Varios

Esta semana, unha parte do alumnado e profesorado  do IES de Ribadeo, achegámonos á oficina de turismo para recibir unha clase distinta por parte do  coleccionista ribadense David López Álvarez, quen nos  amosou con auténtico entusiasmo parte da exposición que leva xuntando dende neno.

[MÁIS IMAXES]

Puidemos  observar máis dun millar de cunchas de todo o mundo así como así como centos de bolboretas,  insectos e tamén algúns fósiles. David contounos que para  facerse con tal número de exemplares leva moitos anos capturando e intercambiando con aficionados de todo o mundo e tamén ás veces comprando. Tamén nos amosou a manga para cazar bolboretas,  a forma de estendelas para poder conservalas e contounos moitas curiosidades dalgunhas especies. 

A pasada semana, catro estudantes no IES de Ribadeo Dionisio Gamallo asistiron en Lugo durante tres días ó VI Foro Intercomunitario de Investigación Xuvenil. Trátase dun un encontro anual no que estudantes de varias comunidades autónomas expoñen investigacións realizadas en diferentes temas, dende aspectos de como medran diversos moluscos a app para localización de niños de velutina. Nas súas orixes ten participado o IES Porta da Auga, daquela dentro do proxecto 'Investigación, haciendo y difundiendo' do Ministerio de Educación, e este ano, con alumnos con traballos sobre a evolución das nosas praias (Estela Bravo e Iria García) e un estudo sobre o mareo (Alberto Dopico, Diego Alonso e Marta Calonge). Na foto, un momento dunha das exposicións.

Coordinou a actividade o profesor Antonio Gregorio Montes, do departamento de Física e Química. 

Durante esta semana e a que vén, mantemos expostas nunha das escaleiras do noso centro as láminas sobre Manuel María que nos enviou a SXPL.

Ó longo da semana, o alumnado vai pasando a revisalas para responder un cuestionario relacionado co autor.

O 9 de maio celebramos o Día de Europa no IES Ribadeo Dionisio Gamallo coa presenza de dous alcaldes da vila que animaron a mañá do alumnado de 4º de secundaria e 1º de bacharelato. Os traballos dos alumnos e alumnas da materia de Europa, que elaboraron videos sobre a historia da Unión Europea, blogs, e fixeron entrevistas pola vila preguntando sobre os 30 anos da pertenza de España e polas ventaxas ou inconvenientes, deron pe ás reflexións dos nosos invitados.

Eduardo Gutiérrez lembrou 1986, daquela como concelleiro, en vísperas de ser elixido alcalde (1987-1995), a súa visión daquel Ribadeo de entonces dista moito da imaxe do Ribadeo actual, que representa Fernando Suárez, que, a pesares das dificultades e dos tropezos que as actividades políticas xeran ao noso redor na política comunitaria, mantén que sempre fomos Europa, e ámbos os dous coinciden en que, nestes tempos que nos tocan vivir, cos altibaixos propios dos avatares políticos, estamos mellor dentro que fóra…. Só nos queda equilibrar os distintos potenciais nacionais e ser capaces de defender os nosos dereitos, para que a idea da Unión Europea se consolide na liña na que foi ideada: un espazo común de intercambio pacífico e progresista, no que poder construir un futuro democrático e de valores para todos os cidadáns.

Os días 6, 7 e 8 de abril tivo lugar no instituto a Feira da Ciencia, organizada polos departamentos de Ciencias Naturais e Física e Química.

Podes ver un vídeo con imaxes do evento.