Información xeral

Corredor da planta baixa

O Instituto Santa Irene conta cun equipo de 62 profesores e profesoras e 12 membros do persoal de administración e servizos; imparte clase a preto de mil alumnos distribuídos en 11 grupos de ESO e 14 grupos de bacharelato, incluíndo a educación xeral ordinaria e a educación para persoas adultas.

Escaleira de acceso ás plantas superiores

Aínda que á súa orixe se remonta ao antigo Instituto de Vigo, inaugurado no curso 1927-28 con 189 alumnos, o Instituto Santa Irene, con esta denominación e no seu emprazamento actual, iniciou a súa actividade docente no curso 1945-46. O edificio é obra do arquitecto vigués Antonio Cominges Tapias e a súa construción foi posible grazas ao legado deixado para este fin polo industrial galego José Policarpo Sanz. O nome do centro constitúe unha homenaxe á súa esposa, Irene Ceballos.

Vista cara ao exterior

As persoas interesadas na historia do Instituto atoparán máis información na sección a nosa historia.

Vista cara ao exterior

Aulas de grupo

En elboración - Proxecto de renovación da web do centro Curso 2022-2023
Aula 36

O instituto dispón de 16 aulas grandes (56-72 m²) con capacidade de ata 30 alumnos por aula, e de 8 aulas máis pequenas (32-50 m²) con capacidade de ata 20 alumnos por aula, aproximadamente. Nestas aulas desenvólvense a maior parte das clases, e a maioría están dotadas de conexión a internet e equipos de amplificación de son e proxección dixital.

En elboración - Proxecto de renovación da web do centro Curso 2022-2023
Aula 12

Aulas do Proxecto Abalar

Alumnado traballando nunha aula do Proxecto Abalar

Das aulas xerais, seis empréganse no Proxecto Abalar para os cursos 1º e 2º de ESO. Estas aulas están equipadas cun ordenador ultraportátil para cada alumno, proxector dixital, encerado dixital interactivo e rede wifi.

Alumnado traballando nunha aula do Proxecto Abalar

Aulas específicas e multimedia

Aula de música

Temos aulas específicas para as clases de música, tecnoloxía e informática, dotadas do equipamento necesario para a aprendizaxe das materias correspondentes. Ademais temos unha segunda aula de informática e unha aula multimedia para as clases doutras materias.

Aula de tecnoloxía

Aula de informática 1

Aula de informática 2

Aula de audiovisuais

Laboratorios

Laboratorio de ciencias naturais

Dispoñemos de tres laboratorios independentes para realizar as actividades prácticas das materias científicas: ciencias naturais, física e química.

Laboratorio de física

Laboratorio de química

Biblioteca

A nosa biblioteca contén numerosos fondos bibliográficos acumulados ao longo da dilatada historia do centro. A sala de lectura foi renovada recentemente e dispón de ordenadores conectados a Internet para o uso académico do alumnado. Na ligazón seguinte pódese consultar o Catálogo da biblioteca do IES Santa Irene.

Paraninfo

No paraninfo celébranse todo tipo de actos académicos, desde a presentación do curso ata conferencias, concertos e representacións dramáticas, entre as que destacan polo interese que suscitan no alumnado as producións do grupo de teatro do propio instituto.