O 28 de marzo o alumnado da ESO e de primeiro curso de Bacharelato do IES Plurilingüe San Rosendo de Mondoñedo puido disfrutar da adaptación teatral da mítica obra de intriga, A ratoeira, de Agatha Christie, levada a cabo por Mónica Camaño. Unha proposta do departamento de Normalización Lingüística para para poñer punto e final á segunda avaliación. A Casa Grande do Pozo dos Monxes abriu as súas portas aos primeiros hóspedes ao tempo que se produce un crime. A intriga propia da raíña da novela policial inglesa fixo que os asistentes dende o principio intentaran descubrir ó asasino. A representación teatral, moi coidada nos diálogos e na escenografía, de O Aturuxo de Melpómene non deixou indiferente ao respetable público. Os actores deron vida a unhas personaxes universais durante dúas horas de representación. É, sen ningunha dúbida, unha aposta do profesorado do centro para educar aos rapaces no ocio de calidade e de intruducilos na nosa cultura pola porta do teatro en tempos de crise.

(Artigo publicado en Cronica 3.com A Mariña)

      ACTIVIDADES COMPLEMENTARIAS E EXTRAESCOLARES

 MES: ABRIL

Os rapaces do IES San Rosendo de Mondoñedo visitaron a Fundación TIC e descubriron como se traballa nunha productora de televisión e o labor da Fundación na Escola de Imaxe e Son de Lugo. Despois desprazáronse a Ribadeo para compretar a visita do km0 coa ruta Ría de Ribadeo

Un grupo de alumnos de Bacharelato do IES San Rosendo visitaron Londres.

A excursión serviulles para coñecer os monumentos, museos e barrios máis característicos da cidade do Támesis, así como para practicar todo o aprendido nas clases de inglés e cultura británica. 

Foto e nova en La Voz de Galicia

    Os alumnos do Ciclo Medio de Traballos Forestais e Conservación do Medio Natural (OM Adultos) baixo a dirección do profesor Francisco Cabaleiro axardinaron a parte posterior do Instituto. 

 Taller sobre a educación inclusiva en América Latina coa colaboración da ONG Intered Galicia