Publicamos un calendario adaptado de exames de materias pendentes modificado pola situación de emerxencia de saúde pública ocasionada polo COVID-19.(As materias pendentes son as materias que que ten suspensas un alumno do curso anterior, por exemplo, un alumno que está en 2º de bacharelato que ten suspensa unha materia de 1º de bacharelato; o un alumno de 2º de ESO que ten suspensa unha materia de 1º de ESO). 

Xa podedes consultar na paxina da CIUG (Comisión Interuniversitaria de Galicia) os modelos de exames para as probas ABAU que, se non hai cambios, celebraranse os días 7, 8 e 9 de xullo. Facilitamos o enlace aos modelos.

Modelos dos exames

Todo o alumnado do IES Santa Irene, incluido o alumnado de adultos, ten á súa disposición un correo electrónico coa extensión @iessantairene.es que é o que preferentemente utiliza o profesorado para poñerse en contacto con eles.

O alumnado que non coñeza ese correo debe poñerse en contacto co centro a través do correo electrónico ies.santairene@edu.xunta.gal para que lle sexa facilitado, así como a clave de acceso á aula virtual.

A piques de comezar a terceira avaliación que alomenos nas primeiras semanas vai ser telemática, comunicamos que, con autorización da Consellería de Educación, poderanse prestar os ordenadores abalar a aquelas familias que non dispoñan de ordenador ou precisen de algunha unidade máis para varios fillos/as.

O préstamo farase polo tempo que dure o confinamento ou, como máximo, ata o 19 de xuño (remate das actividades lectivas, segundo Orde do 20 de xuño de 2019 pola que se aproba o calendario escolar).