Quixemos sumarnos á conmemoración do 25-N, Día Internacional contra a violencia de xénero, cunha mostra de libros de distintos xéneros (poesía, narrativa, ensaio…) que abordan o tema.
Entre eles podemos atopar Masculino singular, onde Carlos Negro, que impartiu recentemente un taller no instituto , reflexiona a través da poesía sobre as novas masculinidades, tan necesarias para superar o vello modelo de dominación patriarcal ou os breves ensaios de Chimamanda Ngozi Adichie, comentados na primeira xuntanza do Club de Lectura pola Igualdade. Convencidxs de que ler nos fai máis libres, recomendamos vivamente a lectura de calquera dos títulos que se atopan na exposición.
