Como vén sendo tradición o alumnado de primeiro e terceiro da ESO, na materia de educación plástica, sorpréndenos coa súa recreación das máscaras tradicionais dos diferentes entroidos galegos, unha artistada!

O venres de Entroido o noso instituto converteuse nun plató de cine e polo patio pasaron pitufos, viquingos, teletubbies, cazapantasmas, piratas, personaxes de Alicia no País das Marabillas, Star War, Tiburón, Matrix, Shrek... Todo vale para montar unha divertida festa! Este vídeo é só un resumo de todos os cursos e disfraces,

Os días 2 e 4 de novembro, o alumnado de Debuxo Técnico e de Educación plástica, visual e audiovisual de 1º ESO, 4º ESO e 1º de Bacharelato, visitou a exposición de Francisco Leiro no museo MARCO de Vigo e participou nun obradoiro posterior. Despois visitaron tamén a galería Maraca. A actividade foi organizada por Carlos García Movilla, do departamento de Educación Plástica e Visual.

O IES Rosais 2, en coordinación co Departamento de Educación Plástica e Visual e a ANPA Agarimo do IES Rosais 2, convoca o XXXIV Certame de Postais de Nadal Rosais 2.

“A Mellor Postal de Nadal”

Lee as bases do concurso no seguinte documento.

O 29 de abril, o alumnado matriculado en Debuxo Técnico de 1º de Bacharelato tivo unha saída para ver a exposición de Alfredo Alcaín no museo MARCO de Vigo e participou nun obradoiro posterior. A actividade foi organizada por Carlos García Movilla, do departamento de Educación Plástica e Visual.

O alumnado de 3º ESO tivo unha saída para ver á exposición “El efecto reliquia” de Teresa Moro no museo MARCO de Vigo. Ademais tiveron a sorte de participar nun obradoiro posterior. A actividade foi organizada por Carlos García Movilla, do departamento de Educación Plástica e Visual.

Na festa de Entroido do venres fixéronse entrega dos premios da elaboración das máscaras baseadas nos entroidos tradicionais, feita polo alumando de primeiro e terceiro da ESO. Foi unha decisión moi difícil, pois son uns verdadeiros artistas!

VISITA EN LIÑA Á EXPOSICIÓN “AS MIRADAS DE ISAAC” DO MUSEO GAIÁS

O 24 de marzo, o alumnado de 1º BAC A participou na visita en liña á exposición "As miradas de Isaac" do Museo Gaiás. Nela repásase a vida e obra do creador Isaac Díaz Pardo, referente da cultura galega do século XX. Abordou múltiples disciplinas, tanto as relativas ao mundo da arte, como ás do intelecto, ás técnicas ou ás industriais e sacou adiante importantes iniciativas que acadaron un salientable papel no conxunto da cultura galega do século XX. Na visita o alumnado coñeceu o seu polifacético universo (ceramista, pintor, deseñador, escritor, editor, empresario...) nun percorrido entre obras de arte, obxectos diversos, fotografías, textos, murais, documentos e proxeccións distribuídos en dez seccións. A actividade foi organizada polo profesor do Departamento de Debuxo, Carlos García Movilla.