Filosofía

MARTES 24 de marzo, as 11:00 horas teremos unha cita na Aula Virtual de Filosofía. Un encontro para equilibrar esforzos, resolver dúbidas e contestar algunha cuestión que vos poidera xurdir ao longo destes días. Revisaremos o primeiro dos textos de Marx, seguindo o esquema pautado.

Grazas pola vosa asistencia! Unha boa conversa filosófica! Máis de unha hora de traballo ben aproveitada!

Seguiremos estudando e resistindo con Filosofía.

Saúdos e saúde!

 CONTINUIDADE DO TRABALLO ESCOLAR PARA AS MATERIAS DE FILOSOFÍA

 O dpto. de Filosofía continúa o seu traballo docente de forma virtual, segundo as instrucións enviadas aos centros (13 marzo).

A prioridade está co alumnado de 2º BAC, e por esta razón o repaso do bloque de contidos referente aos temas de Kant, e os comentarios de textos de Marx e Nietzsche está na aula virtual.

Para o alumnado de 1º BAC de Filosofía e da materia Europa, a tarefa sobre os temas explicados en clase tamén está a disposición do alumnado na aula virtual, e foi comentado xa o derradeiro día de clase.

Para o alumnado da ESO, 1º e 2º , materias de Valores éticos e Valores democráticos europeos teñen o material de EDIXGAL, e dispoñen tamén do traballo de resumo e comentario sobre o video de HISTORIA DO FEMINISMO, que xa foi visionado en clase.

O alumnado de Valores éticos de 3º ESO debe facer un traballo de investigación sobre os temas xa propostos de 3 páxinas máximo, Arial 14, interlineado 2, cunha opinión persoal da metade da última páxina.

Está habilitado tamén un foro para posibles preguntas e respostas, tanto grupal como individual, e o alumnado dispón de correo do profesor de ditos grupos.

Desta forma damos continuidade ao noso labor educativo, e mantemos os obxectivos coa constancia e rutina necesarios e acordes co horario que impartimos, e que pretendemos manter a pesares das difíciles condicións que a situación global nos obriga a vivir.

Completada xa a fase provincial de participación, e á espera do resultado do xurado (13 de marzo), recibimos con orgullo o DIPLOMA DE PARTICIPACIÓN no 36 Concurso Escolar ONCE que este curso ten como tema a INCLUSIÓN. Un concepto que seguiremos traballando desde outras perspectivas e que compartiremos con todos vos nos vindeiros meses. Por un mundo máis tolerante, máis igualitario e máis inclusivo.... Grazas!

DIPLOMA DE PARTICIPACIÓN ONCE

O 36 CONCURSO ESCOLAR da ONCE trata esta vez o tema da INCLUSIÓN. 4 clases participan na fase provincial do concurso a través do traballo do seu alumnado. Tivemos que estudar o concepto de INCLUSIÓN, o significado das bandeiras, dos símbolos que usamos para comunicarmos, das cores que asociamos a sentimentos, emocións e pensamentos e conxugar todo isto para expresar a nosa idea a través de todos estes elementos. O resultado foi acadado por 4 grupos dun total de 6 nos que se imparte clase de VALORES ÉTICOS e VALORES DEMOCRÁTICOS EUROPEOS.. Ademais, tiveron que gravar unha audiodescrición na que explicaran o porque das súas eleccións. E aquí tedes a representación gráfica do seu esforzo....

Os debuxos, segundo a orde natural son de:

2º ESO B. Patricia Pérez López.

2º ESO C. Ángel Muiña López.

3º ESO B+C. Cristina Álvarez Rey, Lucía Miranda Santamarina, Nihad Selouane Benmoussa.

O alumnado de 1º BACH da materia de EUROPA creou un himno que titularon "DEJA QUE SEA YO".

Grazas a todos por implicarse nun labor educativo e integrador tan necesario e acuciante hoxe en día como é o tema da IGUALDADE e da INCLUSIÓN. 

O venres 29 e o sábado 30 de novembro tivo lugar a I Sesión Autonómica Modelo de Parlamento Europeo en Santiago de Compostela. O noso alumnado participou nestas xornadas aportando a súa visión sobre 4 temas de actualidade de política europea.

A xornada do venres transcurriu integramente no Colexio Peleteiro; alí, o alumnado tivo as reunións por comisións nas que debateron os temas propostos nesta convocatoria, e a partires das 18:30 cada grupo reuniuse co seu profesorado para preparar as estratexias na sesión final que tivo lugar no Parlamento de Galicia.

• El papel de la UE frente al cambio climático. Defendido pola alumna LUCÍA FERNÁNDEZ LÓPEZ
• Estrategias de la UE ante el envejecimiento demográfico. Defendido pola alumna VIOLETA CARRERO ISLA.
• Las bitcoin y la ingeniería económica. Criptomonedas o tecnología blockchain. Defendido polo alumno JUAN MANUEL VEGA VÁSQUEZ.
• La trata de seres humanos. Defendido pola alumna CLAUDIA VILLAPOL DUARTE.

A clausura estivo presidida pola secretaria da Mesa do Parlamento dona Raquel Arias Rodríguez, que xunto ao presidente do Board MEP España don Ramón Rodríguez Magán, ao director do colexio Peleteiro don Luis Peleteiro Ramos e ao profesorado seleccionado, despediron unha xornada repleta de debate, propostas e consenso democrático.

Podedes ler a noticia en Cronica3.com, La Voz de Galicia (30-11-19) e en La Voz de Galicia (1-12-19).

Máis FOTOS