O 19 de decembro, o alumnado de 1º BAC A e B asistiu á charla “Que se fai na informática industrial?”. O obxectivo da charla era dar a coñecer os principais avances na informática industrial, desde a utilización dos computadores ata a impresión 3D, facendo ver como é posible que se deseñe calquera cousa utilizando unha computadora e seguindo o seu proceso ata que se fabrica con control por computadora., para sistemas industriais de control, visión artificial, internet das cousas (IoT), robots, etc. A charla foi organizada polo departamento de Orientación do instituto e o relator foi Manuel Pérez Cota, da UVigo.

O 18 de decembro, o alumnado de 1º BAC C e D asistiu á charla “A innovación na empresa: Os modelos de negocio na era dixital”. A innovación xoga un papel importante na empresa e no tecido económico pero, que é innovar? Que é un modelo de negocio innovador? Basta con ter unha idea orixinal ou unha tecnoloxía nova para innovar e pór en marcha un negocio? Que cambiou na innovación e nos negocios coa chegada da era dixital? A charla tratou esta temática analizando os novos patróns de innovación na empresa, os seus motores tecnolóxicos (internet, dispositivos móbiles, macrodatos (big data), a nube, etc.) de xeito ameno e con casos reais. A charla foi organizada polo departamento de Orientación do centro e o relator foi Emilio García Roselló, da UVigo.

Normativa

Solicitude de admisión

 O criterio complementario do centro é ser irmán ou fillo dun ex-alumno.

Enlaces tanto a normativa como á solicitude. O prazo de presentación é do 1 de marzo ao 20 de marzo. As solicitudes presentadas a partir do 21 de marzo a entran no proceso de fóra de prazo.

Distribución dos centros da ESO en Vigo

O Club de Ciencias do instituto organizou un ano máis a Semana da Ciencia durante a semana do 18 de decembro. Ademais de postos con experimentos e xogos científicos e lóxicos, este ano organizaron un scape room para o alumnado de 4º ESO e 1º BAC. O alumnado de 1º BAC participou tamén na investigación dun asasinato na biblioteca e o resto do alumnado nas súas aulas na hora de titoría.

Álbum: Curso 2023-2024 -> Semana da ciencia 2023

O 31 de outubro celebramos o Magosto no instituto. Tivemos castañas, música, un Pasapalabra organizado polo Equipo de Dinamización Lingüística e xogos tradicionais. Ademais, a ANPA axudounos e contratou un posto de flocos de millo que foi todo un éxito.

Álbum: Curso 2023-2024 -> Magosto

O Teatro Afundación de Vigo ofrece aos centros educativos da ESO e Bacharelato esta actividade para que o alumnado poda desfrutar de concertos de música clásica gratuítos. O alumnado do centro interesado en asistir a Concertos da Orquestra Sinfónica de Galicia e da Filharmónica tivo a oportunidade de ir no marco desta actividade. A actividade foi organizada por Laura Rodríguez, profesora do departamento de Música.

O 28 de novembro, o alumnado de 1º ESO visitou a exposición “Ancestros tecnolóxicos” do Museo Liste. A actividade foi organizada polo departamento de Tecnoloxía e polo de Lingua e Literatura Galega do centro.

O 31 de outubro e o 7 de novembro, o alumnado de 3º ESO C participou na Cidade da Cultura no obradoiro “Pensar antes de disparar” impartido pola fotógrafa Carla Andrade no marco da exposición que dedicaron este ano á figura do fotógrafo documental Nicolás Muller. O xogo, a paisaxe, as emocións e a natureza protagonizan as imaxes tomadas polo noso alumnado con cámaras analóxicas. Estas imaxes foron expostas de 15 ao 17 de decembro no Museo Centro Gaiás. Esta actividade foi organizada por Luis Miguel Pérez, profesor do departamento de Bioloxía e Xeoloxía do instituto

Acceso ao Instagram

Álbum: Curso 2023-2024 -> Obradoiro de fotografía

O 29 de setembro, o alumnado de 3º ESO asistiu á charla “Que significa investigar” na que Mª Asunción Longo González, investigadora da Facultade de Enxeñaría Química da UVigo, achegou o labor investigador que se realiza na universidade ao noso alumnado. Ofrecéronnos esta charla con motivo da G-Night, a Noite Europea das Persoas Investigadoras. Este é un evento de divulgación científica que se celebra de xeito simultáneo en cidades de toda Europa, o último venres de setembro e que, no caso de Galicia, está coordinado pola Universidade de Vigo. A actividade foi organizada polo Departamento de Física e Química do instituto.

O IES Rosais 2, en coordinación co Departamento de Educación Plástica e Visual e a ANPA Agarimo, convoca o XXXV Certame de Postais de Nadal Rosais 2

As bases do concurso