No mes de novembro, dende Lingualízate, comezamos coa radio en directo falando de música en galego. Unha vez ao mes iremos contando a evolución da música, dende as nosas pandereteiras ata a música actual, ata chegar ás Letras Galegas, este ano dedicadas ao noso patrimonio inmaterial

O Departamento de Francés presenta nestas liñas as dúas últimas actividades do curso. Un petit-déjeuner français au café de la Seine! e un recital de poesía en francés para o alumnado de 1ª da ESO no espazo da Biblioteca. Abaixo podedes acceder as imaxes destes eventos.

Finaliza desta maneira un gran traballo feito polo Departamento de Francés o longo de todo o curso e en especial do seu responsable Pilar Álvarez. Botarémosche de menos Pilar!. Moita sorte na túa nova andaina.

O luns 20, o alumnado matriculado en Francés de 4º ESO tivo unha saída didáctica organizada por Pilar Álvarez e Paz Orois, profesoras do departamento de Francés do centro. Foron á “La Marinière. Crêpes de Bretagne” na que tiveron un obradoiro no que lles explicaron en francés como facer creps.

O día 8 de xuño, coincidindo coa inauguración do Congreso Nacional de Medicina de Urxencias e Emerxencias no Auditorio Mar de Vigo, celebrouse un obradoiro de Reanimación Cardiopulmonar ao que asistiu o noso alumnado de 3º ESO. A actividade estivo a cargo de Susana Puente, profesora do departamento de Educación Física e de Andrea Rolo, profesora do departamento de Bioloxía e Xeoloxía. As dúas impartiron durante este curso clases de RCP no centro para o seu alumnado de Anatomía Aplicada e de Educación Física.

Durante dúas sesións o alumnado de 1 de Bach B e D tiveron un pequeno obradoiro de baile a cargo de Artur Puga, bailador e profesor, que ademais nos contou a súa experiencia acompañando ás Tanxugueiras no Benidorm Fest. Aprendimos uns pasos básicos de muiñeira e xota, agora toca animarse a pólos en práctica nas foliadas!

O alumnado de Cultura Científica de 1º de Bacharelato e o de Física e Química de 4º ESO A participaron na actividade “Queres investigar connosco?” do centro de investigación CINBIO da Universidade de Vigo. Ademais de facer una reflexión sobre a necesidade da actividade investigadora, fixeron un pequeno experimento e participaron nun xogo online tipo “trivial” sobre ciencia, que se desenvolve no espazo virtual do CINBIO, no que o alumnado utilizou gafas de realidade virtual para móbil coas que coñoceu de xeito virtual algúns laboratorios do CINBIO.

O Bieito Lobariñas
ao insti veu regueifar,
e con el nós aprendemos
moitas coplas a botar
Taller de improvisación oral para o alumnado de terceiro da ESO organizado por Lingualízate, foi ben divertido!

Este ano puxemos en marcha no instituto unha horta ecolóxica, aproveitando o espazo que hai entre o pavillón e a valla posterior do recinto.

- Ler máis.

"O alumnado de 2º da ESO asistiu a un obradoiro de regueifas "Do pan á rima", organizado online polo Museo do Pobo Galego, no que puideron ver a evolución deste doce de vodas ao desafío actual. Para rematar aprenderon o esquema dos versos e trucos para regueifar e fixeron e cantaron eles mesmos unha copla"