Filosofía

De entre todas as datas significativas do mes de novembro o 25N segue a ser unha das máis infamantes para o ser humano. Certo que toda a Historia da Humanidade está pragada de actos violentos, e que a agresividade forma parte da nosa natureza e intervén como mecanismo de defensa para a supervivencia, pero todas estas realidades e características do ser humano non xustifican, NON poden xustificar, a situación que estamos vivindo. A evolución do ser humano é irrenunciable, e o perfil de progreso das sociedades entra en conflito con estes crimes que se seguen sucedendo ao noso redor.

Son moitas as actividades e os actos programados para este Día, son moitos os enlaces e as páxinas suxeridas para educar no respecto, na igualdade, na aceptación do diverso,... e nos queremos sumarmos a estas colaboracións cun video que resume o traballo de moitos cursos anteriores... Fai tempo xa, un pequeno grupo de alumnas de Filosofía e embaixadoras do Parlamento Europeo, decidiron aportar un pouco do seu traballo na sensibilización e na difusión do porque desta data,... non podemos deixar pasar de lembralo, repetilo e mostralo,... 

Novembro comezou con almas e defuntos, cantos, froitos e tradicións de diverso orixe, e desde a perspectiva contemporánea coa preocupación polas enfermidades masculinas e co anuncio da morte lenta e agónica da Filosofía a pesar dos avisos dos terceiros xoves deste infausto mes.

Diversas actividades temos planificadas, poucas de eco claustral, a fin de contas vivimos e pensamos desde materias inconexas por problemas de tempo e de curriculo... e tamén por falta de ganas e saturación de traballo...

En Defensa da Filosofía 2021

En Defensa da Filosofía 2021 El Progreso. En Defensa da Filosofía 2021 Cronica3.com La Voz de Galicia

Sobre a Defensa da Filosofía en 2020.

Sobre a Defensa da Filosofía en 2019.

Sobre a Defensa da Filosofía en 2013.

Pero tamén temos que facer referencia a outras actividades que moven o mundo e que van tomando corpo e peso no conxunto de iniciativas que nos rodean.... MOVEMBER!

Que que cousa é isto de Movember??... Levamos xa varios cursos dando a coñecer estas iniciativas sen ánimo de lucro e que pretenden contribuír a formar unha sociedade sana e tolerante

Entre unhas cousas e outras seguiremos a nosa ruta e manterémosvos informados.....

Pechamos o curso e con el parte das actividades previstas. Algunha delas que xa tiña a súa orixe en cursos anterioires, como a reportaxe sobre IGUALDADES publicada o 25 de novembro de 2020 da que agora faise eco o suplemento de PRENSAESCUELA do mércores 16 de xuño, o derradeiro no programa para este curso. Neste artigo recollen os 10 traballos presentados e dez máis que sairán publcados nos primeiros meses do curso.

Reportaxes do proxecto PERIODISMO ESCOLAR

Os traballos da primeira fase traballaron temas moi diversos, e o noso deu voz á loita sobre os dereitos e valores fundamentais que debemos defender fronte ás intolerancias e ás inxustizas. Sempre será un tema prioritario para nos e continuaremos con este proxecto desde as distintas materias do noso ámbito. Cremos que tamén o alumnado implicado non soamente é consciente desta necesidade, senón tamén de manter esta actitude ante calquera situación que nos toque vivir.

Con esta idea e esta esperanza rematamos este curso e planificamos o novo. Sorte a todos en todo o que fagamos!

A IGUALDADE: UNHA LOITA PARA ACEPTAR A DIFERENZA

E aquí tedes a avanzadilla do noso traballo. Un recoñecemento a priori do noso continuado labor en defensa de todas as igualdades en todos os tempos .... (Artigo de prensaescuela)

Xoxe mércores 16 de xuño e ata o vindeiro mércores 23 teremos na entrada do centro 11 paneles que fan un percorrido pola historia en femenino da música. Mulleres no pasado, no presente e no noso pobo que sinten e transmiten a música como linguaxe universal. 

Unha exposición pensada e elaborada polos e polas docentes do colexio Sagrado Corazón da nosa vila que rinde tributo a un capítulo máis do traballo, as máis das veces oculto, que a muller desenvolve en todos os ámbitos culturais desde o principio dos tempos. Unha exposición que coloca en primeira plana a moitas destas mulleres que contribuiron a facer da MÚSICA o elemento cultural que debe unirmos e que debemos coñecer, sobre todo cando o traballo levado a cabo permanece no esquecemento.

Esta exposición estivo exposta a comezos de xuño na oficina de Turismo e agora podemos dedicarlle algo máis de tempo aproveitando os derradeiros días lectivos do curso. 

Este xoves 3 de xuño, cun acto oficial de presentación no salón de actos do centro, a Asociación A Concordia fixo pública a cesión temporal da exposición de debuxos e gravados de Suárez Couto ao IES de Ribadeo. Con esta exposición ambos colectivos queren lembrar, difundir e sobre todo dar a coñecer á xuventude da vila, a obra dun artista ribadense que permanece esquecido para a gran maioría.

A colección que a asociación A Concordia conseguiu reunir de familiares, amigos, prensa e publicacións da época está composta de medio centenar de debuxos e gravados moi variados e de distintas épocas: ilustracións para libros e folletos, publicidade de xabóns, festas patronais, semana náutica,... Unha mostra testemuñal que recupera parte do legado artístico de Amando Suárez Couto e revaloriza o interese cultural que toda a familia Suárez Couto amosou por Ribadeo. Un legado que tanto a Asociación A Concordia como o IES Ribadeo Dionisio Gamallo consideran necesario conservar e coñecer.

Breve historia de A Concordia, por Matilde González

En Twiter @cosmopolitas1

(05/06/21) Cronica3.com

(06/06/21) El Progreso