O xoves 3 de maio os estudantes de 2º da ESO tiveron a segunda sesión de traballo dentro do proxecto “Fálame da emigración” organizado por Afundación. Nesta segunda sesión os alumnos poideron explicar aos voluntarios deste programa as súas investigacións realizadas sobre as súas familias o que serviu para coñecer e analizar o fenómeno das migracións contemporáneas contando con casos reais e próximos.

    Neste enlace podedes acceder á presentación inicial do proxecto que inclúe os códigos qr que enlazan cos traballos presentados polos estudantes. Na web de Afundación podedes tamén acceder ás fotos da primeira sesión e no Diario de Ferrol aparece recollida a realización desta actividade.

    Os "correspondentes" son un grupo de alumnos do instituto que forman parte de Correspondentes Xuvenís 3.0, un programa da Dirección Xeral de Xuventude, Participación e Voluntariado que pretende achegar á mocidade información do seu interese.
    Os correspondentes seleccionan a información, organízana e difúndena a través dun taboleiro, de boletíns informativos e das redes sociais.

    O 17 de maio conmemórase o Día das Letras Galegas e o Día da Sociedade da Información e das Telecomunicacións. Os correspondentes do Sofía danse a coñecer agora con este vídeo-presentación , cun taboleiro  e cun boletín informativo . Tamén podedes encontralos na súa conta de Instagram.

    Nos arquivos adxuntos poden consultarse as listaxes de alumnos admitidos neste centro para cursar ESO e para cursar Bacharelato no vindeiro curso 2018-2019.

     Segundo o artigo 18 do decreto 254/2012 (DOG Nº 245 do 26 de decembro) e o artigo 30 da Orde do 12 de marzo de 2013 (DOG do 15 de marzo de 2013), contra esta resolución poderase presentar reclamación ante o Consello Escolar do centro, no prazo de 5 días hábiles contados a partir do seguinte ao da súa publicación.

    Ánxela Loureiro, que foi profesora deste centro, presenta esta tarde na Feira do Libro de Ferrol Choiva de ras.

    Con ilustracións de Xosé Tomás e editado por Xerais, trátase dun libro para nenos, con humor, misterio e amor que destaca a importancia do respecto ó diferente.