Ou luns 15 de marzo tivemos dous charlas dos irmáns Ricardo e Xosé Trigo que viñeron a presentar a obra Ricardo Mella: o home novo, novela gráfica que nos narra a biografía do intelectual vigués. Ramón é o autor das espectaculares ilustracións e Xosé, o guionista. As rúas de Vigo, as chemineas industriais ou as vías do tranvía aparecen polas páxinas da novela trazadas a carboncillo.

A continuación, pinchando nos "widgets" podedes ver as novelas Ricardo Mella Ou home novo e Kartoffel, nesta última móstrnanos o contrabando, a espionaxe e a relación do réxime de Franco cos Nazis.

Co gallo do Día Mundial da Poesía, desde o noso centro queremos facer unhas pequenas achegas con poemas recitados polo profesorado e alumnado do instituto. Se facedes clic enriba de cada nome podedes acceder a elas.

  Anxo Raxó

 Mar Hospido

 Cándido Carrera

 Iago Lores

 Pablo Martínez

Con motivo da morte o pasado 30 de setembro do xenial debuxante Quino, o equipo da biblioteca do noso instituto preparoulle unha pequena homenaxe da que podedes ver unha mostra se facedes clic en cada unha das imaxes.

Desde o Equipo de Dinamización e Normalización Lingüística puxemos en marcha a realización dunha revista do instituto co alumnado. Podedes acceder ás súas versións en internet clicando nos seguintes enlaces:

• Número 1
• Número 2

Tamén podedes acceder ás versións pdf nos arquivos adxuntos.

Recordamos tamén aos membros do equipo que tedes reunión os martes, no primeiro recreo, na aula de 4º A (aula de plástica).

Que disfrutedes da lectura!

O venres 18 de decembro, despois dunha ampla e reñida participación, o xurado concedeu dous premios no Gran Concurso do Século XX:

• 1º Premio: Agustina Álvarez e Víctor Barrado
• 2º Premio Francisco Grande, Marcos Bértolo e Jose Antonio Grande

Parabéns aos gañadores!!

Se facedes clic na imaxe poderedes acceder á suxestión de lecturas para este Nadal que se propoñen desde a biblioteca do centro. Animádevos a escoller algunha.

Na seguinte foto podemos ver á profesora Estela Lago, do departamento de Lingua Castelá, recollendo o premio outorgado pola Fundación Barrié dentro da "V Convocatoria de Proxectos Escolares 2016 - 2017".

O día 7 de febreiro, a profesora da Universidade de Vigo Carmen Luna Sellés, especialista en literatura latinoamericana,  impartiu un obradoiro aos alumnos de 1º de bacharelato no noso centro sobre o libro cartoneiro en Hispanoamérica.

Que son as editoriais cartoneiras?

Son unha tendencia dentro dalgunhas editoriais alternativas polas súas temáticas e uso de materiais para a publicación. Xurdiron en 2003 coa creación de Eloísa Cartonera en Buenos Aires e expandironse  por Latinoamérica.

Caracterízanse polo tipo de libros que publican con  independencia das grandes editoriais comerciais  e por utilizar formatos artesanais na edición dos seus libros.

No seguinte vídeo podedes ver o éxito que tivo este obradoriro.

Libro cartonero from matesrou on Vimeo.

O clube de lectura do noso centro acaba de ser premiado por parte da Dirección Xeral de Centros e Recursos Humanos da Consellería de Educación e Ordenación Universitaria con 1210 €. Debemos sinalar a importante labor que leva a cabo o noso instituto no fomento dunha actividade tan importante como é a lectura.

O bo traballo do equipo de biblioteca do noso centro (coa participación de moitos membros da comunidade educativa) foi recompensado con dous importantes premios:

Subvención de 5 300 € concedida dentro do "Plan de Mellora de Bibliotecas Escolares 2016 - 2017" pola Consellería de Educación e O. U. da Xunta de Galicia.

Concesión de 4 000 € na "V Convocatoria de Proxectos Escolares 2016 - 2017" organizada pola Fundación Barrié de la Maza. Nesta convocatoria, a devandita fundación seleccionou cinco proxectos de biblioteca dentro de toda Galicia, nas modalidades seguintes: "Proxecto de Centro", "Proxecto Intercentros", "Proxecto Colaborativo" e "Proxecto Infantil". O proxecto de Biblioteca do IES ROU foi premiado na modalidade de "Proxecto de Centro"

Os nosos parabéns a todos (que son moitos) os participantes nestes proxectos.

Nas seguintes imaxes tedes a demostración de que existen moitos xeitos de aprender.