Pais/Nais
Saídas Extraescolares
O 17 de Novembro o alumnado de 2º Bacharelato B que cursa Ciencias da Terra e do Medio Ambiente participou nunha actividade organizada polo Departamento de Bioloxía e Xeoloxía. O alumnado estivo acompañado pola profesora Dona Olga Mijón Pedreira. A saída tivo como obxectivo ampliar coñecementos, visitando e participando nas actividades celebradas na ETSE de Minas (Universidade de Vigo) durante a Semana da Ciencia 2014 “Enerxía, Materiais e Medio Ambiente”.
O alumnado visitou as dependencias da ETSE de Minas e recibíu diversa información sobre:
- Obtención de imaxes cunha cámara termográfica e as súas aplicacións nos estudios de eficiencia térmica de edificacións e deteccións de avarías.
- Importancia do emprego de enerxías alternativas, concretamente sobre a enerxía procedente da biomasa (pellets, residuos da produción de alimentos como a cáscara de améndoa, ósos de aceitunas,…. ). Información sobre a coxeneración e visualización do funcionamento dun Motor Stirling, motor de coxeneración que permite a obtención de enerxía e calor a partir de gas.
-Explicación sobre as particularidades dos explosivos (dinamita, riogel, goma2,…) empregados nas voaduras controladas realizadas para obter minerais, rochas e nas obras de construción de infraestruturas civís.
-Información sobre o emprego de polímeros para fabricar envases (PET, envases plásticos para alimentación, materiais para a industria aeronáutica, da construción,…), a confeción de envases metálicos, aportacións das aleacións. O alumnado tamén se informou sobre a elaboración dunha espuma que funciona como illante térmico nas edificacións.
-Por último unha demostración activa de manexo dun láser 3D empregado para obter imaxes tridimensionais empregadas para a construción de diversas estruturas e presentación doutros métodos empregados nos estudos de campo GPS, xeo-radar.
O 11 de novembro o alumnado de 4º da ESO foi ao auditorio municipal. Alí tivo lugar o obradoiro destinado a sensibilizalo coa problemática da violencia de xénero.
O domingo 12 de octubro chegou a Vigo o alumnado do Lycée Cours Fénelon.
Pasaron unha xornada de moito movemento: Participaron das actividades do noso Centro, estiveron de excursión en A Guarda e Santiago, compartiron tempo en familia e coñeceron a nosa cidade.
Ás nove da maña do 2 de outubro o alumnado de primeiro de ESO, acompañados polas profesoras Dona Susana Puente y Dona María Dieguez, subía nun vitrasa rumbo á Escola de Vela en Bouzas.
Alí practicarían as actividades deportivas de vela e Kayak dirixidos por monitores especializados.
Foron momentos divertidos descubrindo deportes, momentos de compartir experiencias novas cos compañeiros e compañeiras.
O trinta de setembro, un ano máis, o alumnado de TIC saíu a percorrer as rúas de Vigo na procura de plasmar o contorno desde outra mirada.
De novo a cor, os espazos baleiros, a auga, as profesións e os retratos foron os protagonistas deste percorrido que nos levou desde o noso Centro ata o Museo Marco.
Transitamos polas rúas do centro e as do casco vello. Paramos na Alameda e os xardíns de Elduayen. Descubrimos a historia do “Cable inglés” nos recentemente inagurados xardíns no peirao de trasatlánticos, onde a presenza dun inundábao todo. Pasamos diante da escultura da glorieta de A Laxe, observamos a figura paraboloide, para despois, desde o alto, parados na pasarela, volver mirala desde outra prespectiva.
No Marco esperabannos as exposicións “Eidos da imaxe. Grafías dos feitos e do pensamento” e “SCORE, o espazo entre imaxe e son”.
Na primeira observando as imaxes, ao tempo que as monitoras nolas ían descubrindo, fomos partícipes do estreito vínculo que pode haber entre a arte, o coñecemento e o saber científico.
Na segunda tomaba protagonismo a relación entre a imaxe e son. Gozamos do cinema experimental.
Compartimos e aprendemos.
O alumnado de 2º da ESO acompañado polas profesoras Dona Susana Puente e Dona Lucia Alonso visitou as instalacións do "Ecoparque" en Marín.
O pasado do 25 de setembro de 2014, o alumnado de Debuxo de 2º bacharelato A, acompañado polo seu profesor, Don Carlos García, achegouse á Fundación Barrié para admirar a fantástica montaxe da exposición sobre arquitectura co nome "Compañeros de Oficio", na que se pretendía dar a entender a vinculación que existe entre os arquitectos con maiúsculas do século XX e a arquitectura tradicional nas diferentes partes do globo.
A parte de visita guiada, que resultou moi clarificadora, a exposición estaba ambientada non só con planos e paneis informativos, senón tamén con maquetas dos diferentes proxectos elixidos, nos que aparecían tanto os exteriores como os interiores dalgunhas delas. Un traballo exquisito.
Todo un luxo, incluído o comportamento dos rapaces, que foi exemplar.
O día 7 de maio o alumnado de 1º E.S.O. participou nunha actividade extraescolar organizada polo Departamento de Bioloxía e Xeoloxía. Os alumnos/as estiveron acompañados polas profesoras Mª Victoria Cobas , Mª Teresa Freijido, Vanesa Rodríguez e Olga Mijón, a saída tivo como obxectivo ampliar coñecementos de forma creativa e práctica, visitando o Aquamuseum do Rio Miño en Vila Nova de Cerveira e a Catedral de Santa María en Tui.
No Aquamuseum do Rio Minho o alumnado profundizou no estudo do ecosistema fluvial, na primeira parte da visita observaron diversos acuarios que recrean a fauna piscícola, autóctona e introducida (lamprea, troita, troita arco iris, black bass, espinosillo, gambusia, robaliza, …) característica de cada etapa do curso do río e finalizando na zona do esteiro; ademáis recibiron información sobre os artes de pesca tradicionais que se empregaban na zona, e na visita tamén puideron disfrutar da presencia dunha parella de lontras que están acollidas no Centro.
A segunda parte da visita consistíu no estudo do ciclo reprodutivo dos anfibios, o alumnado tivo a oportunidade de observar varias especies de anuros e urodelos, algunha delas pouco frecuente como o limpafontes palmado; ademáis de limpafontes común, limpafontes verde, sapos e rás.
En Tui visitamos a Catedral de Santa María, obra iniciada no século XII, en pleno estilo románico e posteriormente continuada aplicando o estilo gótico como queda constatado na fachada principal. O templo alberga un importante museo catedralicio, un claustro considerado unha soberbia obra do gótico e desde os xardíns subindo a torre de Soutomayor, contemplaron unha espectacular vista do río Miño.
O día 29 de abril, os alumnos de 1º ESO acompañados polas profesoras Mª Teresa Freijido, Beatriz Vázquez e Victoria Cobas fixeron unha visita didáctica á Fundación Barrié, para asistir ao espectáculo didáctico de Ciencia "Rayos e centellas", sobre a historia da electricidade e os seus principios físicos.
O día 10 de abril, o alumnado de 1º e 2º Bacharelato, acompañados polo Director D.Luis López Grillé, fixeron unha visita á Escola Naval de Marín.
Os alumnos recibiron, ao chegaren á Escola, unha breve presentación sobre as formas de ingresar na Escola, e as posibilidades da carreira. Foi realmente interesante, pois segundo lles explicaron, na Escola Naval Militar impártese a formación dos futuros componentes da Escala de Oficiais da Armada.
Pero, ademais, como Centro Universitario da Defensa, está adscrita á Universidade de Vigo e, polo tanto, imparte tamén a formación necesaria para que os futuros oficiais do Corpo Xeral e Infantería de Mariña obteñan o Título de Grao de Enxeñaría Industrial, rama de Mecánica, adaptado ao novo plan universitario Bolonia. É dicir, ofrece a posibilidade de cursar simultaneamente as carreiras de Oficial da Armada e Enxeñeiro.
Posteriormente, repartidos en grupos que foron guiados por gardamariñas, realizaron a visita aos puntos de interés da ENM: simulador de navegación, planetario, e pañol histórico.
- « primeira
- ‹ anterior
- …
- 5
- 6
- 7
- 8
- 9
- 10
- 11
- 12
- 13
- seguinte ›
- última »
Buscar
Blogs do centro
Redes Sociais
Proa+