Este ano, a Subdelegación do Goberno en Pontevedra solicitou a participación do IES Sánchez Cantón para a lectura do Manifesto este venres 8 de marzo, celebración do Día da Muller Traballadora. Alí estiveron 8 alumnas de 2º ESO en representación do Comité de Igualdade deste instituto realizando un extraordinario papel do que se fixeron eco os medios de comunicación.
https://www.diariodepontevedra.es/articulo/pontevedra/a-subdelega/202403081352581295262.html
Pero ésta non foi a única actividade que se realizou no instituto para conmemorar esta data tan significativa.
O departamento de Educación Física reivindicou a figura da muller no deporte mediante a visibilización de diferentes mulleres deportistas destacadas en todos os ámbitos, e ao longo da historia: https://www.instagram.com/p/C4QTtXOMU6g/
Ademais, o Comité de Igualdade en colaboración co departamento de Educación Plástica, desenvolveu un traballo colaborativo interaulas que foi canalizado, sobre todo, a través das titorías: fotografamos ao alumnado sostendo un cartel no que aparecía unha frase feminista de diferentes mulleres que destacan polo seu activismo. O seguinte paso foi empapelar todo o centro. Velaquí vos deixamos o resultado: https://www.instagram.com/p/C4QcFjvMlB1/
Finalmente, participamos no programa da Uvigo “Quero ser investigadora” co fin de achegar a ciencia feita por mulleres a todo o alumnado. A invesigadora Irimia Mollinero, doutora en fisioterapia especializada no tratamento do alzhéimer, ofreceu unha charla moi interesante sobre este tema: https://www.edu.xunta.gal/centros/iessanchezcanton/node/1129
Pica na foto ver o álbum
