O día 15 de marzo o alumnado de 2º da ESO A, B e C acompañados polas profesoras Liliana Carro e Susana Puente visitaron o Museo do Pobo Galego, en Santiago de Compostela, para coñecer de preto a figura de Antón Fraguas, un dos seus fundadores e a quen este ano lle adican o Día das Letras Galegas. Fixeron un xogo, coñeceron as distintas salas e ao rematar visitaron o Panteón dos Galegos Ilustres, en San Domingo de Bonaval. Ademais aproveitaron que estaba a exposición "Alba de Gloria" de Castelao, e escoitaron o último discurso que deu o escritor. Para completar a mañá, a través da realidade virtual, a Santa Compaña de galegos ilustres pasou ao seu lado e algúns case foxen a escape.