Info Point

No DOG deste luns 31 de xaneiro sae publicada a convocatoria de axudas para a realización de actividades de formación en linguas estranxeiras no ano 2022, destinadas ao alumnado dos centros docentes sostidos con fondos públicos.

Estas axudas competen ao alumnado de 1º e 2º de Bacharelato e hai un prazo de un mes para presentar a documentación. 

Nº de prazas: 525. (Canadá, Reino Unido, Francia e Portugal)

As solicitudes presentaranse preferiblemente por vía electrónica a través do formulario normalizado dispoñible na sede electrónica da Xunta de Galicia, https://sede.xunta.gal

O procedemento de axuda debe ser realizada desde o seguinte enlace: 

ORDE do 11 de xaneiro de 2022

Unha posibilidade de  achegarse á realidade educativa europea e unha inmersión lingüística nalgunha das linguas dos nosos veciños. Se necesitades información podedes acudir ao profesorado responsable e no departamento de Orientación do centro.

No curso 2009-2010 fixemos unha tarxeta de Nadal sobre a que agora actualizamos os bos desexos.... Que o pasedes ben nestas entrañables festas, e que o 2002 entre moi saudable e positivo para todos....

O día 3 de decembro é o DÍA INTERNACIONAL DAS PERSOAS CON DISCAPACIDADE. En torno a esta data traballaremos con diferentes recursos que ampliarán o noso coñecemento sobre as persoas do noso redor.

Con EUROPE DIRECT LUGO, comezaremos o xoves 2 de decembro ás 14:00 horas, nun programa no que estará o director de cine Roberto Pérez Toledo e Marta Fuentes, Directora de proxectos de Ayudame 3D, poderedes seguilo en directo neste enlace de youtube. 

Nas materias de Filosofía traballamos tamén no 38 Concurso Educativo da ONCE, porque debemos traballar unidos pola inclusión e converter ao alumnado en axentes de cambio, animándoo a actuar, dentro e fóra das aulas, para facer máis inclusiva a contorna. Porque todos podemos sumar pasos no camiño da igualdade. Este ano, baixo o lema "O CAMIÑO QUE NOS TORNA IGUAIS", propóñennos pasar da sensibilización á acción, a través dunha proposta pedagoxicamente actual e atractiva,....

Tamén poderemos achegarmos á realidade do mundo da discapacidade a través da páxina da ONU onde atoparemos información sobre o empoderamento das persoas con discapacidade para un desenvolvemento inclusivo, equitativo e sostible, como se pedía na Axenda 2030 para el Desenvolvemento Sostible, que se compromete a "non deixar a ninguén atrás" e considera a discapacidade como unha cuestión transversal na implementación dos seus 17 Obxectivos de Desenvolvemento Sostible.

E se aínda queremos ampliar información sobre este tema podedes entrar na información que a representación en España da Comisión europea pon á nosa disposición no seguinte enlace..

«A medida que o mundo se recupera da pandemia, debemos asegurarnos de que as aspiracións e os dereitos das persoas con discapacidade se inclúan e se teñan en conta nun mundo pos-COVID-19 que sexa inclusivo, accesible e sostible. Esta visión só se logrará se se consulta activamente ás persoas con discapacidade e ás organizacións que as representan.»

António Guterres, Secretario Xeral das Nacións Unidas

De entre todas as datas significativas do mes de novembro o 25N segue a ser unha das máis infamantes para o ser humano. Certo que toda a Historia da Humanidade está pragada de actos violentos, e que a agresividade forma parte da nosa natureza e intervén como mecanismo de defensa para a supervivencia, pero todas estas realidades e características do ser humano non xustifican, NON poden xustificar, a situación que estamos vivindo. A evolución do ser humano é irrenunciable, e o perfil de progreso das sociedades entra en conflito con estes crimes que se seguen sucedendo ao noso redor.

Son moitas as actividades e os actos programados para este Día, son moitos os enlaces e as páxinas suxeridas para educar no respecto, na igualdade, na aceptación do diverso,... e nos queremos sumarmos a estas colaboracións cun video que resume o traballo de moitos cursos anteriores... Fai tempo xa, un pequeno grupo de alumnas de Filosofía e embaixadoras do Parlamento Europeo, decidiron aportar un pouco do seu traballo na sensibilización e na difusión do porque desta data,... non podemos deixar pasar de lembralo, repetilo e mostralo,... 

O vindeiro 10 de decembro de 9:30 a 11:30 alumnado seleccionado entre os e as embaixadoras do Parlamento Europeo participarán no programa Euroscola Online, que estará dedicado ao tema “Transformación dixital: cal é a túa visión da época dixital?

Durante este evento o alumnado aprenderá acerca do Parlamento Europeo e poderán facer preguntas aos ponentes, que serán un Vice-Presidente do Parlamento Europeo e un experto, mediante chat en directo ou falando a través de vídeo en streaming. Adxuntamos o programa completo.

Para poder participar en esta actividade é IMPRESCINDIBLE que cada alumno/a acceda ao seguinte enlace:

https://ec.europa.eu/eusurvey/runner/Euroscola101221

A nai/pai ou titor/a legal deberá cubrir os datos solicitados e engadir un correo para confirmar que a súa participación quedou rexistrada. Este enlace debe ser cuberto ANTES DO 23 DE NOVEMBRO). Dita confirmación será entregada no centro. 

O evento será traducido ás seguintes linguas: inglés, francés, alemán, español, italiano e polaco.

Each school is invited to send us in advance one QUESTION on one of the three following topics:

1)      Cyber security threats and data protection,

2)      Disinformation and fake news

3)      Digital addiction

This can be done by simply recording  a short video (30 seconds maximum) in a horizontal format, with your mobile phone.

All videos must be accompanied by a clear transcript of the question and then sent by teachers to our email address: epstrasbourg-euroscola@europarl.europa.euby 26th November 2021.

Any videos submitted after this date will not be accepted.

Don't forget to follow us on our Facebook & Instagram accounts for all the latest updates on Euroscola and encourage the students to share their ideas on Youth ideas platform https://www.youthideas.eu/ , where you can also find useful resources to prepare for the event.