Blog da biblioteca

O día 13 de febreiro o alumnado de 4º de ESO participou na actividade Cada ovella coa súa parella, que ten como obxectivo dar a coñecer o valor do refraneiro como transmisor da sabedoría popular. A mecánica é moi simple: Previamente ao encontro de ambos grupos, o alumnado de 4º A levou pegado un folio no peito coas primeiras partes de distintos  refráns, e o de 4º B un folio coas segundas parte dos mesmos. Unha vez rematado este proceso os dous grupos encontráronse no xardín do instituto e buscaron cadansúa parella para completar o refrán e logo explicar o seu significado. Como agasallo pola súa participación, entregouse a cada persoa unha caixa de sardiñas de chocolate acompañada dun refrán alusivo ao mar.

Adquiridos polo departamento de Xeografía e Historia, contamos cos 5 volumes da serie "La espada de San Eufrasio”, cómic histórico baseado na Galicia medieval , creado polos guionistas Pepe Rey e Miguel Fernández e o debuxante Manuel López Poy.

Continuando coa nosa intercolaboración con bibliotecas da Mariña, o IES Monte Castelo de Burela cedeunos amablemente 15 exemplares da novela Usha, de María Reimóndez, que foron repartidas entre o alumnado participante no concurso de lectura celebrado no primeiro trimestre do curso.

O luns 23 de xaneiro tivo lugar a primeira xuntanza do clube de lectura. Tomando como base dous dos ciriterios fundacionais do club, que son a perspectiva de xénero e o uso da lingua galega, a novela escollida foi A culpa, de María Reimóndez. O encontro deu pé a tratar e debater as múltiples temáticas que aborda a novela (o sentimento de culpa, a maternidade, a violencia obstétrica, a prostitución, a homosexualidade, o maltrato, os abusos sexuais na infancia, o desamparo afectivo, a educación regrada e non regrada…) e contou coa intervencion da autora, María Solar, a través duns audios enviados ao grupo. A reflexión sobre a lectura, que non deixou a ninguén indiferente, continuou unha vez rematada a reunión a través do wassap do club.

A plataforma de lectura dixital ELBE.2 ofrece durante o segundo trimestre do curso unha serie de webinars de formación básica pensadas para que os/as usuarios/as podan tirar o máximo proveito deste recurso para a lectura. Eestas sesións de formación on-line están abertas a todo o usuariado da plataforma, tanto para os equipos da biblioteca e docentes en xeral como moi en espacial para o propio alumnado. Por este motivo están programadas en diferentes días da semana e horarios, na procura de que o máximo número de usuarias/os, cando menos, podan asistir a algunha das sesións, segundo os seus horarios lectivos.

Atoparedes toda a información sobre as webinars premendo na imaxe adxunta e na propia plataforma de lectura ELBE.2.