FOL

Os días 13 e 15 de maio, celebráronse no IES unhas charlas sobre "Primeiros Auxilios" organizadas polos Departamentos de Orientación e de FOL.

O alumnado participante en cada unha das datas foi:

• Martes, 13 de maio: 1º CM e 1º CS Mantemento.
• Xoves, 15 de maio: 1º CS Administración e Finanzas, 1º CM Electricidade, 1º CM Comercio e 1º PCPI.

O seu desenvolvemento foi unha formación teórico-práctica. Os obxectivos da actividade eran:

• Identificar a atención de primeiros auxilios en situación de risco.
• Recoñecer situacións de risco, medidas e prevención dos accidentes máis frecuentes.
• Coñecer as técnicas de primeiros auxilios.

A avaliación da actividade foi moi positiva, sobre todo polo gran contido práctico da mesma. O alumnado participante tivo a oportunidade de coñecer e practicar por eles mesmos as técnicas de primeiros auxilios e as medidas de prevención e atención dos accidentes máis frecuentes: técnicas de reanimación cardiopulmonar, maniobra de Heimlich para atragoamento, técnicas de estabilización, movilización e transporte dos feridos...

Queremos destacar o noso agradecemento ó ponente Francisco Teijido (profesor do IES de Leixa en Ferrol), xa que cos seus coñecementos pedagóxicos e médicos, deunos a oportunidade de coñecer e valorar a importancia deste tema.