Lingua galega e literatura

O alumnado do noso centro resultou premiado no certame que a Biblioteca Municipal de Ribadeo convocou con motivo da celebración do Día das Letras Galegas. En concreto, lograron os seguintes premios:

Uxía Fernández Vázquez: 1º premio na categoría C da modalidade de narrativa. [TEXTO]

Estela, Alberto e Alicia, de 2º de ESO, explícannos neste vídeo as circunstancias que inspiraron o poema "As pozas demoradas", de Xavier Rodríguez Baixeras, que ten moita relación co noso instituto.

A alumna Alicia Asensio Bande, de 2º de ESO, que resultara gañadora na súa categoría na fase local do certame de poesía de Nadal, convocado pola biblioteca municipal "El Viejo Pancho" obtivo o 2º premio na mesma categoría da fase provincial, competindo cos premiados na fase local do resto das bibliotecas públicas da provincia de Lugo.

Parabéns!

Realidade é un videopoema elaborado por María Cando e Clara Maseda, alumnas de 4º de ESO. Promoveu a actividade a profesora Susana Díaz Orol, do departamento de galego.

Podes ver algunhas das nosas actividades no apartado correspondente ó EQUIPO DE DINAMIZACIÓN LINGÜÍSTICA.