Música

"GLOBAL MUIÑEIRA" no IES de Ribadeo.

Mar, 25/05/2021 - 14:25 — admin2

O pasado martes 25 de maio, o alumnado de 3º ESO e varias profesoras do centro participaron na posta en escea da "Muiñeira Global", a nova campaña de Gadis que volve a apelar ao sentimento identitario da comunidade cunha película na que un irmán e unha irmá loitan durante toda a súa vida por facer da muiñeira o baile de moda en todo o mundo. O venres 28 de maio, o alumnado de 2º ESO B e C acudiu Porto Deportivo e ao Cargadoiro de Ribadeo para bailar con nenas e nenos doutros centros educativos do concello e disfrutar dunha pequena foliada. Proximamente teremos imaxes e vídeo!

Agradecemos a participación das/os bailadoras/es e o traballo da profesora de Música, María Ron, organizadora da actividade.

(20/05/2021): Encontro con Camille Hedouin.

Ven, 21/05/2021 - 07:29 — admin2

O xoves 20 de maio de 2021, o alumnado de 1º de Bacharelato C tivo a oportunidade de entrevistar para a RADIOIESRibadeo a Camille Hedouin, vocalista feminista, compositora e cantautora galego-francesa coñecida artisticamente como Mounqup e gañadora de varios premios, entre eles o Narf da Coruña.

Chega a Galicia en 2011 procedente de Nantes para instalarse na aldea de Pardavedra, en Ourense, formando parte dun proceso de recuperación da aldea de Saumede. Intégrase rapidamente e, dende Galicia para o mundo, compón unha música electrónico rural. A pesar de que lle chaman "a Björk galega", compón unha música sen etiquetas e orixinal na que mestura galego, francés e inglés. Sen lugar a dúbidas, non deixa indiferente a ninguén.

(30/01/2021): DÍA DA PAZ.

Mar, 09/02/2021 - 05:39 — admin2

GALERÍA DE IMAXES

Este ano decidimos conmemorar o Día da Paz cunha serie de lecturas e actuacións organizadas desde o Departamento de Música, da man da profesora María Ron. Agradecemos enormemente a participación do alumnado que empregou o seu tempo e esforzo en organizar e formar parte desta actividade.

Durante dous recreos puidemos reflexionar e, ao mesmo tempo, disfrutar do seu traballo que nos axudou a romper coa rutina imposta pola pandemia no que levamos de curso.

https://youtu.be/4nc5H4CutLQ

Moitos parabéns!

Musicales de Broadway. "Peter Pan"

Sáb, 18/02/2017 - 03:50 — admin2

O 15 de febreiro o alumnado de 2ºESO asistiu a un musical:

Peter Pan, escenifcado pola compañía Musicales de Broadway,

en Burela.

Esta actividade foi organizada pola departamento de música

e cofinanciada polo Concello de Ribadeo.

Premio para Martín García Lorenzo!

Ven, 13/02/2015 - 06:49 — admin

O alumno Martín García Lorenzo, de 1º de BAC, resultou gañador por segunda vez do Concurso de Solistas na categoría de Banda que organiza o Conservatorio Profesional de Música Xoán Montes de Lugo.

Parabéns!

MUSICAL

Ven, 19/04/2013 - 11:53 — admin

O día 19 de abril o alumnado de música de 2º e 3º de ESO e 1º de bacharelato asistiu un musical en Xixón. De paso visitaron o xardín botánico e coñeceron un pouco a cidade. Foron acompañados por Ángeles Ríos, profesora de Música, e por Sonia Bergantiños, Vicedirectora. Organiza o departamento de Música. FOTOS

Normas de comedor.
MENÚS MENSUAIS.

El presente proyecto ha sido financiado con el apoyo de la Comisión Europea. Esta publicación es responsabilidad exclusiva de su autor. La Comisión no es responsable del uso que pueda hacerse de la información aquí difundida.