova asistiron o día 27 de febreiro ás I Xornadas de Orientación Académica e Profesional de Ferrolterra, organizadas pola dirección e o departamento de Orientación do IES LEIXA, en colaboración co Concello, o Conservatorio de Música Xan Viaño e o CFR de Ferrol. 
    Celebráronse estas xornadas co obxectivo de asesorar e informar aos estudantes sobre as diferentes ofertas educativas post- obrigatorias, (tanto de Formación Profesional coma de distintas Universidades), así como sobre programas europeos e bolsas de estudos.