25 DE NOVEMBRO DÍA INTERNACIONAL CONTRA A VIOLÉNCIA DE XÉNERO

Taboleiro |
Novas

Concentrámonos alumnado, profesorado e persoal subalterno do IES Ramón Caamaño hoxe 25 de Novembro de 2019 xunto cos CPI Virxe da Barca, Persoal do CIM de Muxía, Alcalde, Concelleira de Igualdade e persoal do concello e veciñas e veciños de Muxía, para alzar a nosa voz clara e rotunda contra a Violencia de Xénero, e para esixir medidas eficaces contra este cancro que só se pode combater desde a unión, a educación e unha sociedade na que prime o amor, o respeto a tolerancia e por riba de todo a IGUALDADE entre homes e mulleres. Falou unhas verbas o alcalde Iago Toba para logo darlle paso a Concelleira de Igualdade Olalla Benlloch que leu un manifesto elaborado polas mulleres que conforman o CIM; pola nosa parte Johana Haz, Sara Haz, Marta Caamaño, Silvia Toba de 1º da ESO e Carla Martínez e Lucía Pazos de 2º leron tamén un maravilloso manifesto escrito por esta última. Léron tamén Sofía Valiña, Cristina Quintáns e Laura Santiago de 3º e 4º da ESO unha escolma de frases: denuncias, críticas proclamas alusivas ó tema froito do traballo nas aulas. Para rematar Silvia e Johana de 1º da ESO leron dous poemas da súa autoría, un deles un "acróstico" formando a palabra IGUALDADE. Foi un acto moi emotivo, ver como veciños e estamentos públicos de Muxía faciamos causa común.

Agradecer ó profesorado que estivo as semanas previas traballando co alumnado nas aulas, facendo diversas pancartas para visibilizar o tema no centro, e ó que axudou na elaboración da actividade de visionado colectiva nos segundos recreos da semana previa e posterior ó 25 de Novembro: PON AS LENTES VIOLETAS, que consistiu e consiste no visionado de "curtas" de poucos minutos con temática de denuncia sobre a violencia de xénero na pantalla do hall do centro. Tamén durante os primeiros recreos se proxectan videos musicais de artistas que coas súas letras axudan a visibilizar o problema.

LINKS

MANIFESTO "ESTOU FARTA" (Coral a 6 Voces) por LUCÍA PAZOS TRILLO

ESCOLMA DE FRASES, PROCLAMAS, REIVINDICACIÓNS 25N ALUMNADO

POEMA "PORCALLÁN ERES" por SILVIA TOBA CORRAL

ACRÓSTICO "IGUALDADE" por JOHANA HAZ SAR

MANIFESTO DO CONCELLO DE MUXÍA