O pasado martes, 21 de maio, o alumnado de 2º da ESO que cursa a materia de Proxecto Competencial realizou unha excursión a Santiago de Compostela para ver de preto diferentes centros de investigación.
Pola mañá, foron á Cidade da Cultura e tiveron a oportunidade de visitar o Instituto de Ciencias do Patrimonio onde accederon aos laboratorios e ao Planteario. Por outra banda, tamén coñeceron a Biblioteca e o Arquivo de Galicia.
Pola tarde, aproveitaron para pasear pola zona monumental da Cidade e participaron en obradoiros de dialectoloxía e intelixencia artificial aplicada ás linguas no Instituto da Lingua Galega. Xa para rematar, efectuaron percorrido polo patrimonio da Universidade na Biblioteca Xeral e en San Xerome, onde tiveron a oportunidade de ver o Obradoiro dende unha óptica totalmente privilexiada. Un día intenso pero moi produtivo!
Pica na foto para ver o álbum
