Libros

PROGRAMA CON-VIVE

Sáb, 06/02/2021 - 12:08 — mirian

O instituto desenvolverá a partir do segundo trimestre a liña 4 dos CONTRATOS-PROGRAMA denominada CON-VIVE. O seu obxectivo é mellorar a competencia social e cívica, promover medidas que fomenten a convivencia, promover un axeitado clima de aula e de centro e levar a cabo accións preventivas de condutas non axeitadas. A biblioteca colabora co desenvolvemento do programa adquirindo 20 exemplares do libro "Invisible" de Eloy Moreno, sobre o cal se traballará nas horas de titoría.

LECTURAS EN GALEGO

Ven, 29/01/2021 - 13:44 — mirian

As editoriais Xerais e Galaxia cederon ao departamento de galego varios exemplares de lecturas xuvenís que pasan a formar parte dos fondos da biblioteca.

LIBROS INCLUSIÓN PLAN LÍA

Ven, 08/01/2021 - 15:27 — mirian

A consellería de Educación, dentro do Plan Lía de Bibiotecas Escolares, asignou ao centro unha partida económica para o chamado “desafío número 3”, A biblioteca inclusiva. Baixo este epígrafe preténdese dotar ás bibliotecas escolares dos recursos necesarios para atender de forma axeitada ao alumnado con necesidades educativas de apoio específico, ofrecéndolle oportunidades adaptadas e enriquecedoras para a adquisición e reforzo de habilidades e de competencias clave.

Velaquí unha fotografía do material adquirido:

LIBROS SEMINARIO PERMANENTE DE EDUCACIÓN EMOCIONAL

Sáb, 19/12/2020 - 12:25 — mirian

20 membros do profesorado do instituto participan nun Seminario Permanente asociado á liña dos Contratos-Programa. Leva por título A educación emocional como eixe transversal da convivencia, a excelencia académica e a educación para a saúde. Como parte do material de traballo adquiríronse unha serie de libros relacionados co tema que pasarán a formar parte da nosa biblioteca.

EXPOSICIÓN PERMANENTE DE MINILIBROS

Sáb, 19/12/2020 - 12:22 — mirian

O primeiro trimestre deste curso 2020-2021 puidemos ver e admirar de cerca nunha exposición situada no vestíbulo principal do instituto: os “minilibros” realizados de xeito artesanal polo alumnado durante o confinamento, por iniciativa da profesora Rosa Paz Rico. Agora foron cedidos á Biblioteca, pasando a formar parte dunha exposición permanente. Polo de agora están situados no corredor que dá acceso á mesma, que funciona como unha especie de anexo para paliar a falta de espazo motivada polo protocolo anti-covid.

LIBROS FEMINISTAS EN INGLÉS

Sáb, 19/12/2020 - 12:12 — mirian

Ampliamos o noso fondo de libros con sete títulos en lingua inglesa vinculados dalgún ou outro xeito ao pensamento feminista.

LIBROS DE ECONOMÍA

Mér, 25/11/2020 - 14:25 — mirian

Ampliamos a nosa biblioteca cunha nova sección, a de Economía. Aos xa existentes sumouse un lote de lbros adquiridos polo departamento.

NOVIDADES NA SECCION DE BANDA DESEÑADA

Dom, 08/11/2020 - 09:28 — mirian

Adquirimos o cómic Subnormal co fin de darlle visibilidade ao tema do “bullying”. A obra recolle o testemuño de Iñaki Zubizarreta, xogador de baloncesto , que sufriu acoso escolar e conseguiu superar o trauma que lle causou grazas ao deporte e á axuda das persoas do seu entorno.