O músico Didier Díaz veu dar un obradoiro de percusión a 3º da ESO e posteriormente o alumnado mostrou as súas habilidades nunha batucada feminista, aprenderon moi rápido!.

Con motivo do 8 de marzo, día da muller, tivemos varias exposicións e actividades no centro. Unha das mulleres que admiramos de 1º de ESO que organizou o Departamento de Plástica, outra de portadas de revistas e xornais que fixo o alumnado de 1º Bach e organizou o Departamento de Lengua e Literatura Española, outra de mulleres científicas de 4º da ESO organizado por Bioloxía, outra de mulleres relevantes organizado por Antropoloxía e finalmente o deseño e creación de pósteres conmemorativos do 8M realizado por alumnado de 1º Bach desenvolvido dentro do ámbito das TIC (Departamento de Tecnoloxía). Con todas elas aprendimos moito!.

Alumnado de 1º de Bacharelato foi esta semana polas aulas de 1º e 2º da ESO a ler textos con voz de muller en lingua galega, para facernos reflexionar sobre todo aquilo que non queremos volver escoitar ou como queremos cambiar o mundo. Coa literatura podemos aprender moito e até cambiar o noso xeito de pensar. Esta actividade organizouna Lingualízate e o Departamento de Lingua Galega.

Hoxe fixemos entrega dos premios do concurso de disfraces. O primeiro premio foi para 1º Bach B cos Felices Anos 20 e o segundo premio para 1º ESO C coa Idade Media. O xurado tamén decidiu outorgar un accésit a 1º Bach D pola súa recreación da final de fútbol na que España gañou o Mundial de fútbol de 2010. Parabéns!.

Dentro do Plan Proxecta: Por 365 días de respecto e igualdade, o alumnado de 3º ESO tivo un obradoiro sobre a violencia de xénero e o novo contexto dixital. Falouse sobre os estereotipos e os roles de xénero que aparecen frecuentemente nos anuncios de xoguetes, perfumes, roupa,..., e o uso tanto do corpo das mulleres como dos homes como meros obxectos, a cosificación das persoas. Mostráronse anuncios libres de estereotipos pero polo de agora, na nosa sociedade, son os menos. Tamén recibiron información sobre o uso das redes sociais e a privacidade nas mesmas. Durante o mesmo aprenderon formas de configuralas e controlar quen pode acceder a súa información e falouse da importancia de ter coidado co que soben a internet. Durante o obradoiro tratouse tamén de diferentes formas nas que se exerce a violencia de xénero a través das redes.

Que gran festa de disfraces fixemos o venres no instituto! A temática era histórica e maioría de clases e alumnado quixo participar, foi un día fantástico! 

Na festa de Entroido do venres fixéronse entrega dos premios da elaboración das máscaras baseadas nos entroidos tradicionais, feita polo alumando de primeiro e terceiro da ESO. Foi unha decisión moi difícil, pois son uns verdadeiros artistas!

Para celebrar estes días grandes do Entroido o alumnado da ESO e mais a profesora Liliana Carro elaboraron uns paneis con información das diferentes máscaras desta rica tradición galega, que completaron con algunhas outras máscaras da Península, e que nos achegaron a uns ritos máis ancestrais que conservamos.

Día da Paz

Con motivo do Día da Paz, o alumnado de Francés de 2º de Bacharelato gravou o seguinte vídeo recitando “Le Déserteur” de Boris Vian. A profesora responsable da actividade é Pilar Álvarez, do departamento de Francés coa colaboración de Liliana Carro, de Galego, que se fixo cargo da tradución.