DÍA INTERNACIONAL DA MULLER E A NENA NA CIENCIA

O 11 de febreiro, con motivo do Día Internacional da Muller e a Nena na Ciencia, as alumnas de 4º ESO B, C e D participaron nos obradoiros en liña organizados pola Unidade de Cultura Científica e da Innovación da Universidade de Vigo, “Elas Fan Cien Tec”. Na actividade programaron un xogo con Scratch, unha páxina web en linguaxe HTML, e utilizaron nun xogo a linguaxe Python, con investigadoras e docentes da Escola de Enxeñería de Teleco como monitoras. Segundo datos da UNESCO, menos do 30 % dos investigadores en todo o mundo son mulleres e so o 30 % das estudantes escollen estudos superiores dentro do campo das ciencias, a tecnoloxía, a enxeñería e as matemáticas (STEM). Esta iniciativa da Universidade está destinada a dar a coñecer todo o que abranguen as áreas de coñecemento científico-tecnolóxico ás alumnas de distintos centros educativos.

PARTICIPACIÓN E CLASIFICACIÓN NA XVI OLIMPÍADA DE BIOLOXÍA

O venres 5 de febreiro, Rodrigo Dankmar Binkele Aneiros, Diego González González, Marta González López, Paula Patiño Cascallar y Óscar Sotelo Solla, alumnado de 2º bacharelato A, realizaron a proba online correspondente á Fase previa da Fase Autonómica Galega da Olimpíada de Bioloxía na decimosexta edición. O alumnado foi preparado pola profesora da materia de Bioloxía Olga Mijón Pedreira, e a alumna Marta González López clasifícouse para a fase presencial do certame científico que se celebrará o 19 de febreiro na Facultade de Bioloxía da Universidade de Vigo. Parabéns!

MOMENTS IN HISTORY

Xa temos os gañadores do concurso “Moments in History” organizado polo profesor de Inglés, Miguel Otero. Noraboa!

1º PREMIO: Victoria Ivana Rodrígez Landeiro (3º ESO C)

2º PREMIO: Álvaro Adrián Canales Jiménez (3º ESO A)

DÍA DO PROFESOR DE FRANCÉS

“O meu profesor de Francés é, era, sería…” Con esta frase poderiamos comenzar a contar miles de historias sobre un colectivo que leva anos traballando con gran entusiasmo, agarimo e dedicación para transmitir a lingua de Marie Curie, de Montesquieu, do Principiño, de Edith Piaf, de Asterix e Obelix, e de tantos outros que forman parte da cultura francófona. O noso centro, por medio do departamento de francés, tamén quixo facer unha pequena homenaxe a estes grandes profesionais a través dunha colorida exposición onde algún dos nosos alumnos escribiron sobre como lles influiu o profesor de francés, onde a través de imaxes signifivativas destacouse a importancia da lingua e da cultura francesas na formación integral dos xoves.

VISITA EN LIÑA Á EXPOSICIÓN DO MUSEO (do ermitán) MAN

O día 11 de decembro, o alumnado de Educación Plástica e Visual de 4º ESO D, asistiu a una visita guiada virtual á exposición temporal “MUSEO (do ermitán) MAN” do Museo do Mar de Galicia. A actividade, organizada polo profesor do departamento de Educación Plástica, Carlos García Movilla, achegou ao alumnado a obra do artista alemán Manfred Gnädinger, máis coñecido polo nome de “Man, o alemán de Camelle”.

EXPOSICIÓN PAISAXES HISTOLÓXICAS

O Departamento de Bioloxía e Xeoloxía, presentou a exposición “Paisaxes histolóxicas” realizada pola profesora e Doutora Rosa Álvarez do Depto. de Bioloxía funcional e ciencias da saúde da Universidade de Vigo. As láminas reflicten a singular beleza dos tecidos que forman parte dos seres vivos despertando a curiosidade do alumnado.

CENTENARIO DA REVISTA NÓS

Para celebrar que o 30 de outubro foi o centenario da revista Nós tivemos no centro unha pequena exposición cos artigos, poemas, portadas… máis salientables de dita revista. Ademais, un grupo do alumnado de cuarto tivo a oportunidade de facer unha visita didáctica en liña por videoconferencia á exposición Galicia, de Nós a Nós, na que se destaca o importante papel que homes e mulleres desta Xeración tivo para a Nosa terra. A actividade estivo organizada pola profesora Liliana Carro Estévez..

25 DE NOVEMBRO. DÍA INTERNACIONAL DA ELIMINACIÓN DA VIOLENCIA CONTRA A MULLER.

O día 25 de novembro, con motivo do Día Internacional da Eliminación da Violencia contra a Muller, o centro participou na actividade asociada ao programa EnlazaVigo 2020 do Concello de Vigo. O alumnado elaborou slogans contra a violencia de xénero co que despois decoraron as escaleiras e paredes do centro. Un deles tamén foi escollido para a exposición da Rúa Peonil do Calvario.

Ademais, o alumnado de 3º ESO en adiante viu a obra de teatro online “O último romántico”, na que se trata a violencia de xénero, e participou nun coloquio coa autora da obra e a produtora.

PREMIO EXTRAORDINARIO DA ESO. CURSO 2019/2020.

Parabéns a Diego Fariña Rodríguez e a Candela Rivas López pola obtención do Premio Extraordinario da ESO do curso 2019/2020. Dende o centro quixemos agasallalos polo seu esforzo e traballo.

RALLY CIENTÍFICO-MATEMÁTICO 2020: O EQUIPO DE 4º ESO B PASA Á FINAL AUTONÓMICA

O pasado 10 de marzo tivo lugar a fase de centros do Rally Científico-Matemático 2020. Nesta fase o equipo de 4º ESO B do noso centro que participou pola modalidade de Física e Química, quedou entre os tres primeiros centros participantes, acadando a final autonómica. O equipo está formado por oito integrantes: Pablo Álvarez Baqueiro, Martín Barcia Carbajal, Inés Bernárdez Rodríguez, Diego Fariña Rodríguez, Marta Gómez González, Laura Xiang Pérez Cerqueira, Alba Pérez Collazo e Santiago Sesto Barrios. Parabéns e agradecemento polo seu esforzo, dedicación e motivación.