Pais/Nais
Igualdade
SEMANA DA MULLER E DA NENA NA CIENCIA
Con motivo da conmemoración do Día da Muller e da Nena na Ciencia o Departamento de Bioloxía e Xeoloxía do IES Rosais 2, dentro do que contempla o Plan de Igualdade do Centro, promoveu en colaboración cos Departamentos de Física e Química, Tecnoloxía, Matemáticas, Educación Plástica e o Equipo de Normalización Lingüística, unha serie de actividades que pretenderon achegar a labor científica desenvolvida por mulleres ao alumnado. Compre salientar a elevada participación e implicación do alumnado da ESO e do Bacharelato en diversos traballos, exposicións, proxeccións, xogos didácticos “Coñecemos as Mulleres Científicas”, lecturas de cómics en relación coa celebración, un breakout matemático, etc. As exposicións realizadas foron: “Margarita Salas: un referente da Ciencia en España”, “Mulleres Científicas” e o Consurso-Exposición “Mulleres e Ciencia” onde resultaron gañadores, Silvia Bravo (2º ESO B), Martín Gavira (1º Bach. A) e Santiago Romero (1º Bach. B).
EXPOSICIÓN “A IGUALDADE SABE A SAL”
Nas dúas últimas semanas, o noso instituto contou coa exposición Seguindo as estrelas, unha iniciativa do IES Ricardo Mella no que se pon en valor a todas as mulleres descoñecidas de distintos ámbitos. Con este proxecto chamado A igualdade sabe a sal, preténdese inculcar a idea de que calquera moza so ten como límite os propios sonos.
CHARLA-COLOQUIO PLAN DIRECTOR: “VIOLENCIA DE XÉNERO”
O 6 de febreiro contamos coa presenza de D.ª Mercedes Dabán Abad, subinspectora da Policía Nacional que impartiu unha charla sobre Violencia de Xénero para os grupos de 3º ESO A, B e C.
Pódese descargar o arquivo no enlace seguinte:
Buscar
Blogs do centro
Redes Sociais
Proa+