Dinamización lingüística

Ventos poéticos

Lun, 14/05/2018 - 09:39 — admin2

O día 4 de maio estiveron no instituto Olga Novo e Elisabete Marques, poetas galega e portuguesa, respectivamente, que recitaron algúns textos e explicáronlle ó alumnado de 1º de BAC algúns aspectos do seu labor literario. A tamén poeta Yolanda Castaño encargouse de introducir o acto e presentar as dúas escritoras.

A actividade forma parte de "Ventos poéticos", unha proposta do Concello grazas á cal viñeron a Ribadeo para un acto aberto ó público que tivo lugar pola tarde, ademais das xa mencionadas, os poetas asturianos Quique Roxíos e Xuan Bello.

Coordinaron a actividade dores Fernández Abel 8portugués) e Suso Fernández Acevedo (Galego)

.

Correlingua 2018

Lun, 14/05/2018 - 05:54 — admin2

Este 10 de maio, o alumnado de 3º de ESO do noso institututo participou, acompañado polas profesoras Mirian Bouso, Chus Colmenero e Dores Fernández Abel, no Correlingua 2018, celebrado en Mondoñedo.

Previo ás actividades do Correlingua, o alumnado descubriu os segredos que garda o Cemiterio Vello de Mondoñedo, a través dun concurso.

Xa con respecto ao Correlingua debemos destacar que unha alumna e un alumno do noso centro subiron ao podio dos vencedores da carreira: María Cociña López e Aleix Díaz Salas.

Mais Fotos

Dores F. Abel

Intercambio co IES Ramón Mª Aller Ulloa, de Lalín

Xov, 19/04/2018 - 12:39 — admin2

O día 18 de abril o alumnado de 3º de ESO viaxou a Lalín para participar na primeira fase dun intercambio co IES Ramón Mª Aller Ulloa, coordinado polos equipos de dinamización lingüística dos dous centros.

Despois dunha breve recepción, o alumnado e o profesorado dos dous institutos desprazouse ata a fervenza do Toxa (Silleda). Desde alí realizamos un roteiro de sendeirismo próximo ó curso do río Deza ata chegar ó mosteiro de Carboeiro, onde repuxemos forzas cun xantar campestre. Despois, unha guía organizou o alumnado en equipos e propúxolles un xogo para que coñecesen o mosteiro dunha maneira lúdica. A continuación, xa en autobús, desprazámonos ata o pazo de Liñares (Prado-Lalín), que alberga o Museo Galego da Marioneta. Rematamos a xornada cun pequeno paseo pola vila, vendo o novo Concello, o Museo e o monumento ó porco.

Acompañando o alumnado, viaxaron Dolores Faílde, Miriam Bouso e Suso Fernández. O día 16 de maio será o alumnado de Lalín o que se desprace ata Ribadeo, para coñecer a nosa zona.

<

Encontro con Montse Fajardo

Xov, 19/04/2018 - 12:23 — admin2

Dentro do últimos encontros con escritoras, organizados conxuntamente polo Dto de Galego, o EDL, o Comité Lila e a Biblioteca, Este foi con Montse Fajardo.

Ver mais

1 adxunto

Encontro con Eva Mejuto

Xov, 19/04/2018 - 12:21 — admin2

Dentro do últimos encontros con escritoras, organizados conxuntamente polo Dto de Galego, o EDL, o Comité Lila e a Biblioteca, Este foi con Eva Mejuto.

Concurso: Coñeces a nosa biblioteca?

Mér, 31/01/2018 - 14:53 — admin2

Co fin de promocionar o coñecemento e uso da biblioteca e fomentar o interese pola lectura, puxemos en marcha dende o 22 de xaneiro o concurso Coñeces a nosa biblioteca? Pode participar todo o alumnado a través dunha sinxela mecánica que consiste en contestar semanalmente a unha pregunta, depositando a resposta nunha urna. No recreo de cada luns sortéase un libro entre as persoas participantes.

.

Viaxe a Valença do Minho e Vigo

Mar, 09/01/2018 - 06:52 — admin2

O alumnado de portugués da ESO e todo o de 3º de ESO púxolle o ramo á primeira avaliación viaxando a Valença do Minho e Vigo.

En Valença coñeceron a Fortaleza e a súa historia; en Vigo, o casco histórico. Tamén visitaron o Museo do Mar para ver o Pergamiño Vindel, e aprender sobre a época en que foi escrito.

As profesoras Mírian Bouso, Isabel López López, Dores Fernández Abel e o profesor Suso Fernández Acevedo acompañaron o alumnado nesta xeira de espairecemento e aprendizaxe. Mais fotografías

Certame de postais de nadal "Pinta con luz feminista"

Xov, 21/12/2017 - 07:21 — admin2

As gañadoras do certame foron Lara Pérez Veleiro, de 1º da ESO e Noa Castiñeiras Sánchez de 1º de Bacharelato

Aproveitamos esta iniciativa para desexarvos

BO NADAL

Mellores, non maiores

Sáb, 02/12/2017 - 07:02 — admin2

O comité lila conmemora o 25 de novembro de 2017.

Inauguración do curso 2017/2018 no IES

Mér, 18/10/2017 - 10:47 — admin2

Fotografías da inauguración Vídeo 1ª parte Vídeo 2ª parte

O luns 18 de setembro o IES de Ribadeo Dionisio Gamallo abriu o curso académico cunha lección inaugural pronunciada por Roberto Rodríguez Rodríguez, ribadense vinculado ao Instituto dende neno, cando foi alumno, ata o remate nel da súa carreira profesional como profesor. Na lección, co título “Unha visión de Suso Peña e o seu legado”, Roberto falou do seu amigo debuxante, ilustrador e fotógrafo Suso Peña, persoeiro cuxa figura o Instituto difunde entre a comunidade educativa na contraportada da axenda escolar 2017-18. O salón de actos do Instituto encheuse con alumnado, profesorado, amigos e amigas do conferenciante e do homenaxeado.