Preto de 300 estudantes de medio cento de institutos de ensino secundario de toda Galicia participaron entre o xoves 25 e sábado 27 de Abril na Escola de Enxeñaría de Telecomunicación na II Olimpíada Nacional de Teleco , unha cita na que se reta ás alumnas e alumnos de ESO, Bacharelato e Formación Profesional a que realicen un proxecto de telecomunicacións que solucione algún dos problemas aos que se enfronta a nosa sociedade. Nesta ocasión os prototipos presentados tiñan que estar vinculados co ODS 3 da Axenda 2030: saúde e benestar.

Ao igual que na súa primeira edición, a Olimpíada Nacional de Teleco desenvólvese en dúas fases: unha galega na EET da UVigo, e outra nacional, na que compiten os proxectos gañadores das distintas competicións locais. A fase nacional desenvolverase durante o mes de maio nunha final en liña.

Na fase Galega xa rematada temos a excelente noticia de anunciar que o noso centro logrou un gran éxito ao ser galardoado co segundo premio tanto nas categorías da ESO e de Bacharelato. Os nosos parabéns para o Departamento de Tecnoloxía e as rapazas e rapaces participantes neste evento pertencentes o grupo de Tecnoloxía de 4º da ESO e de Tecnoloxía e Enxeñería de 1º de Bacharelato.

PREMIO EXTRAORDINARIO DA ESO. CURSO 2019/2020.

Parabéns a Diego Fariña Rodríguez e a Candela Rivas López pola obtención do Premio Extraordinario da ESO do curso 2019/2020. Dende o centro quixemos agasallalos polo seu esforzo e traballo.

RALLY CIENTÍFICO-MATEMÁTICO 2020: O EQUIPO DE 4º ESO B PASA Á FINAL AUTONÓMICA

O pasado 10 de marzo tivo lugar a fase de centros do Rally Científico-Matemático 2020. Nesta fase o equipo de 4º ESO B do noso centro que participou pola modalidade de Física e Química, quedou entre os tres primeiros centros participantes, acadando a final autonómica. O equipo está formado por oito integrantes: Pablo Álvarez Baqueiro, Martín Barcia Carbajal, Inés Bernárdez Rodríguez, Diego Fariña Rodríguez, Marta Gómez González, Laura Xiang Pérez Cerqueira, Alba Pérez Collazo e Santiago Sesto Barrios. Parabéns e agradecemento polo seu esforzo, dedicación e motivación.

ACCÉSIT NOS PREMIOS LITERARIOS MINERVA (48ª Edición)

Parabéns ó alumno Miguel García-Miguel Diz de 2º Bacharelato D por acadar o 2º accésit na modalidade de poesía nos Premios Literarios Minerva. O traballo presentado leva o título de Vaivén, e resultou premiado entre os 39 traballos presentados. Noraboa!

1º CLASIFICADA NA FASE LOCAL DA XXXI OLIMPIADA INTERNACIONAL DE FÍSICA

Parabéns á alumna do noso Centro, María Rodríguez Domínguez de 2º bacharelato A, por acadar o 1º posto na clasificación na Fase Local da XXXI Olimpíada Internacional de Física. O certame celebrouse o venres 6 de marzo na Facultade de Ciencias do Mar da Universidade de Vigo. María, participará na Fase Nacional que terá lugar en Murcia, do 23 ao 26 de abril, na que se seleccionará a cinco estudantes que acudirán á Fase Internacional. Noraboa!

MENCIÓNS DE HONRA NA OLIMPIADA MATEMÁTICA GALEGA

Parabéns a dúas alumnas do noso Centro, Ana M.ª Álvarez Martínez e María Rodríguez Domínguez de 2º bacharelato A, que acadaron a Mención de Honra na Olimpíada de Matemáticas Galega. O certame celebrouse o venres 17 de xaneiro na Facultade de Matemáticas da Universidade de Santiago de Compostela e participaron 101 xóvenes, 35 alumnas e 66 alumnos, de 77 centros públicos e 24 privados. Noraboa!

Ligazón á noticia

O equipo de 4º ESO A do IES Rosais 2 constituído por Paula Albizúa Simón, Irene da Aira González, Uxía Franco Acea, Antía González Simón, Sheila Gracia Rivera, Eva Lareo Manzano, Ana Wenai Lobo Lago e Mario Méndez Puga participou no Concurso de carteis ‘A táboa periódica e Galicia’ promovido pola Facultade de Química da Universidade de Santiago de Compostela con motivo do 150 aniversario da Táboa Periódica. O pasado venres 24 de maio, o equipo desprazouse a Santiago de Compostela para presentar o cartel e a recoller o premio nun acto, que estivo presidido pola Decana da Facultade de Química, Pilar Bermejo e ó que acudiron máis de 300 estudantes de institutos de toda Galicia.

O cartel presentado, titulado ‘O Radón e a súa importancia’, e supervisado pola profesora do Departamento de Física e Química Adriana Arca Ramos, alzouse con primeiro premio do concurso, recoñecido con 1000 €. O concurso contou coa participación dun total de 84 carteis, chegando así a implicar a alumnado procedente de todos os recunchos da Comunidade Autónoma.

A noticia recollida na prensa:

http://xornal.usc.gal/xornal/acontece/2019_05/noticia_0123.html

https://www.gciencia.com/universidade/traballo-radon-taboa-periodica/

https://www.elcorreogallego.es/tendencias/ecg/exito-do-concurso-taboa-periodica-galicia/idEdicion-2019-05-25/idNoticia-1184848/

https://www.farodevigo.es/gran-vigo/2019/05/29/poster-o-radon-e-sua/2113758.html

https://www.atlantico.net/articulo/vigo/rosais-2-gana-concurso-cartel-gas-radon/20190530001712711427.html

Parabens á alumna MARÍA RODRÍGUEZ DOMÍNGUEZ de 1º Bacharelato A, ao acadar a medalla de prata na fase nacional da Olimpíada Española de Física celebrada o día 25 de abril en Salamanca.

https://www.farodevigo.es/gran-vigo/2019/05/01/leo-libros-fisica-recuerdo/2096915.html

A alumna MARÍA RODRÍGUEZ DOMÍNGUEZ de 1º Bacharelato A, acadou o primeiro posto na fase local da Olimpíada Internacional de Física celebrada o día 22 de febreiro na Facultade de Ciencias da Universidade de Vigo. Entre os días 26 e 29 de abril participará na Olimpíada nacional que se celebrará en Salamanca.

Dous alumnos do noso Centro, Laura López Prieto e Víctor Irisarri Piñera de 2º Bacharelato A, acadaron a Mención de Honra na fase autonómica da XIV Olimpíada de Bioloxía. O certame celebrouse o venres 18 de xaneiro na Facultade de Ciencias da Universidade da Coruña, organizado pola Asociación da Olimpíada de Bioloxía en colaboración co Colexio Oficial de Biólogos de Galicia, as tres Universidades Galegas e a Xunta de Galicia. O alumnado foi preparado e estivo acompañado pola profesora de Bioloxía Dª Isabel Martín. Nesta ocasión participaron 80 estudantes de 30 centros de Secundaria de toda Galicia. O fin das olimpíadas é fomentar os estudos relacionados coa Bioloxía e promover o interese pola investigación científica. O certame consistiu una resolución dunha proba teórica tipo test e unha proba práctica de laboratorio, con contidos de ESO, 1º e 2º de Bacharelato, centrados na base molecular e fisicoquímica da vida. A proba de laboratorio é a segunda vez que se realiza, para adecuala ás probas nacionais e internacionais. O acto foi clausurado polo Rector da Universidade da Coruña, o Decano da Facultade de Bioloxía da Universidade de Vigo, o Decano do Colexio Oficial de Biólogos e o Delegado da Olimpíada Española de Bioloxía.