RECITADO POÉTICO. IRMANDADES DE ANDURIÑAS

         Os alumnos de 4º de ESO  do IES Saturnino Montojo participamos nun recitado poético, xunto cos compañeiros do Sofía Casanova, do Concepción Arenal e do Carballo Calero.

       Este curso no noso  centro, o  proxecto de dinamización leva  o nome de Irmandades de Anduriñas, pois queremos empregar a nosa lingua para aproximarnos con ela ao mundo que nos rodea. Neste caso imos a abordar  un tema moi  antigo e asemade moi actual, e moitas veces mal entendido: o dos movementos migratorios de onte a hoxe.

        Escollemos  un feixe de poemas que nos axudan  a reflexionar sobre o sufrimento das persoas que se viron ou se ven hoxe obrigadas a abandonar a súa terra. Os galegos sabemos desde hai séculos o significado da palabra emigración forzosa, da morriña pola terra, do abandono,  da soidade.

        Os recitadores - Álvaro Dopico, Cristian Delgado, Cristina Fernández, Fátima Maarrau, Antía Prol, Ainoa García, Sara Pico, Lucía Rico, Inés Bouza, Lucía Cancelo, Rocío Carpintero, Ricardo Lara, Cristina Porcel, Marcos e Daniela Flórez – e os músicos -Iago García, Mario Rodríguez, Hugo Paz, Sharon Arroyo- actuaron magnificamento e transmitiron moita emoción. Parabéns a todos e todas.