Blog da biblioteca

NOVIDADES E-BOOKS

Sáb, 06/02/2021 - 12:13 — mirian

Adquirimos cinco novos títulos para os nosos libros electrónicos:

Frankenstein o el moderno Prometeo, Mary Shelley

Novela de ajedrez, Stefan Zweig

Fuenteovejuna, Lope de Vega

A balada dos unicornios, Ledicia Costas

El palacio de la luna, Paul Auster

O instituto desenvolverá a partir do segundo trimestre a liña 4 dos CONTRATOS-PROGRAMA denominada CON-VIVE. O seu obxectivo é mellorar a competencia social e cívica, promover medidas que fomenten a convivencia, promover un axeitado clima de aula e de centro e levar a cabo accións preventivas de condutas non axeitadas. A biblioteca colabora co desenvolvemento do programa adquirindo 20 exemplares do libro "Invisible" de Eloy Moreno, sobre o cal se traballará nas horas de titoría.

SINALIZACIÓN DA BIBLIOTECA

Ven, 29/01/2021 - 13:47 — mirian

Renovamos a sinalización da biblioteca con 4 novos indicadores de itinerario situados en distintos lugares do instituto.

LECTURAS EN GALEGO

Ven, 29/01/2021 - 13:44 — mirian

As editoriais Xerais e Galaxia cederon ao departamento de galego varios exemplares de lecturas xuvenís que pasan a formar parte dos fondos da biblioteca.

LIBROS SECCIÓN “EUROPA”

Sáb, 16/01/2021 - 14:53 — mirian

Incorpóranse á nosa Biblioteca varias novidades que pasan a formar parte da sección Europa. Podemos velas na seguinte fotografía:

LIBROS INCLUSIÓN PLAN LÍA

Ven, 08/01/2021 - 15:27 — mirian

A consellería de Educación, dentro do Plan Lía de Bibiotecas Escolares, asignou ao centro unha partida económica para o chamado “desafío número 3”, A biblioteca inclusiva. Baixo este epígrafe preténdese dotar ás bibliotecas escolares dos recursos necesarios para atender de forma axeitada ao alumnado con necesidades educativas de apoio específico, ofrecéndolle oportunidades adaptadas e enriquecedoras para a adquisición e reforzo de habilidades e de competencias clave.

Velaquí unha fotografía do material adquirido:

XOGO “TRIBO”, UNHA BARALLA POLA IGUALDADE

Sáb, 19/12/2020 - 12:45 — mirian

A Concellaría de Igualdade de Ribadeo cedeu á biblioteca un exemplar do xogo de cartas “Tribo”, onde as protagonistas son mulleres senlleiras de todas as nacionalidades. A iniciativa parte do proxecto “Quero ser coma…”, que naceu coa finalidade de visibilizar as mulleres e os seus logros ao longo da historia, moitas veces ocultos ou silenciados. Colaborou na iniciativa o alumnado de 3º e 4º de ESO de Educación Plástica coordinado por Chus Colmenero e o alumnado de Coeducación, coordinado por Teresa González.

LIBROS SEMINARIO PERMANENTE DE EDUCACIÓN EMOCIONAL

Sáb, 19/12/2020 - 12:25 — mirian

20 membros do profesorado do instituto participan nun Seminario Permanente asociado á liña dos Contratos-Programa. Leva por título A educación emocional como eixe transversal da convivencia, a excelencia académica e a educación para a saúde. Como parte do material de traballo adquiríronse unha serie de libros relacionados co tema que pasarán a formar parte da nosa biblioteca.

EXPOSICIÓN PERMANENTE DE MINILIBROS

Sáb, 19/12/2020 - 12:22 — mirian

O primeiro trimestre deste curso 2020-2021 puidemos ver e admirar de cerca nunha exposición situada no vestíbulo principal do instituto: os “minilibros” realizados de xeito artesanal polo alumnado durante o confinamento, por iniciativa da profesora Rosa Paz Rico. Agora foron cedidos á Biblioteca, pasando a formar parte dunha exposición permanente. Polo de agora están situados no corredor que dá acceso á mesma, que funciona como unha especie de anexo para paliar a falta de espazo motivada polo protocolo anti-covid.