Blogs, Exposicións, cursos e avisos, Info Point

FELIZ NADAL E PRÓSPERO ANINOVO!!

Lun, 19/12/2022 - 12:58 — Manel

Esamos rematando o trimestre e con el remataremos tamén o ano 2022. Agardamos que o ano 2023 traiga PAZ, PROSPERIDADE e PROGRESO, e que con el finalicen todos os problemas complexos e complicados cos que levamos convivindo desde fai xa varios meses.

Temos tempo aínda ata febreiro para completar os noso novo grupo de embaixadores/as junior do Parlamento Europeo, pero aquí tedes unha mostra benintencionada....

Volveremos con forzas renovadas e con maior ímpetu para plantarlle cara a todas as novas situacións que a nosa circunstancia nos depare.

Con esta idea e esta intención... os mellores desexos para TODS....

blogue de Manel

Modelo de Parlamento Europeo 2022 (18-19 nov)

Dom, 20/11/2022 - 05:28 — Manel

Neste Ano Europeo da Xuventude 2022, nun ano no que se cumpre o 70 aniversario da constitución do Parlamento Europeo as alumnas Mariam Dilami, Patricia Pérez López, Alba Loureiro Peña e Candela Rodríguez Cela de 1º BAC participaron na IV Sesión Autonómica do Modelo de Parlamento Europeo, un programa educativo cuxo obxectivo é promover na mocidade a concienciación da cidadanía europea e a cultura do debate parlamentario construtivo, onde o alumnado teña a oportunidade de investigar diferentes temas europeos de actualidade, opinar, presentar propostas e converterse en parlamentaria durante unhas horas.

El Correo Gallego (20 nov) La Voz de Galicia (20 nov) Séguenos en TWITER

blogue de Manel

DÍA DA FILOSOFÍA 2022

Mér, 16/11/2022 - 20:07 — Manel

Un curso máis facémonos eco e facemos oco á promoción que a UNESCO ven facendo desde 2002, corporativamente desde o 2005, en pro do ensino da Filosofía no ámbito escolar. Ao longo de moitos anos reivindicamos o saber filosófico como polo catalizador da reflexión do ser humano. Durante estes tempos repensamos, defendimos, criticamos, expuxemos,... moitas razóns que avalan o estudo desta materia e a práctica dos seus principìos. Exemplos deixamos de seguido sobre o que pensamos... pero tamén queremos difundir e divulgar os contidos principais que forman parte do noso labor.

Esta é a nosa contribución no DÍA DA FILOSOFÍA....

Noutros formatos: Cronica3.com , Xornal da Mariña , El Progreso (19nov)

Entrevista en CADENA COPE

Aproveitemos para escoitar a reflexión que Victoria Camps realiza sobre este tema e algúns outros.

Ou ben a opinión que sobre a Filosofía ten Federico Mayor Zaragoza (Ministro de Educación e Ciencia 1981-1982 e Director xeral da UNESCO entre 1987 e 1999).

Máis didáctica e escolar é a defensa da Filosofía que fai Adela Cortina.

Cremos que, para unha entrada no blog neste apartado INFOPOINT, temos xa dados os pasos suficientes.

blogue de Manel

MODELO DE PARLAMENTO EUROPEO Santiago 18-19 novembro

Lun, 14/11/2022 - 14:59 — Manel

Os vindeiros 18 e 19 de novembro 4 alumnas de 1º BAC participarán na IV Sesión Autonómica do Parlamento Europeo que se celebrará en Santiago de Compostela coa coordinación do Colexio Peleteiro.

Nesta ocasión as nosas alumnas debaterán e presentarán resolucións sobre os seguintes temas:

1. A nova orde xeopolítica e a defensa de Europa (Comisión de Seguridade e Defensa)

2. A intelixencia artificial, novos espazos dixitais e a protección dos Dereitos Humanos (Comisión de Intelixencia Artificial na Era Dixital)

3. Emprego xuvenil: Inverter na xuventude europea (Comisión de Emprego e Asuntos sociais)

4. A crise de suministros e o papel de Europa no comercio internacional (Comisión de Industria, Investigación e Enerxía)

blogue de Manel

DÍA MUNDIAL EN RECORDO DAS VÍTIMAS EN ACCIDENTES DE TRÁFICO

Ven, 04/11/2022 - 07:24 — Manel

O terceiro domingo do mes de novembro se celebra este Día Mundial, unha efeméride proclamada pola Asamblea XEral das Nacións Unidas (ONU) co obxectivo de reducir o número de vítimas en accidentes de tráfico.

DÍA MUNDIAL EN RECORDO DAS VÍTIMAS EN ACCIDENTES DE TRÁFICO

Desde o noso centro queremos participar un curso máis neste recordo dunha forma, por desgracia, máis cercana: coa experiencia de Luis e Macu, que converteron a súa desgracia en lección de vida e que, co seu testimonio, axudan a que tomemos conciencia deste profundo problema e poñamos os medios necesarios ao noso alcance para palialos.

O curso pasado fixemos unha actividade auspiciada por STOP Accidentes, e neste curso comezamos co relato de Almudena en boca do instrumento que ela elixiu como forma de expresión: a trompa. Un diálogo recreado para o recordo desta vida truncada nun accidente de tráfico.

As miñas trompis, de José Luís Pulpeiro serve como lección e reflexión de vida para todos os que temos ao alcance das nosas mans a posibilidade de reducir esta espantosa siniestralidade. Estes días seremos aínda máis sensibles as consecuencias que a irresponsabilidade, o abuso de sustancias tóxicas, o non uso das medidas de seguridade establecidas, a falta de proteccións axeitadas na conducción de vehículos, a ignorancia das normas de tráfico,... provocan nas nosas vidas, na sociedade e no mundo en xeral.

blogue de Manel

Que é ser embaixadora junior?

Ven, 28/10/2022 - 02:07 — Manel

Este xoves 27 de outubro Ángela Alcántara Coto, Estela Veiga García e Sara Sixto Mon acudiron aos estudos de Cadena Cope en Ribadeo para contar algunhas das súas experiencias como embaixadoras junior do Parlamento Europeo. Proxectos, premios, concursos e traballos varios así como a visita á sede do Parlamento Europeo en Bruxelas foron algúns dos temas que trataron con Juana Carrera, locutora de cadena Cope en Ribadeo.

Aquí tedes a entrevista: Cadena Cope xoves 27 outubro de 2022.

blogue de Manel

EUROHALLOWEEN

Mér, 26/10/2022 - 13:21 — Manel

Compartimos aquí unha proposta do IES Francisco García Pavón... se queredes saber algo máis e non vos asusta o reto... contactade a través deses medios a partires das 19 horas.....

blogue de Manel

A DIRECTORA XERAL DE XUVENTUDE ENTREGA O 4º PREMIO TAEUS

Sáb, 15/10/2022 - 06:19 — Manel

Este venres 14 de outubro a Directora Xeral de Xuventude, Cristina Pichel Toimil, e o Xefe Territorial de Política Social e Xuventude Javier Vázquez Nodal, entregaron o 4º Premio do concurso TAEUS “Take a walk on the EU side” ao alumnado de 2º BAC do IES Ribadeo Dionisio Gamallo.

Nun acto celebrado ante un numeroso alumnado de 4º ESO, 1º e 2º BAC, Cristina Pichel fixo entrega dos certificados ao alumnado logo de dirixir unhas palabras e de escoitar a presentación que Paula López Yáñez, en nome dos seus compañeiros e compañeiras fixo do video “Recuperación de nuestra memoria histórica a través de Fondos Europeos" sobre o arquivo histórico do noso concello, levado a cabo baixo a supervisión do profesor de Filosofía Manel Yáñez Dablanca o curso pasado.

Neste acto estivemos acompañados por Sara e Nino, integrantes do equipo INGALICIA, coordinadores do Proxecto TAEUS (e outros) que desenvolveron a actividade TIME TO MOVE para rematar unha xornada de formación e difusión de alternativas para a xuventude, en definitiva para todo o alumnado. Gracias!!!

La Voz de Galicia 15 out 22:

La Comarca del Eo 22 out 2022:

blogue de Manel

Ribadeo en Bruxelas

Xov, 13/10/2022 - 14:10 — Manel

O pasado 9 de maio Nicolás González Casares visitounos co gallo do DÍA DE EUROPA. A súa charla animou ao alumnado e ao profesorado no labor de coñecemento e difusión dos valores europeos, aguilloando así a unha xeración de xoves a seguir mantendo o interés polas institucións europeas.

Co comezo do curso unha invitación do europarlamentario para visitar a sede do Parlamento Europeo en Bruxelas foi o detonante dunhas semanas de traballo, selección e decisión que levaron a 14 alumnos e alumnas e a 4 profesores a esta especial visita. Marchamos o luns 10 de outubro e regresamos o xoves 13. Unha viaxe rápida que intentamos aproveitar todo o posible, incluíndo unha visita a Bruxas e Gante que de seguro serviu para expandir as nosas mentes e enriquecer a nosa memoria visual.

Mañá nos espera un venres de traballo pero tamén de contar e recontar algunhas das anécdotas desta epopeia (todas non). Grazas pola vosa actitude e polo voso comportamento. Sodes exemplo a seguir!

El Progreso 13 outubro 2022:

La Voz de Galicia 13 outubro 2022:

TWITER @Cosmopolitas1

Páxina do eurodiputado Nicolás González Casares.

blogue de Manel

VISITA DA DIRECTORA XERAL DE XUVENTUDE

Mér, 05/10/2022 - 13:18 — Manel

O vindeiro venres 14 de outubro a Directora Xeral de Xuventude Cristina Pichel Toimil estará no IES Ribadeo Dionisio Gamallo a partir das 11 da mañá para a entrega de certificados ao alumnado que participou no proxecto de ámbito nacional TAEUS, coordinado polo equipo de INGALICIA, co traballo “Recuperación de nuestra memoria histórica a través de Fondos Europeos" sobre o arquivo histórico do concello de Ribadeo.

As alumnas Áyelin Álvarez Cuéllar, Cristina Álvarez Rey, Susana Díaz Bedia, María García del Río, Andrea Rodríguez Cansignia, Paula López Yáñez, Antía Romero Prieto, Claudia Vizoso González, e os alumnos José María Gutiérrez Mangiavacchi, Daniel Otero López, Álvaro Pérez Fernández, Andrés Portela Besteiro, e Jesús Bernabé Salazar García, dirixidos polo profesor J. Manuel Yáñez Dablanca visitaron o concello en varias ocasións e recibiron información do equipo de xoves participantes no Obradoiro de Emprego Territorio Vivo e da responsable do obradoiro Ana Belén Vázquez Rodríguez para a realización desta investigación. O resultado pode ser visionado na páxina do centro, en youtube, en tiktok ou no espazo twiter @cosmopolitas1 que difunde o equipo de alumnos/as e profesores/as do centro.

Na segunda parte desta xornada os responsables do equipo INGALICIA realizarán un obradoiro titulado “Time to move” que difundirá entre o alumnado as posibilidades que a Unión Europa ofrece á xuventude a través das distintas institucións que a compoñen e presentarán distintas páxinas e enlaces nos que poder obter información sobre estes ámbitos.