Ante á dúbida suscitada pola asistencia ao centro do alumnado de 3º ESO A que foi realizar unha PCR o mércores 19 de xaneiro de 2022, a dirección quere aclarar o seguinte:
1- Como recolle a ADAPTACIÓN DE LA ESTRATEGIA DE DETECCIÓN PRECOZ, VIGILANCIA Y CONTROL DE COVID-19 EN PERIODO DE ALTA TRANSMISIÓN COMUNITARIA publicada pola Comisión de Salud Pública o 30 de decembro de 2021: Los contactos estrechos vacunados con pauta completa estarán exentos de cuarentena.
2- O protocolo publicado pola Dirección Xeral de Saúde Pública e a Dirección Xeral de Asistencia Sanitaria o 14 de xaneiro de 2022 (PROTOCOLO DE VIXILANCIA E CONTROL EPIDEMIOLÓXICO FRONTE AO VIRUS SARS-CoV-2 (COVID-19) NO ÁMBITO EDUCATIVO NON UNIVERSITARIO DE GALICIA) recolle o seguinte:
Ante unha agrupación de casos (5 casos ou máis; ≥ 20% dos integrantes da contorna, en 7 días), tal e como sucede na aula de 3º ESO A, hai que realizar os seguintes pasos:
-
Notificar ao CSC (Centro de Seguimento e Contacto) a agrupación de casos. O CSC informa á Xefatura Territorial de Sanidade e a XT de Sanidade avalía o risco de transmisión no centro educativo e leva a cabo as actuacións específicas que sexan necesarias para o seu control.
Unha vez realizados estes pasos, e informadas as familias e profesorado da agrupación de casos, a Xefatura Territorial de Sanidade informou ao centro este luns 17 de xaneiro que a actuación que se levaría a cabo sería a de facer un cribado, en ningún momento CORENTENAR a aula. Tal e como recolle o Protocolo de Vixilancia: en ningún dos escenarios se recomenda neste momento realizar cribados masivos nos centros educativos, a non ser que de forma excepcional así o indiquen as autoridades de saúde pública. Polo tanto, esta foi unha medida excepcional pero reiteramos, en ningún momento consideraron confinar ao alumnado de 3º ESO A.
Polo tanto, tal e como cita o Protocolo de Vixilancia:
Vixilancia por contacto estreito:
- Unha persoa contacto estreito deberá seguir medidas de vixilancia, estando exenta de corentena, cando estea completamente vacinada ou pasara a COVID-19 hai menos de seis meses.
- Estas persoas poden saír do domicilio e acudir ao centro educativo, pero deben extremar as medidas de prevención e control, facendo sempre uso da máscara cando compartan espazo con outras persoas e non manteñan unha distancia mínima de 2 metros.
Polo anteriormente citado, a dirección considera que o alumnado de 3º ESO A realizou excepcionalmente un cribado, ante unha agrupación de casos positivos na aula, pero en ningún momento a Xefatura Territorial de Sanidade plantexou un confinamento da aula, polo que entendemos que o alumnado pode acudir ao centro educativo, tal e como recolle o Protocolo de Vixilancia.
Un saúdo
A dirección
