Blog da biblioteca

ACTIVIDADES AULAS PORTUGUÉS XORNAL NÓS

Xov, 29/04/2021 - 12:34 — mirian

A nosa biblioteca está subscrita a varias publicacións, entre elas, o xornal Nós. A profesora de Lingua Portuguesa Dores Fernández Abel incorporouno de xeito cotián ao traballo nas súas aulas, aproveitando todas as posibilidades que ofrece.

RECITAL POÉTICO-MUSICAL DÍA DO LIBRO

Xov, 29/04/2021 - 12:22 — mirian

O venres 23 de abril, con motivo da celebración do Día do Libro, por iniciativa da profesora de Música María Ron a Biblioteca (cuxo equipo axudou a seleccionar os textos lidos) foi escenario dun recital poético. O alumnado de 3º e 4º de ESO leu poemas nas distintas linguas do alumnado do centro con acompañamento musical en vivo e unha proxección audiovisual de fondo. O obxectivo, máis alá da mera celebración, foi o fomento da muliticulturalidade e a integración do alumnado de variadas orixes. Escoitamos textos en italiano, portugués, inglés, galego, castelán, alemán, catalán, chinés e árabe.

ACTIVIDADE PERSONAXES LITERARIOS DÍA DO LIBRO

Xov, 29/04/2021 - 12:13 — mirian

O venres 23 de abril, con motivo da celebración do Día do Libro, por iniciativa da profesora do Dto de Lingua e Literatura Castelá Rosa Paz, disfrutamos da posibilidade de ver ao noso alumnado de 1º e 2º ciclo da ESO convertido en diferentes personaxes da literatura universal que decidiron abandonar as páxinas dos libros para visitarnos e contarnos a súa historia desde unha perspectiva de xénero, igualitaria e diversa.

A blblioteca colaborou seleccionando as obras correspondentes que acompañaban o atrezzo.

Durante o acto, cada participante foi presentado cun breve texto alusivo ao libro ou ben cun fragmento do mesmo. A actividade incluiu tamén unha breve representación teatral da obra de Lorca A casa de Bernarda Alba. Noraboa a tod@s os participantes e á profesora organizadora ! Podemos ver un resume do acto no enlace

https://www.youtube.com/watch?v=Bh86O_eBGGA

LIBROS AGASALLO CONCELLO

Xov, 29/04/2021 - 11:51 — mirian

O 20 de abril de 2021 a concelleira de cultura de Ribadeo fíxolles entrega ás directoras e directores dos centros de ensino de Ribadeo de varios exemplares de dous libros editados recentemente para que formen parte das súas bibliotecas.

O primeiro foi Cen historias máxicas pola Mariña encantada, de Antonio Reigosa, con ilustracións de Neira Brosch, editado por Gráficas Lar de Viveiro e patrocinado pola Área de Cultura da Deputación da Lugo. Trátase dun libro no que se recollen encantos, milagres, seres e lugares lendarios da comarca. O obxectivo foi contribuír á divulgación do acervo cultural e da creación artística da comarca en particular e de Galicia en xeral.

Ademais foron entregados dous exemplares de Rosas envaiñadas, un poemario do autor focense Paco Rivas.

O acto de entrega destes libros aos centros de ensino de Ribadeo tivo lugar na Biblioteca Pública Municipal El Viejo Pancho.

CERTAME RELATO CURTO COCA COLA

Xov, 29/04/2021 - 11:28 — mirian

Alumnado de 2º de ESO participou o mes de marzo no concurso de Novos Talentos de Relato Curto proposto pola Fundación Coca-Cola. A actividade consistiu en realizar unha proba escrita en tempo real a través da plataforma do concurso, que tivo lugar no recinto da Biblioteca. Agradecemos moito a súa participación e a implicación na actividade das profesoras Luana Ferreira Pires e Rosa Paz Díaz.

LIBROS ADICADOS- Pablo Trabadelo Villabrille

Xov, 29/04/2021 - 11:24 — mirian

O fisioterapeuta e poeta veigueño Pablo Trabadelo Villabrille adicounos o seu poemario Navalla, que pasa a formar parte da nosa colección Local. Podedes ver unha autopresentación do libro no seguinte enlace:

https://www.youtube.com/watch?v=XX0TC-aElao

NOVAS ADQUISICIÓNS MOBILIARIO

Mar, 27/04/2021 - 13:47 — mirian

Alén da ampliación das estanterías da sección de Ciencias e de Literatura Galega Adultos, utilizamos a concesión de fondos para mobiliario outorgados na asignación do Plambe para o presente curso 2020-21 para os seguintes fins:

-Adquisición dunha lámpada e dúas butacas de lectura pensando en crear un “recuncho de lectura” cando a pandemia o permita.

- Encargamos a un carpinteiro local unha “minicasa” co fin de crear, cando a pandemia o permita, un punto de intercambio de libros a xeito do do BookCrossing creado polo estadounidense Ron Hornbaker.

CARTELERÍA PLAMBE

Mar, 27/04/2021 - 13:34 — mirian

Visibilizamos os novos cartaces de Bibliotecas Escolares, adicados este

curso ás Xeografías Lectoras.

SINALIZACIÓN BIBLIOTECA

Mar, 27/04/2021 - 13:26 — mirian

ESPAZO INCLUSIÓN

Mar, 27/04/2021 - 13:19 — mirian

Asignamos un espazo individualizado á bibliografía relativa á INCLUSIÓN.

A consellería de Educación, dentro do Plan Lía de Bibiotecas Escolares, asignou ao centro unha partida económica para o chamado “desafío número 3”, A biblioteca inclusiva. Baixo este epígrafe preténdese dotar ás bibliotecas escolares dos recursos necesarios para atender de forma axeitada ao alumnado con necesidades educativas de apoio específico, ofrecéndolle oportunidades adaptadas e enriquecedoras para a adquisición e reforzo de habilidades e de competencias clave.