O 1 de decembro, o alumnado de Bioloxía e Xeoloxía de 1º de Bacharelato recibiu a visita de Dani San Román, responsable de divulgar o proxecto EDUCAMARES, que ten como obxectivo dar a coñecer os espazos Natura 2000 mariños. A charla-taller foi impartida para dar a coñecer o proxecto LIFE IP INTEMARES, salientando as principais ameazas, as estratexias de protección e a importancia da protección dos espazos mariños. Ademais o relator amosou mostras de especies de gran valor como posidonia, coral vermello, nacras, ósos de baleas e delfíns, … O proxecto EDUCAMARES conta co apoio da Fundación Biodiversidad do Ministerio para a Transición Ecológica y Reto Demográfico. A actividade estivo a cargo de Olga Mijón, profesora do departamento de Bioloxía e Xeoloxía.