O 12 de xaneiro tivemos no centro a visita de Daniel Fernández Carril. Daniel é o protagonista da curtametraxe “Mil sorrisos e un perdón” onde conta o accidente que sufriu cando tiña 18 anos por culpa dun home que conducía baixo os efectos do alcol. O accidente foi tan grave que perdeu unha perna e tivo que pasar por moitas operacións. Despois de ver a curtametraxe, o alumnado de 2º de Bacharelato tivo unha charla con el, na que falaron das secuelas do accidente e os perigos do alcol ao volante.