Pais/Nais
Obradoiros
Últimas actividades do departamento de francés
admin — Mér, 06/07/2022 - 19:36
O Departamento de Francés presenta nestas liñas as dúas últimas actividades do curso. Un petit-déjeuner français au café de la Seine! e un recital de poesía en francés para o alumnado de 1ª da ESO no espazo da Biblioteca. Abaixo podedes acceder as imaxes destes eventos.
Finaliza desta maneira un gran traballo feito polo Departamento de Francés o longo de todo o curso e en especial do seu responsable Pilar Álvarez. Botarémosche de menos Pilar!. Moita sorte na túa nova andaina.
Saída á Creperie de Francés
admin — Mér, 29/06/2022 - 11:26
O luns 20, o alumnado matriculado en Francés de 4º ESO tivo unha saída didáctica organizada por Pilar Álvarez e Paz Orois, profesoras do departamento de Francés do centro. Foron á “La Marinière. Crêpes de Bretagne” na que tiveron un obradoiro no que lles explicaron en francés como facer creps.
Obradoiro de RCP
admin — Lun, 20/06/2022 - 09:40
O día 8 de xuño, coincidindo coa inauguración do Congreso Nacional de Medicina de Urxencias e Emerxencias no Auditorio Mar de Vigo, celebrouse un obradoiro de Reanimación Cardiopulmonar ao que asistiu o noso alumnado de 3º ESO. A actividade estivo a cargo de Susana Puente, profesora do departamento de Educación Física e de Andrea Rolo, profesora do departamento de Bioloxía e Xeoloxía. As dúas impartiron durante este curso clases de RCP no centro para o seu alumnado de Anatomía Aplicada e de Educación Física.
Obradoiro de baile
admin — Mar, 26/04/2022 - 17:42
Durante dúas sesións o alumnado de 1 de Bach B e D tiveron un pequeno obradoiro de baile a cargo de Artur Puga, bailador e profesor, que ademais nos contou a súa experiencia acompañando ás Tanxugueiras no Benidorm Fest. Aprendimos uns pasos básicos de muiñeira e xota, agora toca animarse a pólos en práctica nas foliadas!
“QUERES INVESTIGAR CONNOSCO?” - CINBIO.
admin — Mér, 01/12/2021 - 21:40
O alumnado de Cultura Científica de 1º de Bacharelato e o de Física e Química de 4º ESO A participaron na actividade “Queres investigar connosco?” do centro de investigación CINBIO da Universidade de Vigo. Ademais de facer una reflexión sobre a necesidade da actividade investigadora, fixeron un pequeno experimento e participaron nun xogo online tipo “trivial” sobre ciencia, que se desenvolve no espazo virtual do CINBIO, no que o alumnado utilizou gafas de realidade virtual para móbil coas que coñoceu de xeito virtual algúns laboratorios do CINBIO.
OBRADOIRO DE REGUEIFAS.
admin — Xov, 21/10/2021 - 23:33
O Bieito Lobariñas
ao insti veu regueifar,
e con el nós aprendemos
moitas coplas a botar
Taller de improvisación oral para o alumnado de terceiro da ESO organizado por Lingualízate, foi ben divertido!
HORTA ECOLÓXICA DO INSTITUTO.
admin — Ven, 25/06/2021 - 14:05
Este ano puxemos en marcha no instituto unha horta ecolóxica, aproveitando o espazo que hai entre o pavillón e a valla posterior do recinto.
OBRADOIRO DE REGUEIFAS
admin — Xov, 25/03/2021 - 20:48
"O alumnado de 2º da ESO asistiu a un obradoiro de regueifas "Do pan á rima", organizado online polo Museo do Pobo Galego, no que puideron ver a evolución deste doce de vodas ao desafío actual. Para rematar aprenderon o esquema dos versos e trucos para regueifar e fixeron e cantaron eles mesmos unha copla"
OBRADOIRO DE POESÍA
admin — Xov, 25/03/2021 - 20:13
DÍA DA POESÍA
O pasado domingo 21 de marzo foi o día mundial da poesía e para celebralo, que mellor forma que recibindo a visita este luns da profesora e poeta Carmen Quinteiro? Acercouse ás clases de 1º de ESO para falarnos de poesía, que, en esencia, é falar da vida, do que nos doe e o que nos marca, pero tamén do que nos emociona e nos fai felices. E non tratamos nesa tarde nada que tivese que ver con métrica nin rima, nin con figuras retóricas, nin con tipos de versos, senón con emocións. Falounos da tristeza e a desolación e de como a escritura pode converterse na mellor terapia para deixar saír as emocións, esas que cada poeta decide compartir con nos, de forma que deixan de pertencerlle para ser de todos. A poesía en esencia é emoción, dor, felicidade, nostalxia, amor e todo iso son emocións da vida que todos nalgún momento pasamos, polo que a poesía non está nos libros, está no noso interior, en cada un de nos, so hai que atreverse a deixala fluír. Carmen quedou cuarta finalista na última edición dos premios EDUCA ABANCA e tivo a xenerosidade de regalarnos para o instituto dous exemplares dos seus libros. Grazas, Carmen, e grazas a todos os que cada día convertedes o cotiá en arte e nos axudades a sentir e percibir todos os aspectos do mundo. Este obradoiro organizouno Ángela Chantrero, profesora do Departamento de Lingua Castelá.
Buscar
Blogs do centro
Redes Sociais
Proa+