Almanaque

Nas cociñas das aldeas galegas é onde se fai a vida diaria: comer, ver a tele, botar a sesta no banco, falar dos problemas... E na cociña sempre hai un ou dous almanaques. En moitas casas vese que o almanque que regula a vida durante o ano é o que agasalla a funeraria de confianza. Non dá grima, non é mal presaxio, todo o contrario, sábese que en calquera momento se necesita. Ata hai pouco a iconografía era un santo, unha inmaculada, un sagrado corazón... agora chegou a modernidade, dous gatiños.