CINE “1917”

O 30 de xaneiro o alumnado de Historia do Mundo Contemporáneo de 1º bacharelato C e D asistiu á proxección da película 1917 ambientada na 1ª Guerra Mundial. Actividade organizada polo Departamento de Xeografía e Historia. Os/as alumnos/as estiveron acompañados por Aleixandre Méndez e Noa Carrera.

CHARLA-COLOQUIO PLAN DIRECTOR: “XOGO ONLINE”

O 30 de xaneiro contamos coa presenza de D. José Manuel Alonso ,inspector da Policía Nacional que impartiu unha charla sobre xogo online para os grupos de 4º ESO A, B e C.

ACTIVIDADES ESCOLARES DA MOSTRA “A VIVIR QUE SON 100 ANOS”

O xoves 30 de xaneiro o alumnado de 1º de bacharelato B acudiu a Sala AFundación, para asistir a exposición " A vivir que son cen anos". Traballando o alongamento da vida dende as perspectiva da materia de Anatomía Aplicada. Foron acompañados polo profesor Raúl Matos e a profesora Irene Otero.

VISITA ÁS INSTALACIÓNS DO FARO DE VIGO

O pasado mércores 29 de xaneiro o alumnado de 2º ESO A e C visitou as instalacións de Faro de Vigo. Alí explicáronlles a importancia deste xornal no desenvolvemento cultural da cidade desde hai máis de século e medio. A visita foi moi completa e puideron admirar, ademais das oficinas, as xigantescas rotativas nas que cada día se produce o xornal. A actividade estivo organizada polo Departamento de Lingua Castelá e Literatura, e o alumnado estivo acompañado por Margarita Alén, Dolores Melendreras e Aurora Camstra.

MENCIÓNS DE HONRA NA OLIMPIADA MATEMÁTICA GALEGA

Parabéns a dúas alumnas do noso Centro, Ana M.ª Álvarez Martínez e María Rodríguez Domínguez de 2º bacharelato A, que acadaron a Mención de Honra na Olimpíada de Matemáticas Galega. O certame celebrouse o venres 17 de xaneiro na Facultade de Matemáticas da Universidade de Santiago de Compostela e participaron 101 xóvenes, 35 alumnas e 66 alumnos, de 77 centros públicos e 24 privados. Noraboa!

Ligazón á noticia

OLIMPÍADA DE MATEMÁTICAS GALEGA

O 17 de xaneiro os/as alumnos/as Ana M.ª Álvarez Martínez de 2º bacharelato A, María Rodríguez Domínguez de 2º bacharelato A, Lorenzo Alonso Mateos de 2º bacharelato C e Simón Pereira González de 2º bacharelato C, participaron na Olimpíada de Matemáticas Galega celebrada na Facultade de Matemáticas da Universidade de Santiago de Compostela.

PARTICIPACIÓN NA OLIMPÍADA DE BIOLOXÍA

O venres 17 de xaneiro as/o alumnas/o Manuel Calvo Pérez, María Louro Varela de Limia, Gisela Mosquera Álvarez e Nerea Nemitz Santos de 2º bacharelato B, acudiron á fase autonómica da XV Olimpíada de Bioloxía. O certame celebrouse na Facultade de Bioloxía da Universidade de Santiago de Compostela e o alumnado estivo acompañado pola profesora de Bioloxía D.ª Isabel Martín Fragueiro.

CONCURSO MASTERWORKS OF PAINTING

O concurso Masterworks of Painting, organizado polo Departamento de Inglés xa ten gañadoras. As alumnas Laura Alonso de 2º bacharelato D, Noa García de 2º bacharelato D e Natalia Fariña de 2º ESO B, resultaron premiadas. A participación foi moi alta e de seguro que haberá unha edición máis do concurso. Parabéns ás gañadoras!

CHARLA-COLOQUIO DE ORIENTACIÓN PROFESIONAL: “CONECTADOS Á DIXITALIZACIÓN: OS PERFÍS DO FUTURO”

O 16 de xaneiro celebrouse a charla-coloquio de formación profesional "Conectados á dixitalización: os perfís do futuro”, impartida por D.ª Carlota Montaña-Sánchez Puga profesora e coordinadora da área de educación superior do IESIDE e AFUNDACIÓN.

CHARLA-COLOQUIO DE ORIENTACIÓN: “APLICACIÓNS DA BIOTECNOLOXÍA E A ENXEÑERÍA AMBIENTAL ”

O 10 de xaneiro retomando o ciclo de charlas de orientación profesional, organizouse a charla-coloquio “Aplicacións da Biotecnoloxía e a Enxeñaría Ambiental". O relator foi D. Francisco Omil Prieto, catedrático de enxeñaría química e subdirector da Escola Técnica Superior de Enxeñaría, centro docente da Universidade de Santiago de Compostela.